ಜನಸಾಮಾನ್ಯರಿಗೆ ಬಿಗ್ ಶಾಕ್! ನಾಲ್ಕು ಪಟ್ಟು ಏರಿಕೆಯಾಗಲಿದೆ ಟೊಮೆಟೋ ಬೆಲೆ!

ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |

ಈಗಾಗಲೇ ಬೆಲೆ ಏರಿಕೆಯಿಂದ ತತ್ತರಿಸಿರುವ ಜನಸಾಮಾನ್ಯರಿಗೆ ಈಗ ಟೊಮೆಟೋ ಬೆಲೆ ನೂರು ರೂ. ಗಡಿ ದಾಟಲಿದೆ ಎಂಬ ಶಾಕಿಂಗ್ ನ್ಯೂಸ್ ಅಪ್ಪಳಿಸಿದೆ.

ಹೌದು… ತಿಂಗಳ ಹಿಂದೆ ಹತ್ತು ರೂ.ಗೆ 2 ಕೆಜಿ ಇದ್ದ ಟೊಮೆಟೋ ಬೆಲೆ ನಿಧಾನವಾಗಿ ಏರಿಕೆಯಾಗುತ್ತಾ ಈಗ 50 ರೂ. ತಲುಪಿದೆ.

ಈ ಕುರಿತಂತೆ ರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿದ್ದು, ಮುಂಗಾರು ವಿಳಂಬ ಹಾಗೂ ದೇಶದ ಕೆಲವು ಪ್ರದೇಶಗಳಲ್ಲಿ ಮಳೆಯ ಕೊರತೆಯ ಹಿನ್ನೆಲೆಯಲ್ಲಿ ತರಕಾರಿ ಹಾಗೂ ಬೇಳೆ ಕಾಳುಗಳ ಬೆಲೆ ಏರಿಕೆಯಾಗುತ್ತಿದೆ ಎಂದು ವರದಿಯಾಗಿದೆ.
ಟೊಮೆಟೋ ಪೂರೈಕೆಯಲ್ಲಿ ಕೊರತೆ ಉಂಟಾಗಿದ್ದು, ಪರಿಣಾಮವಾಗಿ ಬೆಲೆ ಏರಿಕೆಯಾಗುತ್ತಿದೆ. ಪರಿಣಾಮವಾಗಿ ಅತಿ ಶೀಘ್ರದಲ್ಲೇ ಇದರ ಬೆಲೆ ರೂ. 100ರ ಗಡಿ ದಾಟಲಿದೆ ಎಂದು ವರದಿಯಾಗಿದೆ. ಕಳೆದ ವಾರ ರಾಜ್ಯದಲ್ಲಿ ರೂ. 80 ಮುಟ್ಟಿದೆ.

Also read: Amit Shah Ridicules Opposition Meet, says Modi will become PM Again with 300 Seats

ಭಾನುವಾರ ಕೋಲಾರದ ಸಗಟು ಎಪಿಎಂಸಿ ಮಾರುಕಟ್ಟೆಯಲ್ಲಿ 15 ಕೆಜಿ ಕ್ರೇಟ್ ಟೊಮ್ಯಾಟೊ 1,100 ರೂ.ಗೆ ಮಾರಾಟವಾಗಿದ್ದು, ನಗರದ ಚಿಲ್ಲರೆ ಮಾರುಕಟ್ಟೆಯಲ್ಲಿ ಶೀಘ್ರದಲ್ಲೇ ಬೆಲೆ ಏರಿಕೆಯಾಗುವ ನಿರೀಕ್ಷೆಯಿದೆ ಎಂದು ವರದಿಯಾಗಿದೆ.
ವಿವಿಧ ಕಾರಣಗಳಿಗಾಗಿ ಈ ವರ್ಷ ಟೊಮೆಟೊ ಬಿತ್ತನೆ ಹಿಂದಿನ ವರ್ಷಗಳಿಗಿಂತ ಕಡಿಮೆಯಾಗಿದೆ. ಕಳೆದ ವರ್ಷ ಬೀನ್ಸ್ ಬೆಲೆ ಗಗನಕ್ಕೇರಿದ್ದರಿಂದ ಕೋಲಾರದ ಅನೇಕ ರೈತರು ಈ ವರ್ಷ ಬೀನ್ಸ್’ಗೆ ತೆರಳಿದರು. ಆದರೆ, ಮುಂಗಾರು ಕೊರತೆಯಿಂದ ಬೆಳೆಗಳು ಒಣಗಿ ಒಣಗಿ ಹೋಗಿವೆ. ಜಿಲ್ಲೆಯಲ್ಲಿ ಟೊಮೆಟೊ ಬೆಳೆ ವಾಡಿಕೆಗಿಂತ ಶೇ 30ರಷ್ಟು ಮಾತ್ರ ಆಗಿರಬಹುದು’ ಎಂದು ವರದಿಯಾಗಿದೆ.

ಈರುಳ್ಳಿ, ಆಲೂಗೆಡ್ಡೆ ಹೊರತುಪಡಿಸಿ ಉಳಿದ ಬಹುತೇಕ ತರಕಾರಿಗಳು ಸಾಮಾನ್ಯಕ್ಕಿಂತ ಹೆಚ್ಚಿನ ಬೆಲೆಗೆ ಮಾರಾಟವಾಗುತ್ತಿವೆ. ಒಂದು ಕೆಜಿ ಬೀನ್ಸ್ ಬೆಲೆ 120-140 ರೂ., ಕೆಲವು ಕ್ಯಾರೆಟ್’ಗಳನ್ನು 100 ರೂ.ಗೆ ಮಾರಾಟ ಮಾಡಲಾಗುತ್ತಿದೆ, ಪ್ರತಿ ಕೆಜಿ ಕ್ಯಾಪ್ಸಿಕಂ ರೂ. 80ರ ಗಡಿ ದಾಟಿದೆ. ಏತನ್ಮಧ್ಯೆ, ಮೊಟ್ಟೆಯ ಬೆಲೆ ಕೂಡ ಏರಿಕೆಯಾಗಿದ್ದು, 5-6 ರೂ.ಗಳಿಂದ 7-8 ರೂ.ವರೆಗೆ ಮಾರಾಟವಾಗುತ್ತಿದೆ ಎಂದು ವರದಿಯಾಗಿದೆ.