ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |
ಮ್ಯಾರಿಯಟ್ ಬಾನ್ವಾಯ್‌ನ 30ಕ್ಕೂ ಅಧಿಕ ಜಾಗತಿಕ ಬ್ರ್ಯಾಂಡ್‌ಗಳ ಸಮೂಹದ ಪ್ರಮುಖ ಭಾಗವಾಗಿರುವ ಜೆಡಬ್ಲ್ಯು ಮ್ಯಾರಿಯಟ್, (JW Marriott) ತನ್ನ ಜಾಗತಿಕ ಬ್ರ್ಯಾಂಡ್ ರಾಯಭಾರಿ ಐಶ್ವರ್ಯಾ ರೈ ಬಚ್ಚನ್ (Aishwarya Rai Bachchan) ಅಭಿನಯದ ನೂತನ ಪ್ರಚಾರ ಕಿರುಚಿತ್ರವನ್ನು ಅನಾವರಣಗೊಳಿಸಿದೆ.
ಬ್ರ್ಯಾಂಡ್‌ನ ಜಾಗತಿಕ ತತ್ವವಾದ ‘ಸ್ಟೇ ಇನ್ ದ ಮೊಮೆಂಟ್’ ಪರಿಕಲ್ಪನೆಯಿಂದ ಪ್ರೇರಣೆ ಪಡೆದಿರುವ ಈ ಕಿರುಚಿತ್ರವು, ವರ್ತಮಾನದ ಕ್ಷಣದಲ್ಲಿ ಸಂಪೂರ್ಣವಾಗಿ ಲೀನವಾದಾಗ ದೊರೆಯುವ ಸಂತೋಷ, ನೆಮ್ಮದಿ ಮತ್ತು ಆಪ್ತ ಬಾಂಧವ್ಯವನ್ನು ಸಂಭ್ರಮಿಸುತ್ತದೆ.
ವರ್ತಮಾನದ ಕ್ಷಣವನ್ನು ಅನುಭವಿಸುವ ಸಂದೇಶ
ನಿಜವಾದ ಕ್ಷೇಮ ಮತ್ತು ನೆಮ್ಮದಿಯು ವರ್ತಮಾನದ ಕ್ಷಣದೊಂದಿಗೆ ಬೆರೆತು, ಜೀವನದ ಪ್ರತಿಯೊಂದು ಅನುಭವವನ್ನು ಸಂಪೂರ್ಣವಾಗಿ ಆಸ್ವಾದಿಸಲು ಸಮಯ ಮೀಸಲಿಡುವುದರಿಂದ ಆರಂಭವಾಗುತ್ತದೆ ಎಂಬ ಜೆಡಬ್ಲ್ಯು ಮ್ಯಾರಿಯಟ್‌ನ ನಂಬಿಕೆಯನ್ನು ಈ ಅಭಿಯಾನ ಪ್ರತಿಬಿಂಬಿಸುತ್ತದೆ.
ಕಳೆದ ಜೂನ್‌ನಲ್ಲಿ ಘೋಷಿಸಲಾಗಿದ್ದ ಐಶ್ವರ್ಯಾ ರೈ ಬಚ್ಚನ್ ಅವರೊಂದಿಗಿನ ಸಹಭಾಗಿತ್ವದ ಮುಂದುವರಿದ ಭಾಗವಾಗಿ ಈ ಹೊಸ ಪ್ರಚಾರ ಕಿರುಚಿತ್ರ ಮೂಡಿಬಂದಿದೆ.
Aishwarya Rai Bachchan: ‘ಒಂದು ಕ್ಷಣವನ್ನು ನಿಜವಾದ ಕ್ಷಣವನ್ನಾಗಿಸುವುದು ಯಾವುದು?’
“ಒಂದು ಕ್ಷಣವನ್ನು ನಿಜವಾದ ಕ್ಷಣವನ್ನಾಗಿಸುವುದು ಯಾವುದು?” ಎಂಬ ಸರಳ ಪ್ರಶ್ನೆಯೊಂದಿಗೆ ಕಿರುಚಿತ್ರ ಆರಂಭವಾಗುತ್ತದೆ. ಜೆಡಬ್ಲ್ಯು ಮ್ಯಾರಿಯಟ್ ಜುಹುದಲ್ಲಿ ಚಿತ್ರೀಕರಿಸಲಾಗಿರುವ ಈ ಚಿತ್ರದಲ್ಲಿ ಐಶ್ವರ್ಯಾ ರೈ ಬಚ್ಚನ್ ಅವರು ಆತ್ಮೀಯತೆ, ಸಂತೋಷ ಮತ್ತು ಯಾವುದೇ ಆತುರವಿಲ್ಲದೆ ಅನುಭವಿಸುವ ಹಲವು ಕ್ಷಣಗಳ ಮೂಲಕ ಸಾಗುವುದನ್ನು ತೋರಿಸಲಾಗಿದೆ.
ಮದುವೆಯ ಸಂಭ್ರಮ, ನಗು, ಪ್ರೀತಿ ಹಾಗೂ ಆಪ್ತರ ಸಾಮೀಪ್ಯ, ಜತೆಯಾಗಿ ಊಟ ಸವಿಯುವುದು, ಹರ್ಷೋದ್ಗಾರದ ಟೋಸ್ಟ್ ಎತ್ತುವುದು ಅಥವಾ ಹೊಸ ಅನುಭವಗಳನ್ನು ಅನ್ವೇಷಿಸುವಂತಹ ಸರಳ ಕ್ಷಣಗಳನ್ನು ಕಿರುಚಿತ್ರದಲ್ಲಿ ಸೆರೆಹಿಡಿಯಲಾಗಿದೆ.
