ಭದ್ರಾವತಿಯಲ್ಲಿ ಮತ್ತೆ 5 ಕೊರೋನಾ ಪಾಸಿಟಿವ್ ಪ್ರಕರಣ ಪತ್ತೆ: ಹಲವು ರಸ್ತೆ ಸೀಲ್ ಡೌನ್

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಭದ್ರಾವತಿ: ಇಂದು ಮುಂಜಾನೆ ನಗರದಲ್ಲಿ 2 ಕೊರೋನಾ ಪ್ರಕರಣ ಪತ್ತೆಯಾದ ಬೆನ್ನಲ್ಲೇ ಮತ್ತೆ ರಾತ್ರಿ ವೇಳೆಗೆ 5 ಪಾಸಿಟಿವ್ ದೃಢಪಟ್ಟಿದೆ.

ಈ ಕುರಿತಂತೆ ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾಗೆ ಮಾಹಿತಿ ದೊರಕಿದ್ದು, ಬೋವಿ ಕಾಲೋನಿಯ 58 ವರ್ಷದ ಪುರುಷ, ಹುತ್ತಾ ಕಾಲೋನಿ ಚಂದ್ರಾಲಯದ ಬಳಿಯ 60 ವರ್ಷದ ಪುರುಷ, ತರೀಕೆರೆ ರಸ್ತೆಯ 19 ವರ್ಷದ ಯುವಕ, ಆನವೇರಿ ಬಳಿಯ ಇಟ್ಟಿಗೆಹಳ್ಳಿಯ 30 ವರ್ಷದ ಮಹಿಳೆ ಹಾಗೂ ಹೊಳೆಹೊನ್ನೂರು ಪೇಟೆ ಬೀದಿಯ 32 ವರ್ಷದ ಮಹಿಳೆಗೆ ಪಾಸಿಟಿವ್ ಬಂದಿದೆ ಎಂದು ವರದಿಯಾಗಿದೆ.

ಇಂದು ಮುಂಜಾನೆ ಎನ್’ಎಂಸಿ ಮೂರನೆಯ ಅಡ್ಡರಸ್ತೆಯಲ್ಲಿ ಎರಡು ಪಾಸಿಟಿವ್ ಬಂದಿತ್ತು. ಈಗ ಭದ್ರಾವತಿ ನಗರ, ಗ್ರಾಮಾಂತರ ಸೇರಿದಂತೆ ತಾಲೂಕಿನಲ್ಲಿ ಐದು ಪ್ರಕರಣ ಪತ್ತೆಯಾಗಿದ್ದು, ಇಂದಿನ ಒಟ್ಟು ಪ್ರಕರಣಗಳ ಸಂಖ್ಯೆ 7ಕ್ಕೆ ಏರಿಕೆಯಾಗಿದೆ.

Also Read: ಭದ್ರಾವತಿಯಲ್ಲಿ ಮತ್ತೆರಡು ಪಾಸಿಟಿವ್: ಎನ್’ಎಂಸಿ ಮೂರನೆಯ ತಿರುವು ಸೀಲ್ ಡೌನ್

https://kalpa.news/two-more-corona-positive-in-bhadravathi-nmc-3rd-cross-sealdown/

ಇನ್ನು, ರಾತ್ರಿ ವೇಳೆಗೆ ಪಾಸಿಟಿವ್ ಬಂದ ರಸ್ತೆಗಳನ್ನು ಸೀಲ್ ಡೌನ್ ಮಾಡಲು ಸಿದ್ದತೆ ಮಾಡಿಕೊಳ್ಳಲಾಗಿದೆ.

Get In Touch With Us info@kalpa.news Whatsapp: 9481252093