ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |
ಉದ್ಯಮಶೀಲತೆಯನ್ನು ಪೋಷಿಸುವ ಜಾಗತಿಕ ಸಂಸ್ಥೆಯಾದ ದಿ ಇಂಡಸ್ ಎಂಟರ್‌ಪ್ರೆನಿಯರ್ಸ್ (TiE) ಭಾಗಗಳಾದ ದೆಹಲಿ-ಎನ್ಸಿಆರ್ TiE ಮತ್ತು ಬೆಂಗಳೂರು TiE ಸಹಭಾಗಿತ್ವದಲ್ಲಿ ಜಂಟಿಯಾಗಿ 12 ನೇ ಆವೃತ್ತಿಯ ಭಾರತ ಇಂಟರ್ನೆಟ್ ಡೇದ (iDay2023) ಮೊದಲ ಹಂತವನ್ನು ಪ್ರಾರಂಭಿಸಿದವು.
ದೆಹಲಿ-ಎನ್ಸಿಆರ್ ಟೈನ ಪ್ರಮುಖ ಘಟನೆಯಾದ iDay ಟೆಕ್ನೋಪ್ರೆನಿಯರ್‌ಗಳು ಮತ್ತು ಹೂಡಿಕೆದಾರರ ಅತಿದೊಡ್ಡ ಸಂಗಮವಾಗಿದೆ. ಈ ಕಾರ್ಯಕ್ರಮದ ಬೆಂಗಳೂರಿನ ಭಾಗವು ಭಾರತದ ಬೆಳವಣಿಗೆಗೆ ಕೃತಕ ಬುದ್ಧಿಮತ್ತೆಯ (AI) ಪರಿವರ್ತಕ ಸಾಮರ್ಥ್ಯವನ್ನು ಅನ್ವೇಷಿಸಲು ಒಳನೋಟವುಳ್ಳ ವೇದಿಕೆಯನ್ನು ಒದಗಿಸಿದೆ.
“ನಾವು ಡೀಪ್‌ಟೆಕ್ ಮತ್ತು AIನಲ್ಲಿ ಪರಿಣತಿ ಹೊಂದಿರುವ ಸ್ಟಾರ್ಟ್‌ಅಪ್‌ಗಳನ್ನು ಪೋಷಿಸಲು 25 ಕೋಟಿ ಮೀಸಲು ಮೊತ್ತದ ಡೀಪ್‌ಟೆಕ್ ಕ್ಲಸ್ಟರ್ ಸೀಡ್‌ಫಂಡ್ ಅನ್ನು ಪ್ರಾರಂಭಿಸಿದ್ದೇವೆ” ಎಂದು ಸಮಾರಂಭದಲ್ಲಿ ಕರ್ನಾಟಕ ಸರ್ಕಾರದ ಐಟಿ/ಬಿಟಿ ಮತ್ತು ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಸಚಿವ ಪ್ರಿಯಾಂಕ್ ಖರ್ಗೆ Minister Priyanka Kharge ಹಂಚಿಕೊಂಡರು.
Also read: ಶಿವಮೊಗ್ಗ ಜಿಲ್ಲಾ ಯೋಜನಾ ನಿರ್ದೇಶಕರಾಗಿ ಹಿರಿಯ ಅಧಿಕಾರಿ ಮನೋಹರ್ ಅಧಿಕಾರ ಸ್ವೀಕಾರ
iDay2023, ನೈತಿಕ ಪರಿಗಣನೆಗಳು ಮತ್ತು ನಿಯಂತ್ರಕ ಚೌಕಟ್ಟುಗಳ ಒಳಗೊಳ್ಳುವಿಕೆ ಜೊತೆ ಮಾಧ್ಯಮ ಮತ್ತು ಕಂಟೆಂಟ್‌ನಲ್ಲಿ AI, SAAS ಮತ್ತು Fintech AI ಯ ರೋಮಾಂಚಕಾರಿ ಜಗತ್ತಿನಲ್ಲಿ ಧುಮುಕಲು ಮತ್ತು ಭಾರತದ ಭವಿಷ್ಯವನ್ನು ರೂಪಿಸುವಲ್ಲಿ ಅದರ ನಿರ್ಣಾಯಕ ಪಾತ್ರವನ್ನು ಅರ್ಥಮಾಡಿಕೊಳ್ಳಲು ಸ್ಥಳಾವಕಾಶವನ್ನು ನೀಡುತ್ತದೆ. AI ಹೊಂದಿರುವ ಅಪಾರ ಸಾಧ್ಯತೆಗಳನ್ನು ನಮ್ಮ ರಾಷ್ಟ್ರದ ಪ್ರಗತಿಗಾಗಿ ಅನ್‌ಲಾಕ್ ಮಾಡುವುದು ಸಂಭಾಷಣೆಗಳ ಕೇಂದ್ರಬಿಂದುವಾಗಿತ್ತು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಓಲಾ ಕ್ಯಾಬ್ಸ್ ಮತ್ತು ಓಲಾ ಎಲೆಕ್ಟ್ರಿಕ್‌ನ ಸಹ-ಸಂಸ್ಥಾಪಕರಾದ ಭಾವೀಶ್ ಅಗರ್ವಾಲ್ – ” ಭಾರತದಲ್ಲಿ ನಾವು, ವಿಶೇಷವಾಗಿ ನನ್ನ ಪೀಳಿಗೆಯು ಇಂತಹ ರೋಮಾಂಚಕಾರಿ ಸಮಯದಲ್ಲಿ ಬದುಕುತ್ತಿದ್ದೇವೆ. ಇದು ಭಾರತದ ಕ್ಷಣವಾಗಿದೆ, ಇದು ಭಾರತವನ್ನು ಕೆಲವು ದಶಕಗಳವರೆಗೆ ಮುಂಚೂಣಿಗೆ ಒಯ್ಯಲಿದೆ. ಇದು ನಮ್ಮ ಪೀಳಿಗೆಯ ನಿರ್ಮಾಣದ ಅವಕಾಶವಾಗಿದೆ ಮತ್ತು ಇದು ಕೇವಲ ಅವಕಾಶವಲ್ಲ, ಇದು ನಮ್ಮ ವಿಧಿ” ಎಂದು ಹೇಳಿದರು. ಹಾಗೇ ಅಗರ್ವಾಲ್ ಅವರು ಸ್ಪಿರಿಟ್ ಆಫ್ ಟೈ ಪ್ರಶಸ್ತಿಯ ಗೌರವಕ್ಕೆ ಭಾಜನರಾದರು.
