ಕಲ್ಪ ಮೀಡಿಯಾ ಹೌಸ್ | ಚಳ್ಳಕೆರೆ(ಚಿತ್ರದುರ್ಗ) |
ದೇಶದ ಇತಿಹಾಸದಲ್ಲಿ ಇಸ್ರೋ ಸಂಸ್ಥೆ ISRO ಮತ್ತೊಂದು ಮೈಲಿಗಲ್ಲನ್ನು ಸ್ಥಾಪಿಸಿದ್ದು, ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆಯಲ್ಲಿರುವ ಏರೋನಾಟಿಕಲ್ ಟೆಸ್ಟ್ ರೇಂಜ್ (ಎಟಿಆರ್) ನಿಂದ ‘ಪುಷ್ಪಕ್’ Pushpak ಹೆಸರಿನ ಮರುಬಳಕೆ ಮಾಡಬಹುದಾದ ಉಡಾವಣಾ ವಾಹನದ (ಆರ್ಎಲ್’ವಿ) ಲ್ಯಾಂಡಿಂಗ್ ಮಿಷನ್ ಅನ್ನು ಯಶಸ್ವಿಯಾಗಿ ನಿರ್ವಹಿಸಿದೆ.
ಇಂದು ಮುಂಜಾನೆ 7 ಗಂಟೆಗೆ ಈ ಮಿಷನ್ ಯಶಸ್ವಿಯಾಗಿದ್ದು, ಇಸ್ರೋ ಅಧ್ಯಕ್ಷ ಎಸ್. ಸೋಮನಾಥ್ S Somnathan ಮತ್ತು ಹಿರಿಯ ಅಧಿಕಾರಿಗಳು ಈ ಸಂದರ್ಭದಲ್ಲಿ ಸ್ಥಳದಲ್ಲಿ ಉಪಸ್ಥಿತರಿದ್ದರು.
ರೆಕ್ಕೆಯ ವಾಹನವಾದ ಪುಷ್ಪಕ್ (ಆರ್ಎಲ್’ವಿ), ನಿಗದಿತ ಸ್ಥಾನದಿಂದ ಬಿಡುಗಡೆಯಾದ ನಂತರ ರನ್ ವೇಯಲ್ಲಿ ನಿಖರತೆಯೊಂದಿಗೆ ನಿಗದಿತವಾಗಿ ಯಾವುದೇ ರೀತಿಯಲ್ಲೂ ಸಹ ತೊಂದರೆಗೆ ಒಳಗಾಗದೇ ಇಳಿಯಿತು ಎಂದು ಇಸ್ರೋ ತಿಳಿಸಿದೆ.
ಪುಷ್ಪಕ್ ಉಡಾವಣೆಯು ಬಾಹ್ಯಾಕಾಶ ಪ್ರವೇಶವನ್ನು ಹೆಚ್ಚು ಕೈಗೆಟುಕುವ ಮತ್ತು ಸುಸ್ಥಿರವಾಗಿಸಲು ಭಾರತದ ದಿಟ್ಟ ಪ್ರಯತ್ನದಲ್ಲಿ ಮಹತ್ವದ ಹೆಜ್ಜೆಯಾಗಿದೆ.
ಹೇಗೆ ನಡೆದಿದ್ದು ಉಡಾವಣಾ ಪ್ರಯೋಗ?
ಪುಷ್ಪಕ್ ಅನ್ನು ಭಾರತೀಯ ವಾಯುಪಡೆಯ ಚಿನೂಕ್ ಹೆಲಿಕಾಪ್ಟರ್ ಮೂಲಕ ಎತ್ತಿಕೊಂಡು, 4.5 ಕಿಮೀ ಎತ್ತರದಿಂದ ಬಿಡುಗಡೆ ಮಾಡಲಾಯಿತು. ರನ್ ವೇನಿಂದ 4 ಕಿಮೀ ದೂರದಲ್ಲಿ ಬಿಡುಗಡೆಯಾದ ನಂತರ, ಪುಷ್ಪಕ್ ಕ್ರಾಸ್-ರೇಂಜ್ ರನ್ ವೇಗೆ ಸ್ವಾಯತ್ತವಾಗಿ ಸಮೀಪಿಸಿತು. ಪ್ರಮುಖವಾಗಿ ನಿಖರವಾದ ರನ್ ವೇನಲ್ಲಿ ಇಳಿಯಿತು. ಅಲ್ಲದೇ, ಅದರ ಬ್ರೇಕ್ ಪ್ಯಾರಾಚೂಟ್, ಲ್ಯಾಂಡಿಂಗ್ ಗೇರ್, ಬ್ರೇಕ್’ಗಳು ಮತ್ತು ನೋಸ್ ವೀಲ್ ಸ್ಟೀರಿಂಗ್ ಸಿಸ್ಟಂ ಎಲ್ಲವೂ ಸರಿಯಾದ ರೀತಿಯಲ್ಲಿ ಕೆಲಸ ಮಾಡಿದೆ ಎಂದು ಇಸ್ರೋ ಹೇಳಿದೆ.
