ಸೊರಬ | ಮಹಿಳೆಯರು ಅಬಲೆಯಲ್ಲ, ಶಕ್ತಿಯ ಸ್ವರೂಪ: ಡಾ. ಜ್ಞಾನೇಶ್

ಕಲ್ಪ ಮೀಡಿಯಾ ಹೌಸ್  |  ಸೊರಬ  |

ಇಂದು ಮಹಿಳೆಯರು ಸಮಾಜ, ಕುಟುಂಬ ಮತ್ತು ವೃತ್ತಿ ಜೀವನದ ಎಲ್ಲಾ ಹೊರೆಗಳನ್ನು ಸಮರ್ಥವಾಗಿ ಹೊರುತ್ತಿದ್ದಾರೆ. ಶಕ್ತಿಯ ಸ್ವರೂಪವೇ ಮಹಿಳೆ ಎಂದು ದಂತ ವೈದ್ಯ ಹಾಗೂ ಬಿಜೆಪಿ ಮುಖಂಡ ಡಾ. ಜ್ಞಾನೇಶ್ ಅಭಿಪ್ರಾಯಪಟ್ಟರು.

ಪಟ್ಟಣದ ಮುರುಘಾ ಮಠದಲ್ಲಿ ತಾಲ್ಲೂಕು ಬಿಜೆಪಿ ಮಹಿಳಾ ಮೋರ್ಚಾದಿಂದ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
ಮಹಿಳೆ ಅಬಲೆಯೆಂಬ ಮಾತು ತಳ್ಳಿಹಾಕಬೇಕು. ಇಂದು ಮಹಿಳೆಯರು ಸಮಾಜ, ಕುಟುಂಬ ಮತ್ತು ವೃತ್ತಿ ಜೀವನದ ಎಲ್ಲಾ ಹೊರೆಗಳನ್ನು ಸಮರ್ಥವಾಗಿ ಹೊರುತ್ತಿದ್ದಾರೆ. ಶಕ್ತಿಯ ಸ್ವರೂಪವೇ ಮಹಿಳೆ. ಅವರು ಪ್ರತಿಯೊಂದು ಕ್ಷೇತ್ರದಲ್ಲಿ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸುತ್ತಿದ್ದಾರೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಮಹಿಳೆಯರ ಮೇಲಿನ ದೌರ್ಜನ್ಯಗಳು ಹೆಚ್ಚುತ್ತಿರುವುದು ಆತಂಕದ ವಿಚಾರ. ಇದನ್ನು ತಡೆಯಲು ಸಾಮಾಜಿಕ ಪ್ರಜ್ಞೆ ಅಗತ್ಯ ಎಂದರು.

Also read: ಗುಣಮಟ್ಟದ ಶಿಕ್ಷಣ ನೀಡುವಲ್ಲಿ ಪೇಸ್ ಕಾಲೇಜಿನ ಕೊಡುಗೆ ಶ್ಲಾಘನೀಯ | ಡಾ. ಮೋಹನ್ ಆಳ್ವ

ಜಿಲ್ಲಾ ಬಿಜೆಪಿ ಉಪಾಧ್ಯಕ್ಷೆ ಗೀತಾ ಮಲ್ಲಿಕಾರ್ಜುನ್ ಮಾತನಾಡಿ, ಒಂದು ಕಾಲದಲ್ಲಿ ಮಹಿಳೆಯರಿಗೆ ಅನೇಕರೀತಿಯ ನಿಯಂತ್ರಣಗಳಿದ್ದವು. ಆದರೆ, ಇಂದು ಅವರು ಎಲ್ಲ ಅಡೆತಡೆಗಳನ್ನು ಮೀರಿ ಪ್ರತಿಯೊಂದು ಕ್ಷೇತ್ರದಲ್ಲಿ ಮಹಿಳೆಯರು ಕುಟುಂಬ, ಸಮಾಜ ಮತ್ತು ಉದ್ಯೋಗ ಕ್ಷೇತ್ರಗಳಲ್ಲಿ ಮಹತ್ವದ ಪಾತ್ರ ವಹಿಸಿ ಮುನ್ನಡೆಯುತ್ತಿದ್ದಾರೆ ಅವರ ಸಮರ್ಥತೆಗೆ ಪೂರಕ ವಾತಾವರಣ ಕಲ್ಪಿಸುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ ಎಂದರು.

ಕಾರ್ಯಕ್ರಮದ ಅಂಗವಾಗಿ ಪುರಸಭೆಯ ಮಹಿಳಾ ಪೌರಕಾರ್ಮಿಕರು ಹಾಗೂ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಮಹಿಳೆಯರಿಗೆ ಸನ್ಮಾನ ಮಾಡಲಾಯಿತು.

ತಾಲೂಕು ಬಿಜೆಪಿ ಮಹಿಳಾ ಮೋರ್ಚಾ ಅಧ್ಯಕ್ಷೆ ಹೊಳಿಯಮ್ಮ ಈಶ್ವರ, ತಾಲೂಕು ಬಿಜೆಪಿ ಅಧ್ಯಕ್ಷ ಪ್ರಕಾಶ್ ಅಗಸನಹಳ್ಳಿ, ಮಹಿಳಾ ಮೋರ್ಚಾ ಉಪಾಧ್ಯಕ್ಷೆ ಸುಧಾ ಶಿವಪ್ರಸಾದ್, ಮಾಜಿ ಅಧ್ಯP್ಷÀ ಮಲ್ಲಿಕಾರ್ಜುನ್, ಪ್ರಧಾನ ಕಾರ್ಯದರ್ಶಿ ಭಾಗ್ಯ, ಶಿವಕುಮಾರ್ ಕಡಸೂರು, ಪುರಸಭೆ ಸದಸ್ಯೆ ಜಯಲಕ್ಷಿö್ಮÃ, ಆಶಾ, ಗೌರಮ್ಮ ಭಂಡಾರಿ ಮತ್ತಿತರರು ಭಾಗವಹಿಸಿದ್ದರು.

(ವರದಿ: ಮಧುರಾಮ್, ಸೊರಬ)

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news