ಹೆತ್ತ ತಾಯಿಯೇ ತನ್ನ 1 ವರ್ಷದ ಮಗುವನ್ನು ಫ್ಯಾನಿಗೆ ನೇಣು ಹಾಕಿ ಹತ್ಯೆ

ಕಲ್ಪ ಮೀಡಿಯಾ ಹೌಸ್  |  ನವದೆಹಲಿ  |

ತಾನೇ ಹೆತ್ತ 1 ವರ್ಷದ ಮಗುವನ್ನು ಸ್ವಂತ ತಾಯಿಯೇ ಫ್ಯಾನಿಗೆ ನೇಣು ಹಾಕಿ ಹತ್ಯೆ ಮಾಡಿರುವ ದಾರುಣ ಘಟನೆ ಉತ್ತರ ಪ್ರದೇಶದ ಮಹೋಬಾ ಜಿಲ್ಲೆಯ ಸದರ್ ಕೊತ್ವಾಲಿಯಲ್ಲಿ ನಡೆದಿದೆ.

ಹತ್ಯೆ ಮಾಡಿದ ಆರೋಪದ ಮೇಲೆ ಮಹಿಳೆಯೊಬ್ಬರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ.
ಖುಷ್ಬೂ ಎಂದು ಗುರುತಿಸಲಾದ ಆರೋಪಿ, ವೈವಾಹಿಕ ಕಲಹದ ನಂತರ ತನ್ನ ತಾಯಿಯ ಮನೆಯಲ್ಲಿ ವಾಸಿಸುತ್ತಿದ್ದಳು. ಖಿನ್ನತೆಯಿಂದ ಬಳಲುತ್ತಿದ್ದಳು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸುಭಾಷ್ ನಗರದ ಕೋಣೆಯಲ್ಲಿ ಮಹಿಳೆಯೊಬ್ಬರು ತನ್ನ ಒಂದು ವರ್ಷದ ಮಗುವನ್ನು ಸೀಲಿಂಗ್ ಫ್ಯಾನ್’ಗೆ ನೇಣು ಹಾಕಿ ಕೊಂದಿದ್ದಾರೆ ಎಂಬ ಮಾಹಿತಿ ಪೊಲೀಸರಿಗೆ ಸಿಕ್ಕಿದೆ ಎಂದು ಸರ್ಕಲ್ ಆಫೀಸರ್ (ಸದರ್) ಅರುಣ್ ಕುಮಾರ್ ಸಿಂಗ್ ಹೇಳಿದ್ದಾರೆ.

ಆರೋಪಿಯನ್ನು ವಿಚಾರಣೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ. ಪೊಲೀಸರ ಪ್ರಕಾರ, ಖುಷ್ಬೂ ವಿವಾಹಿತಳಾಗಿದ್ದರೂ, ವೈವಾಹಿಕ ಕಲಹದಿಂದಾಗಿ ಸುಭಾಷ್ ನಗರದ ತನ್ನ ತಾಯಿಯ ಮನೆಯಲ್ಲಿ ಹಲವಾರು ತಿಂಗಳುಗಳಿಂದ ವಾಸಿಸುತ್ತಿದ್ದಳು ಎಂದು ವರದಿಯಾಗಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news