ತೈವಾನ್ | 24 ಗಂಟೆಯಲ್ಲಿ 80ಕ್ಕೂ ಅಧಿಕ ಬಾರಿ ಭೂಕಂಪನ | ಅಕ್ಕಪಕ್ಕದ ದೇಶಗಳಲ್ಲೂ ಆತಂಕ

Read - 2 minutes

ಕಲ್ಪ ಮೀಡಿಯಾ ಹೌಸ್ | ತೈಪೆ(ತೈವಾನ್) |

ಇಲ್ಲಿನ ಪೂರ್ವ ಕರಾವಳಿಯಲ್ಲಿ 24 ಗಂಟೆಗಳ ಅವಧಿಯಲ್ಲಿ 80ಕ್ಕೂ ಅಧಿಕ ಬಾರಿ ಭೂಮಿ ಕಂಪಿಸಿದ್ದು, ಅಕ್ಕಪಕ್ಕದ ದೇಶಗಳಲ್ಲೂ ಸಹ ಆತಂಕ ಸೃಷ್ಠಿಯಾಗಿದೆ.

ನಿನ್ನೆ ರಾತ್ರಿ ಹಾಗೂ ಇಂದು ಮುಂಜಾನೆ 6.3ರಷ್ಟು ತೀವ್ರತೆಯ ಪ್ರಬಲ ಭೂಕಂಪನ ಸಂಭವಿಸಿದ್ದು, 24 ಗಂಟೆಗಳ ಅವಧಿಯಲ್ಲಿ 80ಕ್ಕೂ ಅಧಿಕ ಬಾರಿ ಕಂಪಿಸಿದೆ.
ತೈವಾನ್ ಸ್ಥಳೀಯ ಕಾಲಮಾನದಂತೆ ರಾತ್ರಿ 2.30ರ ಸುಮಾರಿಗೆ ಹುವಾಲಿಯನ್ ಪೂರ್ವ ಕೌಂಟಿಯಲ್ಲಿ ಭೂಮಿಯಿಂದ 5.5 ಕಿಲೋಮೀಟರ್’ಗಳಷ್ಟು ಆಳದಲ್ಲಿ ಭೂಕಂಪನದ ಕೇಂದ್ರ ಬಿಂದು ದಾಖಲಾಗಿದೆ.

Also read: ಶಿವಮೊಗ್ಗ | ನವುಲೆಯಲ್ಲಿ ಮನೆಗಳ್ಳತನ | ಚಿನ್ನ, ಬೆಳ್ಳಿ ಆಭರಣ ಕಳುವು

ಭೂಕಂಪನದಿಂದಾಗಿ ಹುವಾಲಿಯನ್ ಪ್ರದೇಶದಲ್ಲಿ ಹಲವಾರು ಕಟ್ಟಡಗಳಿಗೆ ಹಾನಿಯಾಗಿದೆ. ಈ ಪೈಕಿ ಒಂದು ಕಟ್ಟಡ ಕುಸಿದು ಬಿದ್ದಿದ್ದು, ಇನ್ನೊಂದು ರಸ್ತೆಗೆ ವಾಲಿಕೊಂಡಿದೆ. ಆದರೆ, ಯಾವುದೇ ಪ್ರಾಣಹಾನಿಯಾಗಿಲ್ಲ ಎಂದು ವರದಿಯಾಗಿದೆ.

ತೈವಾನ್ ಭೂಕಂಪನದ #Earthquake in Taiwan ಬೆನ್ನಲ್ಲೇ ಜಪಾನ್, ಚೀನಾ ಮತ್ತು ಫಿಲಿಪೈನ್ಸ್’ನಲ್ಲಿಯೂ ಲಘು ಕಂಪನದ ಅನುಭವವಾಗಿದ್ದು, ಆ ದೇಶಗಳಲ್ಲೂ ಸಹ ಆತಂಕ ಸೃಷ್ಠಿಯಾಗಿದೆ.