ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |
ವನ್ನಿಯಕುಲ ಕ್ಷತ್ರಿಯ ಜಾತಿಯ ಅಡಿಯಲ್ಲಿ ವಯ, ವಯಗೌಂಡರ, ಗೌಂಡರ, ಕಂಡರ್, ಪಡಯಾಚಿ, ಪಲ್ಲಿ, ವನ್ನಿರೆಡ್ಡಿ ಉಪಜಾತಿಗಳನ್ನು ಸೇರಿಸುವಂತೆ ಒತ್ತಾಯಿಸಿ ರಾಜ್ಯ ವನ್ನಿಯಕುಲ ಕ್ಷತ್ರಿಯ ಸಂಘದ ವತಿಯಿಂದ ಹಿಂದುಳಿದ ವರ್ಗಗಳ ಆಯೋಗಕ್ಕೆ ಮನವಿ ಸಲ್ಲಿಸಲಾಯಿತು.
ಉಪಜಾತಿಗಳಾದ ವನ್ನಿಯ, ವನ್ನಿಯಗೌಂಡರ್, ಗೌಂಡರ್, ಕಂಡರ್, ಪಡಿಯಾಚಿ, ಪಲ್ಲಿ,ವನ್ನಿರೆಡ್ಡಿ ಉಪಜಾತಿಗಳು ವನ್ನಿಯ ಕುಲ ಕ್ಷತ್ರಿಯ ಜಾತಿಯ ಅಡಿಯಲ್ಲಿ ಬರುತ್ತಿದ್ದು, ಇಲ್ಲಿಯವರೆಗೂ ರಾಜ್ಯ ಸರ್ಕಾರದ ಜಾತಿಪಟ್ಟಿಯ ಪ್ರವರ್ಗ-2ಎರ ಅಡಿಯಲ್ಲಿ ಮೇಲ್ಕಂಡ ಉಪಜಾತಿಗಳು ಸೇರ್ಪಡೆಯಾಗಿರುವುದಿಲ್ಲ. ಈಗಾಗಲೇ ಈ ಮೇಲ್ಕಂಡ ಉಪಜಾತಿ ಜನರು ತಮ್ಮ ಅಧಿಕೃತ ದಾಖಲಾತಿಗಳಲ್ಲಿ ತಮ್ಮ ಉಪಜಾತಿಗಳನ್ನು ನಮೂದು ಮಾಡಿಕೊಂಡಿರುವುದರಿಂದ ಅವರುಗಳಿಗೆ ಸರ್ಕಾರದ ಪ್ರವರ್ಗ-2ಎ ಅಡಿಯಲ್ಲಿ ಜಾತಿ ಪ್ರಮಾಣ ಪತ್ರ ಮತ್ತು ದೃಢೀಕರಣ ಪತ್ರ ಪಡೆಯಲು ಆಗುತ್ತಿರುವುದಿಲ್ಲ. ಕಾರಣವೇನೆಂದರೆ ಮೇಲ್ಕಂಡ ಸದರಿ ಉಪಜಾತಿಗಳು ವನ್ನಿಯ ಕುಲ ಕ್ಷತ್ರಿಯ ಜಾತಿಯ ಉಪಜಾತಿಗಳಾಗಿ ರಾಜ್ಯ ಸರ್ಕಾರದ ಜಾತಿಪಟ್ಟಿಯ ಪ್ರವರ್ಗ-2ಎ ಯಲ್ಲಿ ಸೇರಿಸಿಲ್ಲದಿರುವುದು ಕಾರಣವಾಗಿರುತ್ತದೆ ಎಂದು ಮನವಿಯಲ್ಲಿ ತಿಳಿಸಲಾಗಿದೆ.
