ಕಲ್ಪ ಮೀಡಿಯಾ ಹೌಸ್ | ನವದೆಹಲಿ |
ಜಪಾನ್ನ #Japan ಕಾಕಮಿಗಹಾರದಲ್ಲಿ ನಡೆಯುತ್ತಿರುವ ಮಹಿಳೆಯರ ಅಂಡರ್-18 ಏಷ್ಯಾ ಕಪ್ 2026 ಹಾಕಿ ಟೂರ್ನಿಯ ಪೂಲ್ ‘ಎ’ ಅಂತಿಮ ಪಂದ್ಯದಲ್ಲಿ ಭಾರತ ಅಂಡರ್-18 ಮಹಿಳಾ ತಂಡ ಸಿಂಗಾಪುರ #Singapore ವಿರುದ್ಧ 25-0 ಗೋಲುಗಳ ಭರ್ಜರಿ ಜಯ ಸಾಧಿಸಿದೆ.
ಈ ಭರ್ಜರಿ ಗೆಲುವಿನೊಂದಿಗೆ ಭಾರತ ತಂಡ ಪೂಲ್ ಹಂತವನ್ನು ಅಜೇಯವಾಗಿ ಪೂರ್ಣಗೊಳಿಸಿ, ಒಟ್ಟು 9 ಅಂಕಗಳೊಂದಿಗೆ ಪೂಲ್ ‘ಎ’ಯಲ್ಲಿ ಅಗ್ರಸ್ಥಾನ ಪಡೆದು ಸೆಮಿಫೈನಲ್ಗೆ ಪ್ರವೇಶಿಸಿದೆ.
Also Read>> ಡಿಕೆಶಿ ಸಂಪುಟದಲ್ಲಿ ಪರಮೇಶ್ವರ್’ಗೆ ಡಿಸಿಎಂ ಖಚಿತ? ಯಾರಿಗೆಲ್ಲಾ ಸಚಿವ ಸ್ಥಾನ ದೊರೆಯಲಿದೆ?
ಭಾರತದ ದಾಳಿಯ ಶಕ್ತಿ ಈ ಪಂದ್ಯದಲ್ಲಿ ಸ್ಪಷ್ಟವಾಗಿ ಗೋಚರಿಸಿತು. ಒಟ್ಟು 10 ಆಟಗಾರ್ತಿಯರು ಗೋಲು ಬಾರಿಸಿದ್ದು ವಿಶೇಷ. ನೌಷೀನ್ ನಾಜ್ 7 ಗೋಲುಗಳು (8’, 13’, 17’, 18’, 40’, 52’, 58’) ದಾಖಲಿಸಿ ಮಿಂಚಿದರು. ಗೀತಾಶ್ರಿ ನಾಮಿ 5 ಗೋಲುಗಳು (13’, 28’, 47’, 48’, 60’) ಹೊಡೆದು ‘ಪ್ಲೇಯರ್ ಆಫ್ ದ ಮ್ಯಾಚ್’ ಪ್ರಶಸ್ತಿ ಪಡೆದರು. ನಾಯಕಿ ಸ್ವೀಟಿ ಕುಜೂರ್ 4 ಗೋಲುಗಳು (2’, 24’, 38’, 45’) ಸೇರಿಸಿದರು.
ಪ್ರಿಯಾಂಕ ಮಿಂಜ್ ಹ್ಯಾಟ್ರಿಕ್ (22’, 37’, 53’) ಸಾಧಿಸಿದರೆ, ದಿಯಾ (27’), ನ್ಯಾನ್ಸಿ ಸರೋಹಾ (36’), ಶೃತಿ ಕುಮಾರಿ (40’), ಪುಷ್ಪ ಮಂಜ್ಹಿ (47’), ರಶ್ಮೀನ್ ಕೌರ್ (47’) ಹಾಗೂ ಸಂದೀಪಾ ಕುಮಾರಿ (51’) ತಲಾ ಒಂದು ಗೋಲು ಗಳಿಸಿ ತಂಡದ ಗೆಲುವಿಗೆ ಕೊಡುಗೆ ನೀಡಿದರು.
ಪಂದ್ಯದ ಆರಂಭದಲ್ಲೇ ಭಾರತ ತನ್ನ ಪ್ರಾಬಲ್ಯ ತೋರಿಸಿತು. ಎರಡನೇ ನಿಮಿಷದಲ್ಲೇ ನಾಯಕಿ ಸ್ವೀಟಿ ಮೊದಲ ಗೋಲು ಬಾರಿಸಿದರೆ, ಬಳಿಕ ನೌಷೀನ್ ಹಾಗೂ ಗೀತಾಶ್ರಿ ಕ್ರಮವಾಗಿ ಗೋಲು ಗಳಿಸಿ ಭಾರತವನ್ನು ಬಲಿಷ್ಠ ಸ್ಥಿತಿಗೆ ಕೊಂಡೊಯ್ದರು.
ಎರಡನೇ ಕ್ವಾರ್ಟರ್ನಲ್ಲಿ ಭಾರತ ಮತ್ತಷ್ಟು ಆಕ್ರಮಣಕಾರಿ ಆಟವಾಡಿ ನಿರಂತರ ಗೋಲುಗಳನ್ನು ದಾಖಲಿಸಿತು. ಹಾಫ್ಟೈಮ್ಗೆ ಮುನ್ನವೇ ಭಾರತ ದೊಡ್ಡ ಮುನ್ನಡೆ ಸಾಧಿಸಿತು.
ಯಶ್ ಫ್ಯಾನ್ಸ್ ಅಸೋಸಿಯೆಷನ್ ಅಧ್ಯಕ್ಷ ಸುನಿಲ್ ಆರೋಗ್ಯ ವಿಚಾರಿಸಿದ ರಾಕಿಂಗ್ ಸ್ಟಾರ್
ಬ್ರೇಕ್ ಬಳಿಕವೂ ಗೋಲುಗಳ ಸುರಿಮಳೆ ಮುಂದುವರಿದಿತು. ಮೂರನೇ ಹಾಗೂ ನಾಲ್ಕನೇ ಕ್ವಾರ್ಟರ್ಗಳಲ್ಲಿ ಭಾರತ ಸಿಂಗಾಪುರ ರಕ್ಷಣೆಯನ್ನು ಸಂಪೂರ್ಣವಾಗಿ ಚದುರಿಸಿ ಇನ್ನಷ್ಟು ಗೋಲುಗಳನ್ನು ಸೇರಿಸಿತು.
ಮಲೇಷ್ಯಾ ಹಾಗೂ ಕೊರಿಯಾ ವಿರುದ್ಧವೂ ಜಯ ಸಾಧಿಸಿದ್ದ ಭಾರತ ಇದೀಗ ಸೆಮಿಫೈನಲ್ನಲ್ಲಿ ಬಲಿಷ್ಠ ಸ್ಪರ್ಧಿಯಾಗಿ ಹೊರಹೊಮ್ಮಿದೆ. ಪೂಲ್ ‘ಬಿ’ ಪಂದ್ಯಗಳು ಪೂರ್ಣಗೊಂಡ ನಂತರ ಭಾರತದ ಮುಂದಿನ ಎದುರಾಳಿ ನಿರ್ಧಾರವಾಗಲಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
