ಕಾಂಗ್ರೆಸ್ ಸರ್ಕಾರ ಗ್ಯಾರೆಂಟಿಯೊಂದಿಗೆ ಈ ವಿಷಯಕ್ಕೂ ಸಹ ಗಮನ ನೀಡಲಿ

ಕಲ್ಪ ಮೀಡಿಯಾ ಹೌಸ್   |  ವಿಶೇಷ ಲೇಖನ  |

ರಾಜ್ಯದ ಜನತೆಗೆ ಐದು ಮಹತ್ವಪೂರ್ಣ ಗ್ಯಾರೆಂಟಿಗಳನ್ನು ನೀಡುವ ಮೂಲಕ ಈ ಭಾರಿ ಅಧಿಕಾರಕ್ಕೇರಿರುವ ನೂತನ ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ. ಶಿವಕುಮಾರ್ ಹಾಗೂ ನೂತನ ಸಚಿವರುಗಳಿಗೆ ಕಲ್ಪ ಮೀಡಿಯಾ ಹೌಸ್ ಅಭಿನಂದಿಸುತ್ತದೆ.

ಕಾಂಗ್ರೆಸ್ ನೀಡಿರುವ ಆಶ್ವಾಸನೆಗಳನ್ನು ಪರಿಗಣಿಸಿ ರಾಜ್ಯದ ಜನರು ನಿಮಗೆ ಅಧಿಕಾರ ನೀಡಿದ್ದಾರೆ. ಈ ಹಂತದಲ್ಲಿ ಸಾಮಾನ್ಯವಾಗಿ ರಾಜಕೀಯ ಪಕ್ಷಗಳು ಆಶ್ವಾಸನೆ ನೀಡುವಾಗ ಆಲೋಚನೆ ಮಾಡಬೇಕು. ರಾಜ್ಯದ ಜನತೆಗೆ ಅನುಕೂಲವಾಗುವ ಮತ್ತು ಮುಂದಾಲೋಚನೆ ಇಟ್ಟುಕೊಂಡು ಜನರಿಗೆ ಆಶ್ವಾಸನೆ ನೀಡಿದರೆ ಮುಂದಿನ ರಾಜಕೀಯ ವ್ಯವಸ್ಥೆ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ನೀವು ಆತ್ಮ ಅವಲೋಕನ ಮಾಡಿಕೊಂಡು ಈ ಕೆಳಗೆ ಅಂಶಗಳನ್ನು ಓದಿ.

1. ಕಾಂಗ್ರೆಸ್ ಸರ್ಕಾರ ಕೊಡಲು ಮುಂದಾಗಿರುವ 5 ಗ್ಯಾರಂಟಿ ಆಶ್ವಾಸನೆ ಈಗ ಬೇಕಾಗಿತ್ತಾ?
2. ಇದರಿಂದ ಅನುಕೂಲ ಜನತೆಗೆ ಆದರೂ ಸರ್ಕಾರಕ್ಕೆ ಹೊರೆ ಅಲ್ಲವೆ?
3. ನೀವು ನಿಜವಾದ ರಾಜಕೀಯ ಸಚಿವ ಸಂಪುಟದ ಸದಸ್ಯರಾಗಿದ್ದರೆ ಮುಂದಿನ ನಿಮ್ಮ ಎಲ್ಲಾ ಗ್ಯಾರಂಟಿ ಗಳನ್ನು ಯಾವುದೇ ಸಾಲ ಮಾಡದೆ ಸರ್ಕಾರಕ್ಕೆ ಹೊರೆಯಾಗದೆ ಮಾಡುತ್ತಿರಾ?
4. ನೀವು ನಿಮ್ಮ ಆಶ್ವಾಸನೆ ತಿರಿಸಲು ಹೋಗಿ ಬೇರೆಯವರಿಗೆ ತೂಂದರೆ ಮಾಡುತ್ತಿರಾ ?
5. ಟ್ಯಾಕ್ಸ್ ಹೆಚ್ಚಳ, ಟೂಲ್ ಹೆಚ್ಚಳ, ದಿನಚರಿ ಸಾಮಾಗ್ರಿಗಳನ್ನು ಹೆಚ್ಚಿಸಲು ಮುಂದಾಗುತ್ತಿರಾ?

ಇನ್ನು ಒಮ್ಮೆ ಯೋಚಿಸಿ, ನಿಮ್ಮ ಮುಂದೆ ಇರುವ ಅನೇಕ ಅಭಿವೃದ್ಧಿ ಕಾರ್ಯಗಳು ತುಂಬಾ ಇದೆ ಅವರೆಲ್ಲರೂ ನಿಮ್ಮ ಮುಂದೆ ಬರುತ್ತಾರೆ. ಅವುಗಳಲ್ಲಿ

