ಗೋಕರ್ಣಕ್ಕೆ ಕೇಂದ್ರ ಪರಿಶಿಷ್ಠ ಆಯೋಗದ ಅಧ್ಯಕ್ಷರ ಭೇಟಿ

ಗೋಕರ್ಣ, ಸೆ.17: ಶ್ರೀ ಕ್ಷೇತ್ರ ಗೋಕರ್ಣದ ಶ್ರೀ ಮಹಾಬಲೇಶ್ವರ ದೇವಾಲಯಕ್ಕೆ ಪರಿಶಿಷ್ಟ ಜನಾಂಗದ  ಕೇಂದ್ರ  ಆಯೋಗದ ಅಧ್ಯಕ್ಷ ಡಾ ರಾಮೇಶ್ವರ ಓರಾನ್ ಇವರು ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು.

ವೇ ಶಿತಿಕಂಠ ಹಿರೇ ಭಟ್ ಇವರು ಪೂಜಾ ಕೈಂಕರ್ಯ ನೆರವೇರಿಸಿದರು . ಆಡಳಿತಾಧಿಕಾರಿ ಜಿ.ಕೆ. ಹೆಗಡೆ ಶಾಲು ಹೊದೆಸಿ, ಸ್ಮರಣಿಕೆ  ನೀಡಿ ಗೌರವಿಸಿದರು. ಶ್ರೀ ದೇವಾಲಯದ ಸ್ವಚ್ಛತೆ ಹಾಗೂ ವ್ಯವಸ್ಥೆಯನ್ನು ಶ್ಲಾಘಿಸಿದರು. ದೇವಾಲಯದ ಗರ್ಭಗುಡಿಗೆ ಎಲ್ಲ ಜಾತಿ , ಸಮುದಾಯಗಳ  ಜನರು ಪ್ರವೇಶಿಸಿ ಆತ್ಮಲಿಂಗದ  ಸ್ಪರ್ಶ ದರ್ಶನ ಪಡೆಯುವ ವ್ಯವಸ್ಥೆಗೆ ಸಂತಸ ವ್ಯಕ್ತಪಡಿಸಿದರು.

ಉತ್ತರಕನ್ನಡ ಜಿಲ್ಲೆಯ ಹಾಲಕ್ಕಿ ಒಕ್ಕಲಿಗ ಸಮಾಜವನ್ನು ಪರಿಶಿಷ್ಟ ಜನಾಂಗಕ್ಕೆ  ಸೇರಿಸಿ ಸರಕಾರದಿಂದ  ಹೆಚ್ಚಿನ  ಸೌಲಭ್ಯವನ್ನು ಒದಗಿಸುವಂತೆ ಜಿ ಕೆ ಹೆಗಡೆ ಮನವಿ ಮಾಡಿಕೊಂಡರು .