ದೇವರನ್ನು ನಂಬಿದವರಿಗೆ, ದೊರೆಯೂ ಏನು ಮಾಡಲಾಗದು: ರಾಘವೇಶ್ವರ ಶ್ರೀ

ಬೆಂಗಳೂರು: ದೇವರನ್ನು ನಂಬಿದವರಿಗೆ, ದೊರೆಯೂ ಏನು ಮಾಡಲಾಗದು, ಇಂದ್ರ ತನ್ನ ಅಹಂಕಾರದಿಂದ ಗೋವು ಹಾಗೂ ಗೋಪಾಲಕರ ಮೇಲೆ ದಾಳಿ ಮಾಡಿದ. ಆದರೆ ಅವರು ಕೃಷ್ಣನನ್ನು ನಂಬಿದ್ದರಿಂದ ಯಾವುದೇ ತೊಂದರೆಯಾಗಲಿಲ್ಲ ಎಂದು ‘ಕೃಷ್ಣಕಥಾ’ದಲ್ಲಿ  ಜಗದ್ಗುರು ಶಂಕರಾಚಾರ್ಯ ರಾಘವೇಶ್ವರ ಭಾರತೀ ಮಹಾಸ್ವಾಮಿಗಳು ಹೇಳಿದರು.

ಕಣ್ಣಿಗೆ ಕಾಣುವ ದೇವರುಗಳಾದ ತಂದೆ – ತಾಯಿ – ಗುರುಗಳನ್ನು ಪೂಜಿಸಿ, ಆನಂತರ ಕಾಣದ ದೇವರನ್ನು ಪೂಜಿಸಿವುದು ಸರ್ವೋತ್ಕೃಷ್ಟವಾದದ್ದು ಎಂದು ರಾಮಾಯಣದಲ್ಲಿ ಹೇಳಲಾಗಿದೆ, ಹಾಗೆಯೇ ಕೃಷ್ಣನೂ ಗೋವರ್ಧನ ಗಿರಿಧಾರೆ ಪೂಜೆಯ ವಿಚಾರದ ಸಂದರ್ಭದಲ್ಲಿ ಕಣ್ಣಿಗೆ ಕಾಣುವ ದೇವರಾದ ಹಾಗೂ ಗೋಪಾಲಕರ ಜೀವನಾಧಾರವಾದ ಗೋವಿನ ಪೂಜೆ ಮಾಡಬೇಕು ಎಂದು ಕೃಷ್ಣ ಪ್ರತಿಪಾದಿಸುತ್ತಾನೆ ಎಂದರು. ಇಂತಹ ತತ್ತ್ವಗಳನ್ನು ನಮ್ಮ ಜೀವನದಲ್ಲೂ ಅಳವಡಿಸಿಕೊಳ್ಳಬೇಕು ಎಂದರು.

ಕೃಷ್ಣನವೃಂದಾವನ – ಗೋಸ್ವರ್ಗ:

ಪ್ರವಚನದ ಜೊತೆಗೆ ಗಾಯನ – ವಾಚನ – ಚಿತ್ರ – ರೂಪಕಗಳ ಮೂಲಕ ಶ್ರೀಕೃಷ್ಣನನ್ನು ಜನ ಮಾನಸಕ್ಕೆ ತಲುಪಿಸಲಾಯಿತು. ಗೋಸ್ವರ್ಗ ಚಾತುರ್ಮಾಸ್ಯ ಸಮಿತಿಯ ಪರವಾಗಿ ಪೂಜ್ಯ ಶ್ರೀಗಳಿಗೆ ಫಲಸಮರ್ಪಣೆ ಮಾಡಲಾಯಿತು. ಕಥಾ ಸಂಚಾಲಕಾರ ಡಾ. ಗಜಾನನ ಶರ್ಮರು ಕೃಷ್ಣಕಥಾ ಕುರಿತು ಮಾತನಾಡಿ, ಸಪ್ತಾಹದಲ್ಲಿ ಪಾಲ್ಗೊಂಡ ಕಲಾವಿದರು ಹಾಗೂ ಸಹಕರಿಸಿದ ಎಲ್ಲರಿಗೆ ಧನ್ಯವಾದ ಸಮರ್ಪಿಸಿದರು.