ಸಂಡೆ ಲಾಕ್ ಡೌನ್ ಉಲ್ಲಂಘಿಸಿದವರಿಗೆ ಪೊಲೀಸರ ಶಿಕ್ಷೆ: ಹಲವು ಯುವಕರಿಗೆ ಉಟ್ ಬೈಸ್

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಶಿವಮೊಗ್ಗ: ಕೊರೋನಾ ವೈರಸ್ ಹಿನ್ನೆಲೆಯಲ್ಲಿ ಭಾನುವಾರದ ಲಾಕ್ ಡೌನ್ ಜಾರಿಯಲ್ಲಿದ್ದರೂ ಅನಾವಶ್ಯಕವಾಗಿ ತಿರುಗಾಡುತ್ತಿದ್ದವರಿಗೆ ಪೊಲೀಸರು ಶಿಕ್ಷೆ ವಿಧಿಸುತ್ತಿದ್ದ ದೃಶ್ಯಗಳು ನಗರದಲ್ಲಿ ಕಂಡು ಬಂದಿದೆ.

ಸಂಡೆ ಲಾಕ್ ಡೌನ್ ಹಿನ್ನೆಲೆಯಲ್ಲಿ ನಗರದ ಪ್ರಮುಖ ರಸ್ತೆಗಳಲ್ಲಿ ಬ್ಯಾರಿಕೇಡ್ ಹಾಕಿ ಬಂದ್ ಮಾಡಲಾಗಿದೆ. ಆದರೆ, ಇತರೆ ರಸ್ತೆಗಳಲ್ಲಿ ಜನರು ತಿರುಗಾಡುತ್ತಿರುವುದು ಕಂಡು ಬಂದರೆ, ಅನಾವಶ್ಯಕ ಶೋಕಿಗಾಗಿ ಕೆಲವು ಯವಕರು ಬೈಕ್’ಗಳಲ್ಲಿ ತಿರುತ್ತಿದ್ದಾರೆ. ಇಂತಹ ಹುಡುಗರನ್ನು ಹಿಡಿದ ಪೊಲೀಸರು ಸರಿಯಾಗಿ ಶಿಕ್ಷೆಯನ್ನೂ ಸಹ ನೀಡುತ್ತಿದ್ದಾರೆ.

ಗೋಪಾಳದಲ್ಲಿ ಮಾಸ್ಕ್‌ ಹಾಗೂ ಹೆಲ್ಮೆಟ್ ಇಲ್ಲದೇ ಬೈಕ್’ನಲ್ಲಿ ತಿರುಗಾಡುತ್ತಿದ್ದ ಯುವಕನೊಬ್ಬನನ್ನು ಹಿಡಿದ ಪೊಲೀಸರು ಅವನಿಗೆ ಸ್ಥಳದಲ್ಲೇ 30 ಉಟ್ ಬೈಸ್ ಹೊಡೆಸಿದ್ದಾರೆ.

ಇನ್ನು, ಹಲವು ಕಡೆಗಳನ್ನು ತಿರುಗಾಡುತ್ತಿರುವ ಜನರಿಗೆ ಹೊರಕ್ಕೆ ಬಾರದಂತೆ ಪೊಲೀಸರು ಎಚ್ಚರಿಕೆ ನೀಡುತ್ತಿದ್ದರು.

ಏನೇ ಆದರೆ, ಪ್ರತಿ ರಸ್ತೆಯಲ್ಲಿಯೂ, ಪ್ರತಿ ಬಡಾವಣೆಯಲ್ಲಿಯೂ ಪೊಲೀಸರು ಇಂತಹ ಕೆಲಸ ಮಾಡುವುದು ಕಷ್ಟ ಸಾಧ್ಯ. ಮಾರಕ ವೈರಸ್ ತಡೆಗಟ್ಟಲು ಸರ್ಕಾರ ಜಾರಿಗೊಳಿಸಿರುವ ಈ ಸಂಡೆ ಲಾಕ್ ಡೌನ್’ಗೆ ಜನರೇ ಸ್ವಯಂ ಪ್ರೇರಿತರಾಗಿ ಸಹಕಾರ ನೀಡಬೇಕಿದೆ.

Get In Touch With Us info@kalpa.news Whatsapp: 9481252093