ಕಲ್ಪ ಮೀಡಿಯಾ ಹೌಸ್ | ಯಶವಂತಪುರ |
ಪ್ರಯಾಣಿಕರಿಗೆ ಅನುಕೂಲವಾಗುವಂತೆ ಮತ್ತು ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿವಾರಿಸಲು, ಯಶವಂತಪುರ ಮತ್ತು ಹಜರತ್ ನಿಜಾಮುದ್ದೀನ್ ನಡುವೆ ಒಂದು ಟ್ರಿಪ್ ವಿಶೇಷ ಎಕ್ಸ್’ಪ್ರೆಸ್ ರೈಲನ್ನು ಓಡಿಸಲು ನಿರ್ಧರಿಸಿದೆ.
ಈ ಕುರಿತಂತೆ ನೈಋತ್ಯ ರೈಲ್ವೆ ಮಾಹಿತಿ ನೀಡಿದ್ದು, ವಿಶೇಷ ರೈಲು ಸಂಚಾರದ ವಿವರಗಳು ಇಂತಿವೆ.
06569 ಸಂಖ್ಯೆಯ ಯಶವಂತಪುರ-ಹಜರತ್ ನಿಜಾಮುದ್ದೀನ್ ಎಕ್ಸ್’ಪ್ರೆಸ್ ವಿಶೇಷ ರೈಲು ಬುಧವಾರ, 2026ರ ಫೆಬ್ರವರಿ 25 ರಂದು ರಾತ್ರಿ 22:40 ಕ್ಕೆ ಯಶವಂತಪುರದಿಂದ ಹೊರಟು, ಶುಕ್ರವಾರ, 27.02.2026 ರಂದು ಮಧ್ಯಾಹ್ನ 2:45 ಕ್ಕೆ ಹಜರತ್ ನಿಜಾಮುದ್ದೀನ್ ತಲುಪಲಿದೆ.
ಹಿಂದಿರುಗುವ ದಿಕ್ಕಿನಲ್ಲಿ, 06570 ಸಂಖ್ಯೆಯ ಹಜರತ್ ನಿಜಾಮುದ್ದೀನ್-ಯಶವಂತಪುರ ಎಕ್ಸ್’ಪ್ರೆಸ್ ವಿಶೇಷ ರೈಲು ಭಾನುವಾರ, 2026ರ ಮಾರ್ಚ್ 1 ರಂದು ಬೆಳಿಗ್ಗೆ 7:00 ಕ್ಕೆ ಹಜರತ್ ನಿಜಾಮುದ್ದೀನ್’ನಿಂದ ಹೊರಟು, ಸೋಮವಾರ, 2026 ಮಾರ್ಚ್ 2ರಂದು ರಾತ್ರಿ 21:40 ಕ್ಕೆ ಯಶವಂತಪುರ ತಲುಪಲಿದೆ.
ಎಲ್ಲೆಲ್ಲಿ ನಿಲುಗಡೆ ನೀಡಲಿದೆ?
ಮಾರ್ಗಮಧ್ಯೆ, ರೈಲುಗಳು ಯಲಹಂಕ, ಧರ್ಮವರಂ, ಅನಂತಪುರ, ಧೋನೆ, ಕರ್ನೂಲ್ ಟೌನ್, ಕಾಚಿಗುಡ, ಕಾಜಿಪೇಟೆ ಜಂಕ್ಷನ್, ಬಲ್ಹಷರ್, ನಾಗ್ಪುರ, ಭೋಪಾಲ್, ಬಿನಾ, ವಿರಂಗನ ಲಕ್ಷ್ಮಿಬಾಯಿ ಝಾನ್ಸಿ, ಗ್ವಾಲಿಯರ್, ಆಗ್ರಾ ಕಂಟೋನ್ಮೆಂಟ್, ಮತ್ತು ಮಥುರಾ ಮತ್ತು ಎರಡೂ ದಿಕ್ಕುಗಳಲ್ಲಿ ನಿಲ್ಲುತ್ತವೆ.
ಎಷ್ಟು ಬೋಗಿಗಳು ಇರಲಿವೆ?
ವಿಶೇಷ ರೈಲು 2 ಎಸಿ ಟು ಟೈರ್, 3 ಎಸಿ ತ್ರೀ ಟೈರ್, 11 ಸ್ಲೀಪರ್ ಕ್ಲಾಸ್, 5 ಜನರಲ್ ಸೆಕೆಂಡ್ ಕ್ಲಾಸ್ ಮತ್ತು 2 ಎಸ್’ಎಲ್’ಆರ್/ಡಿ ಕೋಚ್’ಗಳನ್ನು ಒಳಗೊಂಡ 23 ಬೋಗಿಗಳನ್ನು ಒಳಗೊಂಡಿರುತ್ತದೆ.
ಮಾವ್ಲಿಯಲ್ಲಿ ಹಮ್ಸಫರ್ ಎಕ್ಸ್’ಪ್ರೆಸ್ ಪ್ರಾಯೋಗಿಕ ನಿಲುಗಡೆ
ವಾಯುವ್ಯ ರೈಲ್ವೆಯು ಅಜ್ಮೀರ್ ವಿಭಾಗದ ಅಡಿಯಲ್ಲಿ ಬರುವ ಮಾವ್ಲಿ ನಿಲ್ದಾಣದಲ್ಲಿ ರೈಲು ಸಂಖ್ಯೆ 19667/19668 ಉದಯಪುರ ನಗರ-ಮೈಸೂರು-
ಉದಯಪುರ ನಗರ ಹಮ್ಸಫರ್ ಸಾಪ್ತಾಹಿಕ ಎಕ್ಸ್’ಪ್ರೆಸ್ ಪ್ರಾಯೋಗಿಕ ನಿಲುಗಡೆಯನ್ನು ತಿಳಿಸಿದೆ.
19667 ಸಂಖ್ಯೆಯ ಉದಯಪುರ ಸಿಟಿ – ಮೈಸೂರು ಹಮ್ಸಫರ್ ಸಾಪ್ತಾಹಿಕ ಎಕ್ಸ್’ಪ್ರೆಸ್ 2026 ಫೆ.16ರಿಂದ ಜಾರಿಗೆ ಬರುವಂತೆ ರಾತ್ರಿ 21:33 ಕ್ಕೆ ಮಾವ್ಲಿಗೆ ಆಗಮಿಸಿ 21:35 ಕ್ಕೆ ಹೊರಡಲಿದೆ. ಅದೇ ರೀತಿ, 19668 ಸಂಖ್ಯೆಯ ಮೈಸೂರು – ಉದಯಪುರ ಸಿಟಿ ಹಮ್ಸಫರ್ ಸಾಪ್ತಾಹಿಕ ಎಕ್ಸ್’ಪ್ರೆಸ್ 21.02.2026 ರಿಂದ ಜಾರಿಗೆ ಬರುವಂತೆ ಬೆಳಿಗ್ಗೆ 02:03 ಕ್ಕೆ ಆಗಮಿಸಿ 02:05 ಕ್ಕೆ ಹೊರಡಲಿದೆ.
ಮುಂದಿನ ಸೂಚನೆ ಬರುವವರೆಗೆ ಪ್ರಾಯೋಗಿಕ ಆಧಾರದ ಮೇಲೆ ನಿಲುಗಡೆ ಮುಂದುವರಿಯುತ್ತದೆ. ಪ್ರಯಾಣಿಕರು ಈ ಸೌಲಭ್ಯವನ್ನು ಬಳಸಿಕೊಳ್ಳಲು ಕೋರಲಾಗಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
