ಡಾ.ವಿನೀತ್ ಆನಂದ್’ರಿಂದ ಸುಬ್ಬಯ್ಯ ಕಾಲೇಜಿಗೆ ಜೆಲ್ ಕಾರ್ಡ್ ಸೆಂಟ್ರಿಫ್ಯೂಜ್ ಕೊಡುಗೆ: ಏನಿದರ ವಿಶೇಷತೆ?

ಕಲ್ಪ ಮೀಡಿಯಾ ಹೌಸ್

ಶಿವಮೊಗ್ಗ: ಖ್ಯಾತ ಪೆಥಾಲಜಿ ತಜ್ಞ ಡಾ.ವಿನೀತ್ ಆನಂದ್ ಅವರು ಪುರಲೆಯ ಸುಬ್ಬಯ್ಯ ವೈದ್ಯಕೀಯ ಮಹಾವಿದ್ಯಾಲಯಕ್ಕೆ ಜೆಲ್ ಕಾರ್ಡ್ ಸೆಂಟ್ರಿಫ್ಯೂಜ್ ಎಂಬ ಉಪಕರಣವನ್ನು ಕೊಡುಗೆಯನ್ನಾಗಿ ನೀಡಿದ್ದಾರೆ.

ಮೈ-ಮನಗಳನ್ನು ರೋಮಾಂಚನಗೊಳಿಸುವ ಈ ದೇಶ ಭಕ್ತಿ ಗೀತೆಯನ್ನೊಮ್ಮೆ ನೋಡಿ

ಇತ್ತೀಚೆಗೆ ಕಾಲೇಜಿನಲ್ಲಿ ನಡೆದ ಸಮಾರಂಭದಲ್ಲಿ ಈ ಉಪಕರಣವನ್ನು ಅವರು ಹಸ್ತಾಂತರಿಸಿದರು. ಇದಕ್ಕೆ ಪ್ರತಿಯಾಗಿ ಕಾಲೇಜು ವತಿಯಿಂದ ಡಾ.ವಿನೀತ್ ಅವರನ್ನು ಆತ್ಮೀಯವಾಗಿ ಅಭಿನಂದಿಸಲಾಯಿತು.


ಈ ಸಂದರ್ಭದಲ್ಲಿ ಸಂಸ್ಥೆಯ ವೈದ್ಯಕೀಯ ನಿರ್ದೇಶಕ ಡಾ.ಎಸ್. ನಾಗೇಂದ್ರ, ಕಾರ್ಯನಿರ್ವಾಹಕ ನಿರ್ದೇಶಕಿ ಡಾ.ವಿನಯಾ ಶ್ರೀನಿವಾಸ್, ಶೈಕ್ಷಣಿಕ ನಿರ್ದೇಶಕ ಡಾ.ಆರ್.ಪಿ. ಪೈ, ಪ್ರಾಂಶುಪಾಲ ಡಾ.ಎಸ್.ಎಂ. ಕಟ್ಟಿ, ಉಪಪ್ರಾಂಶುಪಾಲ ಡಾ. ಸಿದ್ದಪ್ಪ ಉಪಸ್ಥಿತರಿದ್ದರು.

ಏನಿದು ಜೆಲ್ ಕಾರ್ಡ್ ಸೆಂಟ್ರಿಫ್ಯೂಜ್ ಉಪಕರಣ?
ರಕ್ತದ ಸೆರಮ್ ವೈಜ್ಞಾನಿಕ ಅಧ್ಯಯನ, ರಕ್ತದ ಸಾಮಾನ್ಯ ಪ್ರಕಾರ, ಎರಿಥ್ರೋಸೈಟ್ ವಾಷಿಂಗ್, ಇಮ್ಯುನಾಲಜಿ ಸೇರಿದಂತೆ ಹಲವು ರೀತಿಯ ಪರೀಕ್ಷೆಗಳನ್ನು ಇದೊಂದೇ ಉಪಕರಣದಲ್ಲಿ ಅತ್ಯಂತ ಶೀಘ್ರದಲ್ಲಿ ನಡೆಸಬಹುದಾಗಿದೆ. ಇದರಿಂದಾಗಿ ವಿವಿಧ ರೀತಿಯ ರಕ್ತಪರೀಕ್ಷೆಯ ವರದಿಗಳು ಒಂದೇ ಉಪಕರಣದಲ್ಲಿ ಅತಿ ಶೀಘ್ರ ದೊರೆಯಲು ಸಹಾಯವಾಗುತ್ತದೆ.


ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news