ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |
ಶಿವಮೊಗ್ಗದಿಂದ #Shivamogga ಹೊರಡುವ ಹಾಗೂ ತಲುಪುವ ಹಲವು ರೈಲುಗಳ ಸಂಚಾರ ಸಮಯದಲ್ಲಿ ಒಂದಷ್ಟು ಬದಲಾವಣೆಯಾಗಲಿದ್ದು, ಜ.1ರ ನಾಳೆಯಿಂದ ಜಾರಿಗೆ ಬರಲಿದೆ.
ಯಾವೆಲ್ಲಾ ರೈಲುಗಳ ಸಮಯ ಬದಲಾವಣೆ?
- ಶಿವಮೊಗ್ಗ-ಎಂಜಿಆರ್ ಚೆನ್ನೈ: 12692 ಎಂಜಿಆರ್ ಚೆನ್ನೈ #MGRChennaiCentral ಸೆಂಟ್ರಲ್ ರೈಲು ಬೀರೂರನ್ನು ಈವರೆಗೂ ಸಂಜೆ 6.23ಕ್ಕೆ ತಲುಪಿ 6.25 ಕ್ಕೆ ಹೊರಡುತ್ತಿತ್ತು. ಆದರೆ, ಜ.4ರಿಂದ ಇದೇ ರೈಲು ಸಂಜೆ 5.15ಕ್ಕೆ ಶಿವಮೊಗ್ಗದಿಂದ ಹೊರಟು 6.18ಕ್ಕೆ ಬೀರೂರು ತಲುಪಿ, 6.20ಕ್ಕೆ ಹೊರಡಲಿದೆ.
- ಶಿವಮೊಗ್ಗ-ತಾಳಗುಪ್ಪ #Talguppa ನಡುವೆ ಪ್ರತಿದಿನ ಸಂಚರಿಸುವ 07350 ಸಂಖ್ಯೆಯ ಪ್ಯಾಸೆಂಜರ್ ರೈಲು ಈವರೆಗೂ ಮಧ್ಯಾಹ್ನ 2.35ಕ್ಕೆ ಶಿವಮೊಗ್ಗದಿಂದ ಹೊರಡುತ್ತಿತ್ತು. ಆದರೆ, ಜ.1ರ ನಾಳೆಯಿಂದ ಮಧ್ಯಾಹ್ನ 2.25ಕ್ಕೆ ಹೊರಡಲಿದ್ದು, 4.55 ಕ್ಕೆ ತಲುಪುತ್ತಿದ್ದ ತಾಳುಗುಪ್ಪ ನಿಲ್ದಾಣವನ್ನು 4.50 ಕ್ಕೆ ತಲುಪಲಿದೆ.
- ಈ ಮಾರ್ಗಗಳಲ್ಲಿ ಬರುವ ಕೊನಗವಳ್ಳಿ ರೈಲು ನಿಲ್ದಾಣವನ್ನು ಮಧ್ಯಾಹ್ನ 2.49 ಕ್ಕೆ ತಲುಪಿ, 2.50 ಕ್ಕೆ ಹೊರಡುತ್ತಿತ್ತು. ನಾಳೆಯಿಂದ ಈ ರೈಲು 2.39 ಕ್ಕೆ ತಲುಪಿ 2.40 ಕ್ಕೆ ಹೊರಡಲಿದೆ. ಅದೇ ರೀತಿ, 2.55ಕ್ಕೆ ಹಾರನಹಳ್ಳಿ ತಲುಪಿ 2.56ಕ್ಕೆ ಹೊರಡುತ್ತಿದ್ದ ರೈಲು, ನಾಳೆಯಿಂದ 2.45ಕ್ಕೆ ತಲುಪಿ 2.46ಕ್ಕೆ ಹೊರಡಲಿದೆ.