1. ಮಳೆಯಾಗಿಲ್ಲ ರೈತರು ನಿಮ್ಮ ಮುಂದೆ ಬರುತ್ತಾರೆ
2. ಮಳೆ ಹಾನಿ ಜನರಿಗೆ ವ್ಯವಸ್ಥೆ
3. ಉದ್ಯೋಗ ಇಲ್ಲದೆ ನಿರುದ್ಯೋಗಿಗಳು ಮುಂದೆ ಬರುತ್ತಾರೆ
4. ಸರ್ಕಾರಿ, ಬ್ಯಾಂಕ್, ಸರ್ಕಾರಿ ಸಂಸ್ಥೆಯ ನೌಕರರು ತಮ್ಮ ಸಂಬಳ ಹೆಚ್ಚಳಕ್ಕೆ ಬರುತ್ತಾರೆ
5. ರೈತರು ಮಳೆಗಾಗಿ ಮೂಡಬಿತ್ತನೆ ಮಾಡಲು ಒತ್ತಾಯಿಸುತ್ತಾರೆ
6. ಜಾತಿವಾರು ಜನ ತಮ್ಮ ತಮ್ಮ ಅಭಿವೃದ್ಧಿ ಗಾಗಿ ಬೇಡಿಕೆ ನೀಡುತ್ತಾರೆ
7. ನಿಗಮ ಮಂಡಳಿ, ಸಂಘ ಸಂಸ್ಥೆಗಳು ಅನುದಾನಕ್ಕೆ ಮುಂದಾಗುತ್ತಾರೆ
8. ಇದರ ನಡುವೆ ಹಿಂದಿನ ಸರ್ಕಾರದ ಯೋಜನೆಗಳನ್ನು ಪೂರ್ಣವಾಗಿ ಮುಗಿಸಬೇಕು
9. ಅಡಿಗೆ ಅನಿಲಕ್ಕೆ ಸಬ್ಸಿಡಿ ಇರಿಸಬೇಕು

ಮುಂದಿನ ನಿಮ್ಮ ಸರ್ಕಾರದ ದಾರಿ ಯಾವ ಕಡೆ ಜನತೆಗೆ ತಿಳಿಸಬೇಕು! ನೀವು ನಿಜವಾಗಿಯೂ ಜನರಿಗೆ ಒಳ್ಳೆಯ ಕೆಲಸ ಮಾಡುವುದಾದರೆ ನಿಮ್ಮ 5 ಗ್ಯಾರಂಟಿ ಕೊಡುವುದನ್ನು ಯೋಜಿಸಿ ನಂತರ ಈ ಕೆಳಗಿನ ಯೋಜನೆ ಕೈಗೆತ್ತಿಕೊಂಡು ಕೆಲಸ ಮಾಡಿದರೆ ಎಲ್ಲಾ ಹಂತದಲ್ಲಿ ಸಹಾಯವಾಗುತ್ತದೆ.

1. ಶಿಕ್ಷಣ ಭಾಗ್ಯ – ಇಂದಿನ ಶಿಕ್ಷಣಕ್ಕೆ ಹೆಚ್ಚಿನ ಗಮನ ನೀಡಿ ಎಲ್ಲಾ ಜಾತಿಯ ವಿದ್ಯಾರ್ಥಿಗಳಿಗೆ ಉಚಿತ ಶಿಕ್ಷಣ ನೀಡಿ
2. ಆರೋಗ್ಯ ಭಾಗ್ಯ – ಇಂದು 50-60 ವರ್ಷಕ್ಕೆ ಜನರು ಹೃದಯ ಸಂಬಂಧಿ, ಕಿಡ್ನಿ, ಕ್ಯಾನ್ಸರ್ ಹಾಗೂ ಇನ್ನಿತರ ಕಾಯಿಲೆಗೆ ಚಿಕಿತ್ಸೆ ಪಡೆಯಲು ಆಗದೆ ಅತಿ ಬೇಗನೆ ಸಾವು ನೋವುಗಳನ್ನು ಅನುಭವಿಸುತ್ತಿದ್ದಾರೆ ಹಾಗಾಗಿ ಉಚಿತ ಆರೋಗ್ಯ ಯೋಜನೆ ಜಾರಿಗೆ ತನ್ನಿ
3. ವಸತಿ ಯೋಜನೆ: ವಸತಿ ಯೋಜನೆ ಸರಳಿಕರಣ ಮಾಡಿ ಎಲ್ಲರೂ ತಮ್ಮ ತಮ್ಮ ಸ್ವಂತ ಸೂರಿನಲ್ಲಿ ನೆಲೆಯಾಗುವಂತೆ ಮಾಡಿ
4. ಜಾತಿಯತೆ, ಮೀಸಲಾತಿ ಇವುಗಳನ್ನು ಸರಿಪಡಿಸಿ ಮುಂದುವರೆದರೆ ಸರ್ಕಾರ ಸುಭದ್ರವಾಗಿರುತ್ತದೆ

ನೋಡೋಣ ಸ್ವಲ್ಪ ದಿನದಲ್ಲಿ ಸರ್ಕಾರದ ಹಣೆಬರಹ ಗೊತ್ತಾಗುತ್ತದೆ. ಜನರ ಜೀವನ ಯಾವರೀತಿ ಈ ಗ್ಯಾರಂಟಿ ಭಾಗ್ಯ ಪಡೆದು ಸುಖ ಜೀವನ ಸಾಗಿಸುತ್ತಾರೆ, ನೋಡೋಣ ಬನ್ನಿ…

ವಿಶೇಷ ಲೇಖನ: ಮುರಳೀಧರ ನಾಡಿಗೇರ್, ಹೊಸಪೇಟೆ

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news