Also read: ಕೇಜ್ರಿವಾಲ್ ಅರ್ಜಿ ತುರ್ತು ವಿಚಾರಣೆಗೆ ಸುಪ್ರೀಂ ಕೋರ್ಟ್ ಅಸ್ತು
ಪುಷ್ಪಕ್ (ಆರ್ಎಲ್’ವಿ) ಅನ್ನು ಎಲ್ಲಾ-ರಾಕೆಟ್ ರೀತಿಯಲ್ಲಿಯೇ ವಿನ್ಯಾಸಗೊಳಿಸಲಾಗಿದೆ. ಸಂಪೂರ್ಣವಾಗಿ ಮರುಬಳಕೆ ಮಾಡಬಹುದಾದ ಸಿಂಗಲ್-ಸ್ಟೇಜ್-ಟು-ಆರ್ಬಿಟ್ ವಾಹನ, ಎಕ್ಸ್-33 ಸುಧಾರಿತ ತಂತ್ರಜ್ಞಾನ ಪ್ರದರ್ಶಕ, ಎಕ್ಸ್-34 ಟೆಸ್ಟೆö್ಬಡ್ ತಂತ್ರಜ್ಞಾನ ಪ್ರದರ್ಶಕ, ಮತ್ತು ನವೀಕರಿಸಿದಂತಹ ಹಲವಾರು ಪ್ರಮುಖ ಅಂಶಗಳನ್ನು ಒಳಗೊಂಡಿದೆ.
ಉಡಾವಣೆಯು ಪುಷ್ಪಕ್’ನ ಮೂರನೇ ಹಾರಾಟವಾಗಿದೆ. ಹೆಚ್ಚುತ್ತಿರುವ ಸಂಕೀರ್ಣ ಪರಿಸ್ಥಿತಿಗಳಲ್ಲಿ ಅದರ ರೊಬೋಟಿಕ್ ಲ್ಯಾಂಡಿಂಗ್ ಸಾಮರ್ಥ್ಯಗಳನ್ನು ಪರಿಪೂರ್ಣಗೊಳಿಸುವ ಗುರಿಯನ್ನು ಹೊಂದಿರುವ ಪರೀಕ್ಷೆಗಳ ಸರಣಿ ಇದಾಗಿದೆ.
ರಾಮಾಯಣದ ಪೌರಾಣಿಕ ‘ಪುಷ್ಪಕ ವಿಮಾನ’ ಎಂದು ಹೆಸರಿಸಲಾಗಿದ್ದು, ಇಸ್ರೋದ ಆಧುನಿಕ-ದಿನದ ವಿಮಾನವು ಸಮೃದ್ಧಿ ಮತ್ತು ನಾವೀನ್ಯತೆಯನ್ನು ಹೊಂದಿದೆ.
100 ಕೋಟಿ ರೂ.ಗಿಂತ ಹೆಚ್ಚಿನ ಹೂಡಿಕೆಯೊಂದಿಗೆ, ಈ ಯೋಜನೆಯು ಭಾರತದ ತಾಂತ್ರಿಕ ಪರಾಕ್ರಮವನ್ನು ಪ್ರದರ್ಶಿಸುತ್ತದೆ. 2035 ರ ವೇಳೆಗೆ ಭಾರತೀಯ ಅಂತರಿಕ್ಷ ನಿಲ್ದಾಣವನ್ನು ಸ್ಥಾಪಿಸುವ ಮಹತ್ವಾಕಾಂಕ್ಷೆಯ ಗುರಿಯೂ ಸೇರಿದಂತೆ ಭವಿಷ್ಯದ ಪ್ರಯತ್ನಗಳಿಗೆ ವೇದಿಕೆಯನ್ನು ಹೊಂದಿಸುತ್ತದೆ.
ಕಳೆದ ತಿಂಗಳು ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರಕ್ಕೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಸೋಮನಾಥ್ ಅವರು ವಾಹನದ ಅಭಿವೃದ್ಧಿ ಕುರಿತು ಮಾಹಿತಿ ನೀಡಿದ್ದರು.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
