ತುಳುನಾಡಲ್ಲಿ ತೆಲುಗು ಸ್ಟಾರ್ | ನೀರಲ್ಲಿ ನಡೆದುಕೊಂಡು ತೆರಳಿ ಮೂಡುಗಲ್ಲು ದೇವರ ದರ್ಶನ ಪಡೆದ ಜೂ.ಎನ್’ಟಿಆರ್

ಕಲ್ಪ ಮೀಡಿಯಾ ಹೌಸ್  |  ಉಡುಪಿ  |

ಮೂರು ದಿನದಿಂದ ತುಳುನಾಡಿನಲ್ಲಿ ಧಾರ್ಮಿಕ ಪ್ರವಾಸ ಕೈಗೊಂಡಿರುವ ತೆಲುಗು ಸೂಪರ್ ಸ್ಟಾರ್ ಜೂನಿಯರ್ ಎನ್’ಟಿಆರ್ #Junior NTR ಅವರು ಕೆರಾಡಿ ಗ್ರಾಮದ ಮೂಡುಗಲ್ಲು ಕೇಶವನಾಥೇಶ್ವರ ಗುಹಾಂತರ ದೇವಾಲಯಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು.

ಉಡುಪಿ ಜಿಲ್ಲೆ ಕೆರಾಡಿ ಗ್ರಾಮದ ಮೂಡುಗಲ್ಲು ಕೇಶವನಾಥೇಶ್ವರ ದೇವಾಲಯ #Moodugallu Keshawanatheshwara Temple ಗುಹಾಂತರ ಮಂದಿರವಾಗಿದ್ದು, ನೀರಿನಲ್ಲಿ ನಡೆದುಕೊಂಡೇ ದೇವರ ದರ್ಶನ ಪಡೆಯಬೇಕು. ಈ ದೇವಾಲಯಕ್ಕೆ ಜೂ.ಎನ್’ಟಿಆರ್ ಭೇಟಿ ನೀಡಿದ್ದರು.

ನಟ ರಿಷಬ್ ಶೆಟ್ಟಿ #Rishab Shetty ಅವರ ಮೂಲ ಊರಾಗಿರುವ ಕೆರಾಡಿಗೆ ತೆರಳಿದ ಜೂನಿಯರ್ ಎನ್’ಟಿಆರ್ ಅವರು ಇದಕ್ಕೂ ಮುನ್ನ ಉಡುಪಿ, ಕೊಲ್ಲೂರು ದೇವಾಲಯಗಳಿಗೆ ಭೇಟಿ ನೀಡಿ ದರ್ಶನ ಪಡೆದಿದ್ದಾರೆ.

Also read: ಕನ್ನಡ ಭಾಷೆಯನ್ನೇ ಪ್ರಧಾನವನ್ನಾಗಿಸುವ ಗಂಭೀರ ಚಿಂತನೆ ಅಗತ್ಯ: ವಿಪ ಸಭಾಪತಿ ಬಸವರಾಜ ಹೊರಟ್ಟಿ

ಈ ವೇಳೆ ಅಮ್ಮನ ಆಸೆ ತೀರಿಸಲು ನಂದಮೂರಿ ತಾರಕ್ ರಾಮ್ ಶಿವನ ದೇವಸ್ಥಾನಕ್ಕೆ ಭೇಟಿ ನೀಡಿದರು. ಸಹ್ಯಾದ್ರಿ ಪರ್ವತ ಶ್ರೇಣಿಯ ತಪ್ಪಲಿನ ತುಳುನಾಡಿನ ಕಾಡು, ಬಂಡೆ ನಡುವೆ ಇರುವ ಪ್ರಾಕೃತಿಕ ರಮಣೀಯತೆಗೆ ತಾರಕ್ ಮಾರುಹೋಗಿದ್ದಾರೆ. ದೇವಸ್ಥಾನಕ್ಕೆ ಭೇಟಿ ನೀಡುವ ಸಂದರ್ಭದಲ್ಲಿ ನಿರ್ದೇಶಕ ಪ್ರಶಾಂತ್ ನೀಲ್ ಕೂಡಾ ಜೊತೆಗಿದ್ದರು.

ಗುಹಾಂತರ ದೇವಾಲಯದ ಸೌಂದರ್ಯ ಕಂಡು ಬೆಚ್ಚಿ ಬೆರಗಾದ ಎನ್’ಟಿಆರ್, ದೇಗುಲದ ಮೀನಿಗಳಿಗೆ ಮಂಡಕ್ಕಿ ಹಾಕಿ ಸಂಭ್ರಮಿಸಿದರು.

ನಾಲ್ಕು ದಶಕದ ನಂತರ ಜೂನಿಯರ್ ಎನ್’ಟಿಆರ್ ತಾಯಿ ಶಾಲಿನಿ ನಂದಮೂರಿ ಕರಾವಳಿಗೆ ಬಂದಿದ್ದಾರೆ. ಪತ್ನಿ ಲಕ್ಷ್ಮಿ ಪ್ರಣತಿ, ಪ್ರಗತಿ ರಿಷಬ್, ಪ್ರಶಾಂತ್ ನೀಲ್, #Prashanth Neel ಲಿಖಿತಾ ನೀಲ್ ಮೂಕಾಂಬಿಕೆಯ ದರ್ಶನ ಮಾಡಿ ಪ್ರಾಂಗಣದಲ್ಲಿರುವ ಗುಡಿಗಳಿಗೆ ಭೇಟಿ ಕೊಟ್ಟು ಪ್ರಸಾದ ಸ್ವೀಕರಿಸಿದ್ದರು.

ಜೂನಿಯರ್ ಎನ್’ಟಿಆರ್ ಮೂಡುಗಲ್ಲು ಕೇಶವನಾಥೇಶ್ವರ ದೇವಾಲಯ ಭೇಟಿಯ ಫೋಟೋಗಳು
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news