ಶ್ರೀವಿಜಯ ಕಲಾನಿಕೇತನದ ವೆಬಿನಾರ್ ಮಾಲಿಕೆಯಲ್ಲಿ ಆಗಸ್ಟ್‌ 13ರಂದು ಬಿ.ಎಂ. ಕುಮಾರಸ್ವಾಮಿ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಶಿವಮೊಗ್ಗ: ಶ್ರೀವಿಜಯ ಕಲಾನಿಕೇತನದ ವತಿಯಿಂದ ಸಹೃದಯ – 2020 ವೆಬಿನಾರ್ ಮಾಲಿಕೆಯಲ್ಲಿ ಆಗಸ್ಟ್‌ 13 ಗುರುವಾರ ಮತ್ತು 14 ರ ಶುಕ್ರವಾರ ಸಂಜೆ 5 ಗಂಟೆಗೆ ಸ್ವಾತಂತ್ರೊ್ಯೀತ್ಸವದ ಮುನ್ನಾದಿನದ ವಿಶೇಷ ಕಾರ್ಯಕ್ರಮಗಳು ನಡೆಯಲಿವೆ.

ಆಗಸ್ಟ್‌ 13 ರ ಗುರುವಾರ ಸಂಜೆ 5 ಗಂಟೆಗೆ ‘‘ಆಡ್ತಾ ಆಡ್ತಾ ನಾಟಕ ಮಕ್ಕಳಲ್ಲಿ ರಂಗ ಶಿಕ್ಷಣದ ಬಗ್ಗೆ ರಂಗ ತಜ್ಞರಾದ ಪ್ರೊ ಬಿ.ಎಂ. ಕುಮಾರಸ್ವಾಮಿ ಮತ್ತು ಖ್ಯಾತ ಕಿರುತೆರೆ ನಟಿ ದೀಪಾ ರವಿಶಂಕರ್‌ರೊಡನೆ ಡಾ. ಕೆ.ಎಸ್. ಪವಿತ್ರಾ ಅವರು ಸಂದರ್ಶನ ನಡೆಸಿಕೊಡಲಿದ್ದಾರೆ.

ಆಗಸ್ಟ್‌ 14 ರ ಶುಕ್ರವಾರದಂದು ಮಕ್ಕಳಲ್ಲಿ ಸಂಗೀತ ಕಲಿಕೆಗೆ ಸಂಬಂಧಿಸಿದಂತೆ ‘‘ಹಾಡ್ತಾ ಹಾಡ್ತಾ ರಾಗ ಎಂಬ ವಿಶೇಷ ಕಾರ್ಯಕ್ರಮ ವನ್ನು ಹಮ್ಮಿಕೊಳ್ಳಲಾಗಿದೆ. ವಿದುಷಿ ಮೀರಾ ಮಂಜುನಾಥ್ ಅವರೊಂದಿಗೆ ಮಾತುಕತೆ ನಡೆಯಲಿದೆ. ಡಾ. ಕೆ.ಎಸ್. ಪವಿತ್ರ ಅವರು ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ.

ಕಾರ್ಯಕ್ರಮದ ಒಂದು ಭಾಗವಾಗಿ ಮಕ್ಕಳಿಗೆ ಜಯತಿ ಜಯತಿ ಪ್ರಾರ್ಥನೆಯನ್ನು ಕಲಿಸುವ ಮಾದರಿಯನ್ನು ವಿದುಷಿ ಮೀರಾ ಪ್ರಾತ್ಯಕ್ಷಿತೆಯಾಗಿ ತೋರಿಸಲಿದ್ದಾರೆ. ಅವರ ಶಿಷ್ಯ ಚಿ. ಭರತವರ್ಷ ವಿದ್ಯಾರ್ಥಿಯಾಗಿ ಭಾಗವಹಿಸಲಿದ್ದಾನೆ. ಈ ಎರಡೂ ಕಾರ್ಯಕ್ರಮಗಳ ಅಧ್ಯಕ್ಷತೆಯನ್ನು ಶ್ರೀವಿಜಯದ ಅಧ್ಯಕ್ಷರಾದ ಡಾ. ಕೆ.ಆರ್. ಶ್ರೀಧರ್ ಅವರು ವಹಿಸಲಿದ್ದಾರೆ.

ಈ ಕಾರ್ಯಕ್ರಮವನ್ನು https://www.facebook.com/shrivijayakalanikethana.registered ಲಿಂಕ್ ಮೂಲಕ ಈ ಕಾರ್ಯಕ್ರಮದ ನೇರ ಪ್ರಸಾರವನ್ನು ಫೇಸ್‌ಬುಕ್ ಲೈವ್’ನಲ್ಲಿ ವೀಕ್ಷಿಸಬಹುದು.

Get In Touch With Us info@kalpa.news Whatsapp: 9481252093