- ಮಧ್ಯಾಹ್ನ 3.02ಕ್ಕೆ ಕುಂಸಿ ನಿಲ್ದಾಣ ತಲುಪಿ 3.03ಕ್ಕೆ ಹೊರಡುತ್ತಿದ್ದ ರೈಲು ಇನ್ನು ಮುಂದೆ 2.52ಕ್ಕೆ ತಲುಪಿ, 2.53ಕ್ಕೆ ಹೊರಡಲಿದೆ. ಹಾಗೆಯೇ, 3.19ಕ್ಕೆ ಅರಸಾಳು ನಿಲ್ದಾಣ ತಲುಪಿ 3.20ಕ್ಕೆ ಹೊರಡುತ್ತಿದ್ದ ರೈಲು ಇನ್ನು ಮುಂದೆ 3.09ಕ್ಕೆ ತಲುಪಿ 3.19ಕ್ಕೆ ಹೊರಡಲಿದೆ.
- ಇನ್ನು, ಮಧ್ಯಾಹ್ನ 3.24 ಕ್ಕೆ ಕೆಂಚನಾಳ ತಲುಪಿ 3.25 ಕ್ಕೆ ನಿಲ್ದಾಣದಿಂದ ಹೊರಡುತ್ತಿದ್ದ ಈ ರೈಲು, ನಾಳೆಯಿಂದ 3.14 ಕ್ಕೆ ತಲುಪಿ 3.15ಕ್ಕೆ ಹೊರಡಲಿದೆ. ತಾಳಗುಪ್ಪ ನಿಲ್ದಾಣವನ್ನು ಇದುವರೆಗೆ ನಿಗದಿತವಾಗಿದ್ದ ಸಮಯಕ್ಕಿಂತ 10 ನಿಮಿಷ ಮುಂಚಿತವಾಗಿ ತಲುಪಲಿದೆ.
- ಅದೇ ರೀತಿ ಯಶವಂತಪುರದಿಂದ #Yashwantpur ಶಿವಮೊಗ್ಗಕ್ಕೆ ಮಧ್ಯಾಹ್ನ 2.30ಕ್ಕೆ ಬರುತ್ತಿದ್ದ 16579 ಸಂಖ್ಯೆಯ ಎಕ್ಸ್’ಪ್ರೆಸ್ ರೈಲು 2.15 ಕ್ಕೆ ತಲುಪಲಿದೆ.
- 20651 ಸಂಖ್ಯೆಯ ಯಶವಂತಪುರ-ತಾಳಗುಪ್ಪ ಇಂಟರ್ ಸಿಟಿ ರೈಲು #IntercityTrain ಶಿವಮೊಗ್ಗವನ್ನು 7.40 ಕ್ಕೆ ತಲುಪಿ ತಾಳಗುಪ್ಪಕ್ಕೆ 7.45 ಕ್ಕೆ ಹೊರಡುತ್ತಿತ್ತು. ರಾತ್ರಿ 10 ಗಂಟೆಗೆ ತಾಳಗುಪ್ಪ ತಲುಪುತಿತ್ತು. ಈ ರೈಲು ಬದಲಾದ ಸಮಯದಲ್ಲಿ ನಾಳೆಯಿಂದ 9.45ಕ್ಕೆ ತಾಳಗುಪ್ಪ ತಲುಪಲಿದೆ.
- ಪ್ರತಿದಿನ ರಾತ್ರಿ 9 ಗಂಟೆಗೆ ತಾಳಗುಪ್ಪದಿಂದ ಹೊರಡುತ್ತಿದ್ದ 16228 ಸಂಖ್ಯೆಯ ತಾಳಗುಪ್ಪ-ಮೈಸೂರು ಎಕ್ಸ್’ಪ್ರೆಸ್ ರೈಲು ರಾತ್ರಿ 8.55 ಕ್ಕೆ ಹೊರಡಲಿದೆ. ಈ ರೈಲು ನಾಳೆಯಿಂದ ನಿಗದಿತ ಸಮಯಕ್ಕಿಂತ 5 ನಿಮಿಷ ಮುಂಚಿತವಾಗಿ ಹೊರಡಲಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