ಈ ಮೇಲೆ ಹೇಳಿದ ಉಪಜಾತಿಗಳು ಪ್ರವರ್ಗ-2ಎ ರಲ್ಲಿಯ ಕ್ರಮಸಂಖ್ಯೆ 10 (ಜೆ)ರಲ್ಲಿ ಬರುವ ವನ್ನಿಯಕುಲ ಕ್ಷತ್ರಿಯ ಜಾತಿಯಲ್ಲಿ ಬರುತ್ತಿರುವ ಬಗ್ಗೆ ಈಗಾಗಲೇ ಕೇಂದ್ರ ಹಿಂದುಳಿದ ವರ್ಗಗಳ ಆಯೋಗದ ಪಟ್ಟಿಯಲ್ಲಿ ಹಾಗೂ ತಮಿಳುನಾಡು ಸರ್ಕಾರದ ಹಿಂದುಳಿದ ವರ್ಗಗಳ ಪಟ್ಟಿಯಲ್ಲ್ಲಿಯೂ ಸೇರ್ಪಡೆಯಾಗಿರುತ್ತದೆ. ಹಾಗೆಯೇ ಕರ್ನಾಟಕ ಸರ್ಕಾರದ ಇತರೆ ಹಿಂದುಳಿದ ವರ್ಗಗಳ ಕೇಂದ್ರ ಪಟ್ಟಿ ಅನ್ವಯ ವನ್ನಿಯ ಕುಲ ಕ್ಷತ್ರಿಯ ಜಾತಿಯಲ್ಲಿ ಅನುಮೋದನೆಯಾಗಿರುತ್ತದೆ. ಅದೇ ರೀತಿ ಈ ಎಲ್ಲಾ ಉಪಜಾತಿಗಳು ವನ್ನಿಯಕುಲ ಕ್ಷತ್ರಿಯ ಜಾತಿಯ ಉಪಜಾತಿಗಳಾಗಿರುತ್ತವೆ ಎಂಬ ಬಗ್ಗೆ ನನ್ನಿಯಕುಲ ಕ್ಷತ್ರಿಯ ಜಾತಿಯ ಕುಲಶಾಸ ಅಧ್ಯಯನದ ಬಗ್ಗೆ 1888ರಲ್ಲಿ ವನ್ನಿಯ ಕುಲ ಮಹಾಸಂಘವು ವನ್ನಿಯ ಕುಲ ವಿಳಕಂ ಪುಸ್ತಕದಲ್ಲಿ ಸವಿಸ್ತಾರವಾಗಿ ಇದರ ಬಗ್ಗೆ ಉಲ್ಲೇಖವಿದೆ ಎಂದು ತಿಳಿಸಲಾಗಿದೆ.
ಎಡ್ಗರ್ ಢಪ್ಪನ್ ಬರೆದಿರುವಂತಹ Castes ಅಂಡ್ ಟೈಮ್ಸ್ ಆಫ್ ಸದರನ್ ಇಂಡಿಯಾ ಪುಸ್ತಕವು ಆಧಾರಿತವಾಗಿದ್ದು, ವನ್ನಿಯ ಕುಲ ಕ್ಷತ್ರಿಯ ಜಾತಿಯ ಮತ್ತು ಅದರ ಉಪಜಾತಿಗಳ ಆಚಾರ-ವಿಚಾರದ ಬಗ್ಗೆ ಸಂಪೂರ್ಣ ಮಾಹಿತಿಯಿರುತ್ತದೆ. ಆದ್ದರಿಂದ ಈ ಮೇಲ್ಕಂಡ ದಾಖಲಾತಿ ಪ್ರತಿಗಳನ್ನು ಆಯೋಗದ ಅವಗಾಹನೆಗೆ ಈ ಅರ್ಜಿಯೊಂದಿಗೆ ಲಗತ್ತಿಸಲಾಗಿದ್ದು, ಪ್ರವರ್ಗ-2ಎ ಕ್ರಮ ಸಂಖ್ಯೆ10(ಎ) ದಲ್ಲಿ ಬರುವ ವನ್ನಿಯ ಕುಲ ಕ್ಷತ್ರಿಯ ಜಾತಿಯನ್ನು ಪ್ರಮುಖ ಜಾತಿಯನ್ನಾಗಿ ನಮೂದು ಮಾಡಿ ಅದರ ಉಪಜಾತಿಗಳಾದ ವನ್ನಿಯ, ವಯಗೌಂಡರ್, ಗೌಂಡರ್ ಪಡಯಾಚಿ, ಕಂಡರ್, ಪಳ್ಳಿ, ವನ್ನಿಯರ್ ವನ್ನಿರೆಡ್ಡಿ ಉಪಜಾತಿಗಳನ್ನು ಪ್ರವರ್ಗ-2ಎ ಕ್ರಮಸಂಖ್ಯೆ10(m) ಯಿಂದ 10(r) ರವರೆಗೆ ನಮೂದು ಮಾಡಬೇಕಾಗಿ ರಾಜ್ಯ ವನ್ನಿಯ ಕುಲ ಕ್ಷತ್ರಿಯ ಸಂಘ ಮನವಿ ಸಲ್ಲಿಸಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
