ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |
ಜಿಲ್ಲೆಯಾದ್ಯಂತ ಕಳೆದ ಒಂದು ವಾರದಿಂದ ನಿರಂತರವಾಗಿ ಮಳೆಯಾಗುತ್ತಿದ್ದು, ಮಲೆನಾಡಿನ ಪ್ರಮುಖ ಜಲಾಶಯಗಳು ಭರ್ತಿಯಾಗಿವೆ. ಲಿಂಗನಮಕ್ಕಿ, ಭದ್ರ ಮತ್ತು ತುಂಗ ನದಿಗಳ ಜಲಾಶಯಗಳಲ್ಲಿ #Tunga-Bhadra-Linganamakki Dam ಒಳಹರಿವುಗಳು ಹೆಚ್ಚಾಗಿವೆ.
ತುಂಗ ನದಿಗೆ 70 ಸಾವಿರ ಕ್ಯೂಸೆಕ್ ನೀರು ಹರಿದು ಬರುತ್ತಿದ್ದು, ಗಾಜನೂರಿನ ಜಲಾಶಯದಲ್ಲಿ 21 ಗೇಟ್ ತೆರೆದು ನದಿಗೆ ನೀರು ಹರಿಸಲಾಗುತ್ತಿದೆ. 10 ಗೇಟುಗಳನ್ನು 2.5 ಮೀಟರ್ ಎತ್ತರ ಏರಿಸಿದರೆ, ಉಳಿದ 10 ಗೇಟನ್ನು ಎರಡು ಮೀಟರ್ ಏರಿಸಲಾಗಿದೆ. ಉಳಿದ ಒಂದು ಗೇಟನ್ನು ಅರ್ಧ ಮೀಟರ್ ಏರಿಸಿ ನದಿಗೆ ನೀರು ಬಿಡಲಾಗಿದೆ.
Also read: ಸೊರಬ | ಸೋರುತ್ತಿವೆ ಕೊಠಡಿಗಳು, ಜೀವಭಯದಲ್ಲೇ ಪಾಠ ಕೇಳುವ ಅನಿವಾರ್ಯತೆಯಲ್ಲಿ ಮಕ್ಕಳು
ಭದ್ರಜಲಾಶಯಕ್ಕೆ 46876 ಕ್ಯೂಸೆಕ್ ನೀರು ಒಳಹರಿವು ಹರಿದು ಬರುತ್ತಿದೆ. ನಿನ್ನೆ 157.11 ಅಡಿ ನೀರು ಸಂಗ್ರಹವಾಗಿದ್ದ ಜಲಾಶಯದಲ್ಲಿ ಇಂದು 162.3 ಅಡಿ ನೀರು ಸಂಗ್ರಹವಾಗಿದೆ.
ಲಿಂಗನಮಕ್ಕಿಯಲ್ಲಿ ಒಳಹರಿವು ನಿರಂತರವಾಗಿ ಹೆಚ್ಚಾಗಿದೆ. 1794.5 ಅಡಿ ನೀರು ಸಂಗ್ರಹವಾಗಿದೆ. 1791 ಅಡಿ ಸಂಗ್ರಹವಾಗಿದ್ದ ಜಲಾಶಯ ಇಂದು ಮೂರು ಅಡಿ ಏರಿಕೆಯಾಗಿದೆ. ಇದರಿಂದ ಲಿಂನಮಕ್ಕಿ ಜಲಾಶಯಗಳ ಉಪ ಜಲಾಶಯ ಜಲಾಶಯಗಳು ಭರ್ತಿಯಾಗುತ್ತಿವೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
