ನವದೆಹಲಿ: ಸಾಮಾನ್ಯವಾಗಿ ಸಿನಿಮಾ ನಟ-ನಟಿಯರ ಹಾವಭಾವಗಳು, ಅವರ ಲುಕ್‌ಗಳ ಫೋಟೋಗಳು ಟ್ರೆಂಡ್ ಸೆಟ್ ಮಾಡುವ ಜೊತೆಯಲ್ಲಿ, ಸಿಕ್ಕಾ ಪಟ್ಟೆ ವೈರಲ್ ಆಗುತ್ತವೆ. ಆದರೆ, ಚಿತ್ರ ನಟರನ್ನೂ ಸಹ ಮೀರಿಸಿ ತಮ್ಮದೇ ಆದ ಟ್ರೆಂಡ್ ಸೆಟ್ ಮಾಡಿದವರು ಪ್ರಧಾನಿ ನರೇಂದ್ರ ಮೋದಿ.
ಮೋದಿ ಪ್ರಧಾನಿಯಾಗುವುದಕ್ಕಿಂತ ಮುಂಚಿನಿಂದಲೂ ದೇಶದಲ್ಲಿ ಅವರ ಕೋಟ್ಯಂತರ ಅಭಿಮಾನಿವರ್ಗ ಅವರ ಪ್ರತಿ ಹಾವಭಾವವನ್ನೂ ಸಹ ಅನುಕರಣೆ ಮಾಡುತ್ತಲೇ ಬಂದಿದೆ. ಇನ್ನು, ಪ್ರಧಾನಿಯಾದ ನಂತರವಂತೂ ಮೋದಿಯವರ ನಡೆ, ನುಡಿ, ಧಿರಿಸು, ಸ್ಟೈಲ್ ಎಲ್ಲವೂ ಒಂದು ಟ್ರೆಂಡ್ ಸೆಟ್ ಮಾಡಿದೆ. ಈಗ ಇವೆಲ್ಲವನ್ನೂ ಮೀರಿಸಿ ಮೋದಿಯವರ ಹೊಸ ಲುಕ್ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಹೌದು… ಎರಡು ದಿನಗಳ ಅಂಡಮಾನ್ ಪ್ರವಾಸದಲ್ಲಿದ್ದ ಮೋದಿ ಪೋರ್ಟ್ ಬ್ಲೇರ್ ನಲ್ಲಿದ್ದ ವೇಳೆ ಪಂಚೆ ಹಾಗೂ ಜುಬ್ಬಾ ಸಾಂಪ್ರದಾಯಿಕ ಧಿರಿಸು ಧರಿಸಿ, ಸೂರ್ಯೋದಯವನ್ನು ನೋಡುತ್ತಾ ನಿಂತಿರುವ ಫೋಟೋ ಈಗ ಸಖತ್ ವೈರಲ್ ಆಗಿದೆ.
ಈ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಮೋದಿಯವರ ಹಂಚಿಕೊಂಡಿದ್ದು, ನಮ್ಮ ದೇಶಕ್ಕೆ ಸ್ವಾತಂತ್ರ ತಂದು ಕೊಡಲು ಹೋರಾಡಿ, ಪ್ರಾಣಾರ್ಪಣೆ ಮಾಡಿದ ವೀರ ಹೋರಾಟಗಾರರ ಕುರಿತು ಚಿಂತಿಸುತ್ತಿದ್ದೇನೆ ಎಂದು ತಮ್ಮ ಮನದಾಳದ ಭಾವನೆಯನ್ನು ಹಂಚಿಕೊಂಡಿದ್ದಾರೆ.
ಎರಡು ದಿನಗಳ ಅಂಡಮಾನ್ ಭೇಟಿಯಲ್ಲಿದ್ದ ಪ್ರಧಾನಿ ಮೋದಿ, ನಿನ್ನೆ ವೀರ ಸಾವರ್ಕರ್ ಅವರನ್ನು ಇರಿಸಿದ್ದ ಜೈಲು ಕೋಣೆ ಹಾಗೂ ಸ್ವತಂತ್ರ ಹೋರಾಟಗಾರರನ್ನು ನೇಣಿಗೆ ಏರಿಸಿ ಸ್ಥಳಗಳಿಗೆ ತೆರಳಿ, ನಮನ ಸಲ್ಲಿಸಿದೆ. ಅಲ್ಲದೇ, ಅಂಡಮಾನ್ ನಿಕೋಬಾರ್ ನ ಮೂರು ದ್ವೀಪಗಳ ಹೆಸರನ್ನು ಮರು ನಾಮಕರಣ ಮಾಡಲಾಗಿದೆ.
Loading ...
Discussion about this post