ಹಿತ್ತಲಿನಲ್ಲಿ ಗಾಂಜಾ ಬೆಳೆದ ವ್ಯಕ್ತಿ: ಮಲವಗೊಪ್ಪದ ಮನೆಯ ಮೇಲೆ ಅಬಕಾರಿ ಅಧಿಕಾರಿಗಳ ದಾಳಿ

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ಇಲ್ಲಿನ ಮಲವಗೊಪ್ಪ ಬಡಾವಣೆಯಲ್ಲಿ ವ್ಯಕ್ತಿಯೊಬ್ಬರು ಮನೆಯ ಹಿತ್ತಲಿನಲ್ಲಿ ಗಾಂಜಾ #Marijuana ಬೆಳೆದಿದ್ದಾರೆ ಎಂಬ ಖಚಿತ ಮಾಹಿತಿ ಆಧರಿಸಿ ಅಬಕಾರಿ ಅಧಿಕಾರಿಗಳು ಇಂದು ದಾಳಿ ನಡೆಸಿದ್ದಾರೆ.

ರಾಜಪ್ಪ ಅವರ ವಾಸದ ಮನೆಯ ಮೇಲೆ ದಾಳಿ ನಡೆಸಿದ ಅಧಿಕಾರಿಗಳು ಹಿತ್ತಲಿನ ಪಕ್ಕದ ಖಾಲಿ ಜಾಗದಲ್ಲಿ ಪರಿಶೀಲಿಸಿದ್ದಾರೆ. ಈ ವೇಳೆ ಸುಮಾರು 10-12 ಅಡಿ ಎತ್ತರದ 10 ಅಡಿ ಸುತ್ತಳೆಯ ಒಂದು ಗಾಂಜಾಗಿಡಗಳು #Ganja ಪತ್ತೆಯಾಗಿವೆ.
ಇವುಗಳನ್ನು ವಶಕ್ಕೆ ಪಡೆದು, ಆರೋಪಿಯನ್ನು ಬಂಧಿಸಿದ ಅಧಿಕಾರಿಗಳು ಆತನನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಅಬಕಾರಿ ನಿರೀಕ್ಷಕ ಎಂ. ಭೂಪತಿ, ಉಪ ನಿರೀಕ್ಷಕರಾದ ರಾಜಮ್ಮ, ಸಿಬ್ಬಂದಿಗಳಾದ ಶಶಿಧರ್, ಪಟೇಲ್, ಕರಿವೀರಪ್ಪ, ಅರುಣ್ , ಸಂತೋಷ್, ಹಾಗೂ ನವೀನ್ ಅವರುಗಳು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು. ಮಲವಗೊಪ್ಪ ವೃತ್ತ ಲೆಕ್ಕಾಧಿಕಾರಿಗಳಾದ ಪವಿತ್ರ, ನಗರ ಪಾಲಿಕೆ ಬಿಲ್ ಕಲೆಕ್ಟರ್ ಹಾಲೇಶ್, ಗ್ರಾಮ ಸಹಾಯಕರಾದ ಸತೀಶ್ ಅವರುಗಳು ದಾಳಿಯಲ್ಲಿ ಸಹಕಾರ ನೀಡಿದ್ದರು.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news