ಪ್ರತಿಯೊಂದು ಪುಟ್ಟ ಅನುಭವದಲ್ಲೂ ನಾವು ಸಂಪೂರ್ಣವಾಗಿ ಲೀನವಾದಾಗ ಅದು ಎಷ್ಟು ಅರ್ಥಪೂರ್ಣವಾಗುತ್ತದೆ ಎಂಬುದನ್ನು ಕಿರುಚಿತ್ರ ದೃಶ್ಯರೂಪದಲ್ಲಿ ಬಿಂಬಿಸುತ್ತದೆ.
Also Read>> ಅ.15ರಂದು ಜಯನಗರದಲ್ಲಿ ವಿದುಷಿ ಗೀತಾ ಆರ್. ಭಟ್ ಅವರ ‘ವೀಣಾ ವಾದನ’
ಅರ್ಥಪೂರ್ಣ ಪ್ರಯಾಣಕ್ಕೆ ಒತ್ತು
ಇಂದಿನ ಐಷಾರಾಮಿ ಪ್ರಯಾಣಿಕರಿಗೆ ನೆಮ್ಮದಿ ಎಂದರೆ ಜೀವನದ ವೇಗವನ್ನು ಕೊಂಚ ತಗ್ಗಿಸಿ, ಪರಸ್ಪರ ಬೆರೆತು ಪ್ರತಿಯೊಂದು ಕ್ಷಣವನ್ನೂ ಇನ್ನಷ್ಟು ಆಳವಾಗಿ ಅನುಭವಿಸುವ ಅವಕಾಶವಾಗಿದೆ ಎಂದು ಜೆಡಬ್ಲ್ಯು ಮ್ಯಾರಿಯಟ್ ತಿಳಿಸಿದೆ.
ಮ್ಯಾರಿಯಟ್ ಇಂಟರ್‌ನ್ಯಾಷನಲ್‌ನ ದಿ ಲಕ್ಸುರಿ ಗ್ರೂಪ್ 2025ರಲ್ಲಿ ನಡೆಸಿದ ಅಧ್ಯಯನದ ಪ್ರಕಾರ, ಏಷ್ಯಾ-ಪೆಸಿಫಿಕ್ ವಲಯದ ಶೇ.90ರಷ್ಟು ಶ್ರೀಮಂತ ಪ್ರಯಾಣಿಕರು ಹೋಟೆಲ್ ಬುಕಿಂಗ್ ಸಂದರ್ಭದಲ್ಲಿ ಕ್ಷೇಮ ಮತ್ತು ವಿಶ್ರಾಂತಿಯ ಅನುಭವಗಳಿಗೆ ಆದ್ಯತೆ ನೀಡುತ್ತಾರೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಈ ಪ್ರಮಾಣದಲ್ಲಿ ಏರಿಕೆಯಾಗಿದೆ.
ಪ್ರೀತಿಪಾತ್ರರೊಂದಿಗೆ ಕ್ಷಣಗಳನ್ನು ಹಂಚಿಕೊಳ್ಳಲು ಕರೆ
ವೇಗದ ಬದುಕಿನಿಂದ ಕೊಂಚ ವಿರಮಿಸಿ, ತಮಗೆ ಪ್ರಮುಖರಾದವರೊಂದಿಗೆ ಅರ್ಥಪೂರ್ಣ ಕ್ಷಣಗಳನ್ನು ಹಂಚಿಕೊಳ್ಳುವಂತೆ ಜಾಗತಿಕ ಅತಿಥಿಗಳಿಗೆ ‘ಸ್ಟೇ ಇನ್ ದ ಮೊಮೆಂಟ್’ ಅಭಿಯಾನ ಮುಕ್ತ ಆಹ್ವಾನ ನೀಡುತ್ತದೆ.
“ನಾವು ಆ ಕ್ಷಣದಲ್ಲೇ ಉಳಿದುಕೊಂಡಾಗ ಮಾತ್ರ ಅದೊಂದು ಅಮೂಲ್ಯ ಕ್ಷಣವಾಗುತ್ತದೆ” ಎಂಬ ಚಿಂತನೆಯೊಂದಿಗೆ ಕಿರುಚಿತ್ರ ಮುಕ್ತಾಯಗೊಳ್ಳುತ್ತದೆ. ಈ ಮೂಲಕ ಐಷಾರಾಮಿ ಆತಿಥ್ಯವನ್ನು ಕೇವಲ ಸೌಲಭ್ಯಗಳಿಗೆ ಸೀಮಿತಗೊಳಿಸದೆ, ನೆಮ್ಮದಿ, ಸಂಬಂಧಗಳು ಮತ್ತು ವರ್ತಮಾನದ ಅನುಭವದೊಂದಿಗೆ ಜೋಡಿಸುವ ಸಂದೇಶವನ್ನು ಜೆಡಬ್ಲ್ಯು ಮ್ಯಾರಿಯಟ್ ನೀಡಿದೆ.
ಪ್ರಚಾರ ಕಿರುಚಿತ್ರ ವೀಕ್ಷಿಸಲು: https://www.instagram.com/p/DeYsa–s3rm/
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
