ಮಗುವಿಗೆ ಕುಡಿಸಲು ಎದೆಯಲ್ಲಿ ಹಾಲಿಲ್ಲ ಎಂಬ ಕಾರಣಕ್ಕೆ ತಾಯಿ ಆತ್ಮಹತ್ಯೆ: ಮಗು ಏನಾಯಿತು?

Read - 2 minutes

ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |

ತನ್ನ ಮಗುವಿಗೆ ಕುಡಿಸಲು ಎದೆಯಲ್ಲಿ ಹಾಲಿಲ್ಲ ಎಂದು ಮನನೊಂದು ತಾಯಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸೊರಬ ತಾಲೂಕಿನಲ್ಲಿ ನಡೆದಿದೆ.

ತಾಲೂಕಿನ ಕುಪ್ಪಗುಡ್ಡೆಯಲ್ಲಿ ಘಟನೆ ನಡೆದಿದ್ದು, ಮೃತ ಮಹಿಳೆಯನ್ನು ಶಾಂತಾ (28) ಎಂದು ಗುರುತಿಸಲಾಗಿದೆ.
ಘಟನೆ ಹಿನ್ನೆಲೆ:
ಜಡೇಹಳ್ಳಿ ಗ್ರಾಮಕ್ಕೆ ಮದುವೆಯಾಗಿ ಬಂದಿದ್ದ ಶಾಂತಾ ಅವರು ಹೆರಿಗೆ ಹಾಗೂ ಬಾಣಂತನಕ್ಕೆ ತವರುಮನೆಗೆ ತೆರಳಿದ್ದರು. ಒಂದೂವರೆ ತಿಂಗಳ ತನ್ನ ಮಗುವಿಗೆ ಕುಡಿಸಲು ಎದೆಯಲ್ಲಿ ಹಾಲು ಸರಿಯಾಗಿ ಬರುತ್ತಿಲ್ಲ ಎಂದು ಈಕೆ ಬಹಳಷ್ಟು ಬಾರಿ ನೊಂದುಕೊಂಡಿದ್ದರಂತೆ.
ಈ ಬೆಳವಣಿಗೆಯ ನಂತರ ಈಕೆ ಕಾಣೆಯಾಗಿದ್ದರು ಎಂದು ವರದಿಯಾಗಿದೆ. ಈಕೆಯನ್ನು ಹುಡುಕಾಟ ನಡೆಸುತ್ತಿದ್ದ ವೇಳೆ ತುಂಬೆ ಹೊಂಡದಲ್ಲಿ ಮಗುವಿನ ಶವ ದೊರೆತಿದ್ದು, ಇದರ ಬೆನ್ನಲ್ಲೇ ತಾಯಿತ ಶವವೂ ಸಹ ದೊರೆತಿದೆ.