ಪಿಆರ್’ಕೆ ಪ್ರೊಡಕ್ಷನ್ ಕಾಣಿಕೆ: ಎಪ್ರಿಲ್ 12ರಂದು ಕವಲುದಾರಿ ಚಿತ್ರ ಬಿಡುಗಡೆ

ಬೆಂಗಳೂರು: ಡಾ.ರಾಜ್’ಕುಮಾರ್ ಕುಟುಂಬದ ಪ್ರತಿಷ್ಠಿತ ಪಿಆರ್’ಕೆ ಪ್ರೊಡಕ್ಷನ್ ಕಾಣಿಕೆ ಕವಲುದಾರಿ ಚಿತ್ರ ಎಪ್ರಿಲ್ 12ರಂದು ರಾಜ್ಯದಾದ್ಯಂತ ಬಿಡುಗಡೆಯಾಗಲಿದೆ.

ಈ ಕುರಿತಂತೆ ಪವರ್’ಸ್ಟಾರ್ ಪುನೀತ್ ರಾಜಕುಮಾರ್ ಸ್ವತಃ ಟ್ವೀಟ್ ಮಾಡಿದ್ದು, ಎಪ್ರಿಲ್ 12ರಂದು ಚಿತ್ರ ಬಿಡುಗಡೆಯಾಗಲಿದೆ ಎಂದು ತಿಳಿಸಿದ್ದಾರೆ.

#Kavaludaari releasing on April 12th 👍 pic.twitter.com/DTtouJFDiS

— Puneeth Rajkumar (@PuneethRajkumar) March 7, 2019

ಕವಲುದಾರಿ ಸಸ್ಪೆನ್ಸ್‌ ಥ್ರಿಲ್ಲರ್(ಪತ್ತೆದಾರಿ) ಚಿತ್ರವಾಗಿದ್ದು, ಗೋದಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರ ಖ್ಯಾತಿ ಹೇಮಂತ್ ರಾವ್ ನಿರ್ದೇಶನ ಮಾಡಿದ್ದಾರೆ. ಪಿಆರ್’ಕೆ ಪ್ರೊಡಕ್ಷನ್ ಅಡಿಯಲ್ಲಿ ಅಶ್ವಿನಿ ಪುನೀತ್ ರಾಜಕುಮಾರ್ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

#PRKProductions First Movie Releasing on #April12th 😍@PuneethRajkumar @mailrrk @PRK_Productions @Rishi_vorginal pic.twitter.com/OaN2LBIH1x

— Puneeth Rajkumar FC® (@PowerStarPunith) March 7, 2019

ಆಪರೇಶನ್ ಅಲಮೇಲಮ್ಮ ಚಿತ್ರ ಖ್ಯಾತಿಯ ರಿಷಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದು, ಹಿರಿಯ ನಟ ಅನಂತನಾಗ್, ಅಚ್ಯುತ ಕುಮಾರ್, ಸುಮನ್ ರಂಗನಾಥ್ ಹಾಗೂ ರೋಶ್ನಿ ಪ್ರಕಾಶ್ ಸೇರಿದಂತೆ ಹಲವರು ಚಿತ್ರದಲ್ಲಿದ್ದಾರೆ. ಚಿತ್ರಕ್ಕೆ ಚರಣ್ ರಾಜ್ ಸಂಗೀತವಿದೆ.

ಚಿತ್ರದ ನಿಗೂಢ ಎಂಬ ಗೀತೆಯನ್ನು ಈಗಾಗಲೇ ಪಿಆರ್’ಕೆ ಯೂಟ್ಯೂಬ್ ಚಾನಲ್’ನಲ್ಲಿ ಬಿಡುಗಡೆ ಮಾಡಲಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.