Breaking: ಕಾಶ್ಮೀರ-ಪ್ರಪಾತಕ್ಕೆ ಬಸ್ ಬಿದ್ದು 34 ಮಂದಿ ದುರ್ಮರಣ

ಶ್ರೀನಗರ: ಪ್ರಪಾತಕ್ಕೆ ಮಿನಿ ಬಸ್’ವೊಂದು ಉರುಳಿಬಿದ್ದ ಪರಿಣಾಮ 34 ಮಂದಿ ಧಾರುಣವಾಗಿ ಸಾವನ್ನಪ್ಪಿರುವ ಘಟನೆ ಕಣಿವೆ ರಾಜ್ಯ ಜಮ್ಮು ಕಾಶ್ಮೀರದಲ್ಲಿ ಸಂಭವಿಸಿದೆ.

ಕಿಶ್ತ್ವಾರ್ ಜಿಲ್ಲೆಯ ಕೇಶ್ವಾನ್’ನಲ್ಲಿ ಇಂದು ಮುಂಜಾನೆ ಈ ದುರ್ಘಟನೆ ಸಂಭವಿಸಿದ್ದು, 20 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಕೇಶ್ವಾನ್’ನಿಂದ ಕಿಶ್ವತ್ತಾರ್’ಗೆ ಸಾಗುತ್ತಿದ್ದ ಮಿನಿ ಬಸ್ ಕಡಿದಾದ ತಿರುವಿನಲ್ಲಿ ಚಾಲಕನ ನಿಯಂತ್ರಣ ತಪ್ಪಿ 250 ಅಡಿಯ ಪ್ರಪಾತಕ್ಕೆ ಬಿದ್ದಿದೆ ಎಂದು ವರದಿಯಾಗಿದ್ದು, ಸ್ಥಳದಲ್ಲೇ 34 ಮಂದಿ ಸಾವನ್ನಪ್ಪಿದ್ದಾರೆ.

ರಕ್ಷಣಾ ಕಾರ್ಯಾಚರಣೆ ನಡೆಸಿ, ನಜ್ಜುಗುಜ್ಜಾಗಿದ್ದ ಬಸ್ ಅಡಿಯಲ್ಲಿ ಸಿಲುಕಿದ್ದ ಎಲ್ಲರನ್ನೂ ರಕ್ಷಿಸಲಾಗಿದೆ.