ಜಿಪಂ ಮತ್ತು ತಾಪಂ ಚುನಾವಣೆ: ಸದಸ್ಯರ ಸ್ಥಾನಗಳ ಸಂಖ್ಯಾ ವಿವರ ಹೀಗಿದೆ!

ಕಲ್ಪ ಮೀಡಿಯಾ ಹೌಸ್

ಬೆಂಗಳೂರು: ಜಿಲ್ಲಾ ಮತ್ತು ತಾಲೂಕುಪಂಚಾಯ್ತಿ ಚುನಾವಣೆಗೆ ಸಂಬಂಧಿಸಿದಂತೆ ರಾಜ್ಯ ಚುನಾವಣಾ ಆಯೋಗವು ಸದಸ್ಯರ ಸ್ಥಾನಗಳನ್ನು ತಾಲೂಕು ವ್ಯಾಪ್ತಿಯ ಪಟ್ಟಿ ಗೆಜೆಟ್ ನೋಟಿಫಿಕೇಷನ್‌ನ ಮೂಲಕ ಬಿಡುಗಡೆ ಮಾಡಿದೆ.
ರಾಜ್ಯ ಚುನಾವಣಾ ಆಯೋಗದ ಅಧೀನಕಾರ್ಯದರ್ಶಿ ಎಂ.ಪಿ. ರಂಜಿತಾ, ರಾಜ್ಯದಲ್ಲಿ ಗೆಜೆಟ್ ಅಧಿಸೂಚನೆ ಹೊರಡಿಸಿದ್ದು ಎಲ್ಲಾ 31 ಜಿಲ್ಲಾ ಪಂಚಾಯಿ ಗಳಲ್ಲಿ ಒಟ್ಟು ಸ್ಥಾನಗಳ ಸಂಖ್ಯೆಗಳು 1,191 ಮತ್ತು 239 ತಾಲ್ಲೂಕುಗಳು ಪಂಚಾಯಿತಿ ಕ್ಷೇತ್ರದಲ್ಲಿ ಒಟ್ಟು ಸ್ಥಾನಗಳ ಸಂಖ್ಯೆ 3,285 ಆಗಿದೆ.
ಶಿವಮೊಗ್ಗ ಜಿಲ್ಲಾಪಂಚಾಯತ್‌ನಲ್ಲಿ ಈ ಹಿಂದೆ 31 ಸ್ಥಾನಗಳಿದ್ದು ಈಗ 35 ಸ್ಥಾನಗಳಿಗೆ ಏರಿಸಲಾಗಿದೆ. ಆದರೆ ಶಿವಮೊಗ್ಗ ಜಿಲ್ಲೆಯ ಏಳು ತಾಲೂಕು ಪಂಚಾಯತ್‌ಗಳಲ್ಲಿ ಈ ಹಿಂದೆ ಇದ್ದ 116 ಸ್ಥಾನಗಳನನು 90 ಸ್ಥಾನಗಳಿಗೆ ಇಳಿಸಲಾಗಿದೆ.
ಜಿಲ್ಲಾ ಮತ್ತು ತಾಲೂಕು ಪಂಚಾಯ್ತಿ ಸ್ಥಾನಗಳಿಗೆ 2021ರ ಮೇ ಅಥವಾ ಜೂನ್ ತಿಂಗಳಿನಲ್ಲಿ ಚುನಾವಣೆ ನಡೆಯುವ ಸಾಧ್ಯತೆಯಿದೆ ಎನ್ನುವ ಖಚಿತ ಮಾಹಿತಿ ಇದ್ದು, ಈ ಕಾರಣಕ್ಕಾಗಿ ಸದಸ್ಯ ಸ್ಥಾನಗಳ ಸಂಖ್ಯೆಯನ್ನು ರಾಜ್ಯ ಚುನಾವಣಾ ಆಯೋಗ ಪ್ರಕಟಿಸಿರುವುದಾಗಿ ತಿಳಿದುಬಂದಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9481252093 – info@kalpa.news