ಈ ಕಾರ್ಯಕ್ರಮದ ಸ್ಪೀಕರ್‌ಗಳ ಸಾಲಿನಲ್ಲಿ ಪ್ರಮುಖ ಉದ್ಯಮಗಳ ಸಂಸ್ಥಾಪಕರು, ಟೆಕ್ ಉದ್ಯಮಿಗಳು, ರಾಷ್ಟ್ರದ ಉನ್ನತ ಹೂಡಿಕೆದಾರರು ಮತ್ತು ನೀತಿ ನಿರೂಪಕರು ಮುಂತಾದ ಅಸಾಧಾರಣ ವ್ಯಕ್ತಿಗಳಿದ್ದರು.
ಈ ಸಂದರ್ಭದಲ್ಲಿ ಮಾತನಾಡಿದ ದೆಹಲಿ ಎನ್ಸಿಆರ್ TiEನ ಕಾರ್ಯನಿರ್ವಾಹಕ ನಿರ್ದೇಶಕರಾದ ಶ್ರೀಮತಿ ಗೀತಿಕಾ ದಯಾಳ್, “ಕಳೆದ 12 ವರ್ಷಗಳಿಂದ, ಭಾರತದ ಇಂಟರ್ನೆಟ್ ದಿನವು, ಭಾರತದ ಇಂಟರ್ನೆಟ್, ತಂತ್ರಜ್ಞಾನ ಮತ್ತು ಉದ್ಯಮಶೀಲತೆಯ ಪರಿಸರ ವ್ಯವಸ್ಥೆಯ ಬೆಳವಣಿಗೆ ಮತ್ತು ಪರಿವರ್ತನೆಯ ಹಿಂದಿನ ಪ್ರೇರಕ ಶಕ್ತಿಯಾಗಿದೆ. #iDay ಯಾವುದೇ ಫೋರಂನಂತೆ ಭಾರತದಲ್ಲಿ ಇಂಟರ್ನೆಟ್ ಮತ್ತು ಮೊಬೈಲ್ ಉದ್ಯಮದ ಸಂಪೂರ್ಣ ಶ್ರೇಣಿಯನ್ನು ಆಯೋಜಿಸುತ್ತದೆ. TiE ಬೆಂಗಳೂರು ಜೊತೆ ಈ ವರ್ಷ ಮತ್ತೊಮ್ಮೆ ಪಾಲುದಾರಿಕೆ ಹೊಂದಿ ಈ ನಗರಕ್ಕೆ iDay ಅನ್ನು ತರಲು ನಾವು ಸಂತೋಷಪಡುತ್ತೇವೆ” ಎಂದರು.
ದೆಹಲಿ-ಎನ್ಸಿಆರ್ ಟೈನ ಇಂಡಿಯಾ ಇಂಟರ್ನೆಟ್ ಡೇ 2023 ರಲ್ಲಿ ಪಾಲ್ಗೊಳ್ಳುವವರ ಗಮನವನ್ನು AI ಡೆಮೊ ಹಬ್‌ ಸೆಳೆಯಿತು. AI ಡೆಮೊ ಹಬ್‌ ಮೂಲಕ ಪಾಲ್ಗೊಂಡಿದ್ದವರು AI ತಂತ್ರಜ್ಞಾನಗಳು ಮತ್ತು ಆವಿಷ್ಕಾರಗಳನ್ನು ಹತ್ತಿರದಿಂದ ವೀಕ್ಷಿಸುವ ಅವಕಾಶವನ್ನು ಮತ್ತು ಭವಿಷ್ಯ ರೂಪಿಸುತ್ತಿರುವ ಅತ್ಯಾಧುನಿಕ ಪರಿಹಾರಗಳ ಪ್ರತ್ಯಕ್ಷ ಅನುಭವ ಪಡೆದರು.
ವರದಿ: ಡಿ.ಎಲ್. ಹರೀಶ್, ಬೆಂಗಳೂರು
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
