ಮತ್ತೊಂದು ಐತಿಹಾಸಿಕ ದಿನ | ನಳಂದಾ ವಿಶ್ವವಿದ್ಯಾಲಯದ ನೂತನ ಕ್ಯಾಂಪಸ್'ಗೆ ಪ್ರಧಾನಿ ಮೋದಿ ಚಾಲನೆ

ಮತ್ತೊಂದು ಐತಿಹಾಸಿಕ ದಿನ | ನಳಂದಾ ವಿಶ್ವವಿದ್ಯಾಲಯದ ನೂತನ ಕ್ಯಾಂಪಸ್’ಗೆ ಪ್ರಧಾನಿ ಮೋದಿ ಚಾಲನೆ

Read - 2 minutes

ಕಲ್ಪ ಮೀಡಿಯಾ ಹೌಸ್ | ರಾಜಗೀರ್(ನಳಂದಾ) |

5ನೇ ಶತಮಾನದಿಂದಲೂ ವಿಶ್ವದ ಅತ್ಯಂತ ಶ್ರೇಷ್ಠ ವಿದ್ಯಾ ಕ್ಷೇತ್ರ ಎಂದು ಖ್ಯಾತವಾಗಿದ್ದ ನಳಂದ ವಿಶ್ವವಿದ್ಯಾಯಲಕ್ಕೆ #Nalanda University ಮರುಜೀವ ನೀಡುವ ಸಂಕಲ್ಪ ತೊಟ್ಟು ಈಗಾಗಲೇ ಕಾರ್ಯಪ್ರವೃತ್ತವಾಗಿರುವ ಕೇಂದ್ರ ಸರ್ಕಾರ ಇಂದು ಮಹತ್ವದ ಹೆಜ್ಜೆಯಿಟ್ಟಿದ್ದು ಈ ಪುಣ್ಯಕ್ಷೇತ್ರದ ನೂತನ ಕ್ಯಾಂಪಸನ್ಸು ಲೋಕಾರ್ಪಣೆಗೊಳಿಸಿದೆ.

ಬಿಹಾರದ ರಾಜಗೀರ್’ನಲ್ಲಿ ನಳಂದಾ ವಿಶ್ವವಿದ್ಯಾಲಯದ ಹೊಸ ಕ್ಯಾಂಪಸನ್ನು ಪ್ರಧಾನಿ ನರೇಂದ್ರ ಮೋದಿ #PM Narendra Modi ಇಂದು ಉದ್ಘಾಟಿಸಿದ್ದು, ಈ ಮೂಲಕ ದೇಶದ ಇತಿಹಾಸದಲ್ಲಿ ಹೊಸ ಅಧ್ಯಾಯ ಆರಂಭವಾಗಿದೆ.
ಉದ್ಘಾಟನೆಗೂ ಮುನ್ನ ಪ್ರಧಾನಿ ನರೇಂದ್ರ ಮೋದಿ ಅವರು ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾದ ಪ್ರಾಚೀನ ನಳಂದ ಅವಶೇಷ ಪ್ರದೇಶಗಳಿಗೆ ಭೇಟಿ ನೀಡಿದರು.

Also read: ಅಂಧಾಭಿಮಾನಿಗಳಿಂದ ಜೀವ ಬೆದರಿಕೆ | ದೂರು ದಾಖಲಿಸಿದ ನಟ ಪ್ರಥಮ್

ಪುರಾತನ ನಳಂದದ ಅವಶೇಷಗಳು ಸನ್ಯಾಸಿಗಳ ಮತ್ತು ಪಾಂಡಿತ್ಯಪೂರ್ಣ ಸಂಸ್ಥೆಯ ಪುರಾತತ್ವ ಅವಶೇಷಗಳನ್ನು ಒಳಗೊಂಡಿವೆ. ಇಲ್ಲಿ ಸ್ತೂಪಗಳು, ದೇವಾಲಯಗಳು, ವಿಹಾರಗಳು (ವಸತಿ ಮತ್ತು ಶೈಕ್ಷಣಿಕ ಕಟ್ಟಡಗಳು) ಮತ್ತು ಗಾರೆ, ಕಲ್ಲು ಮತ್ತು ಲೋಹದ ಪ್ರಮುಖ ಕಲಾಕೃತಿಗಳು ಕಂಡುಬರುತ್ತವೆ. ನಳಂದವು ಭಾರತೀಯ ಉಪಖಂಡದ ಅತ್ಯಂತ ಪ್ರಾಚೀನ ವಿಶ್ವವಿದ್ಯಾಲಯವಾಗಿ ಎದ್ದು ಕಾಣುತ್ತದೆ.
ಈ ಶಿಕ್ಷಣ ಸಂಸ್ಥೆಯನ್ನು 2010ರಲ್ಲಿ ನಳಂದಾ ವಿಶ್ವವಿದ್ಯಾನಿಲಯ ಕಾಯ್ದೆಯ ಮೂಲಕ ಸ್ಥಾಪಿಸಿ, 2014 ರಲ್ಲಿ ಕಾರ್ಯನಿರ್ವಹಿಸಲು ಪ್ರಾರಂಭಿಸಿತು.