ಸ್ಯಾಂಡಲ್’ವುಡ್ ಸ್ಟಾರ್ ಧ್ರುವ ಸರ್ಜಾಗೆ ಬರ್ತ್ ಡೇ ಸಂಭ್ರಮ

ಬೆಂಗಳೂರು: ಜನ್ಮದಿನದ ಸಂಭ್ರಮದಲ್ಲಿರುವ ಸ್ಯಾಂಡಲ್’ವುಡ್ ಸ್ಟಾರ್ ಧ್ರುವ ಸರ್ಜಾ ನಿವಾಸ ಮುಂದೆ ಸೇರಿದ್ದ ಸಾವಿರಾರು ಅಭಿಮಾನಿಗಳು ತಮ್ಮ ನೆಚ್ಚಿನ ನಟನಿಗೆ ಶುಭ ಹಾರೈಸಿದರು.

ಬೆಂಗಳೂರಿನ ಸರ್ಜಾ ನಿವಾಸ ಮುಂದೆ ಜಮಾಯಿಸಿರುವ ಸಾವಿರಾರು ಅಭಿಮಾನಿಗಳು ತಮ್ಮ ನಟನಿಗೆ ಶುಭ ಹಾರೈಸುವ ಜೊತೆಯಲ್ಲಿ ಸೆಲ್ಫಿ ತೆಗೆದುಕೊಳ್ಳಲು ಮುಗಿಬಿದ್ದರು.

ಇನ್ನು, ಮುಂಬರುವ ನವೆಂಬರ್ 24-25ರಂದು ಧ್ರುವ ಸರ್ಜಾ ವಿವಾಹ ಕನ್ಫರ್ಮ್ ಆಗಿದ್ದು, ಇದಕ್ಕಾಗಿ ಅವರ ಕುಟುಂಬ ಸಿದ್ದತೆ ನಡೆಸಿದೆ. ಇಂದು ತಮ್ಮ ವಿವಾಹ ದಿನಾಂಕವನ್ನು ಅಧಿಕೃತವಾಗಿ ಧ್ರುವ ಘೋಷಣೆ ಮಾಡಿದ್ದಾರೆ.

ಅಕ್ಟೋಬರ್ 24 ಪೊಗರು ಡೈಲಾಗ್ ಟೀಸರ್ ಅನ್ನು ಚಿತ್ರತಂಡ ರಿಲೀಸ್ ಮಾಡಲಿದ್ದು, ತಮ್ಮ ಜನ್ಮ ದಿನದ ಸಂಭ್ರಮದ ವೇಳೆಯಲ್ಲಿ ಅಭಿಮಾನಿಗಳಿಗಾಗಿ ಪೊಗರು ಡೈಲಾಗ್ ಹೊಡೆದ ಆ್ಯಕ್ಷನ್ ಪ್ರಿನ್ಸ್‌ ಎಲ್ಲರನ್ನೂ ರಂಜಿಸಿದರು.