ಒಳ್ಳೆಯ ಕರ್ಮಗಳನ್ನು ಮಾಡಿದಾಗ ದೇವರ ಅನುಗ್ರಹ ಪ್ರಾಪ್ತಿ

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ಒಳ್ಳೆಯ ಕರ್ಮಗಳನ್ನು ಮಾಡಿದಾಗ ದೇವರ ಅನುಗ್ರಹ ಪ್ರಾಪ್ತಿಯಾಗುತ್ತದೆ ಎಂದು ಪರಮಪೂಜ್ಯ ಪರ್ತಗಾಳಿ  ಜೀವೋತ್ತಮ ಮಠಾಧೀಶರಾದ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದವಡೇರ್ ಸ್ವಾಮೀಜಿ ಹೇಳಿದ್ದಾರೆ.

ಅವರು ನಗರದ ಗೌಡಸಾರಸ್ವತ ಬ್ರಾಹ್ಮಣ ಸಮಾಜದ ಶ್ರೀಲಕ್ಷ್ಮೀವೆಂಕಟರಮಣ ದೇವಮಂದಿರದಲ್ಲಿ ತಮ್ಮ 5 ದಿನಗಳ ಮೊಕ್ಕಂ ಸಂದರ್ಭದಲ್ಲಿ ಸಮಾಜ ಪ್ರಾರಂಭವಾಗಿ ಶಿವಮೊಗ್ಗದಲ್ಲಿ 70 ವರ್ಷಗಳನ್ನು ಪೂರೈಸಿದ ಹಿನ್ನಲೆಯಲ್ಲಿ ಸಮಾಜದ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿ ಏಳಿಗೆಗಾಗಿ ಶ್ರಮಿಸಿದ ಮಾಜಿ ಅಧ್ಯಕ್ಷರುಗಳಿಗೆ ಮತ್ತು ದಾನಿಗಳಿಗೆ ಹಾಗೂ ಪ್ರಮುಖರನ್ನು ಸನ್ಮಾನಿಸಿ ವಿಜಯೇಂದ್ರ ರಾಮನಾಥ್ ಭಟ್ ಅವರ ಶ್ರೀ ವಿಷ್ಣು ಸಹಸ್ರನಾಮದ ಷಷ್ಠಾಂಶ ಪುಸ್ತಕ ಬಿಡುಗಡೆ ಸಮಾರಂಭದ ಉದ್ಘಾಟನೆ ನೆರವೇರಿಸಿ ಆರ್ಶೀವಚನ ನೀಡಿದರು.

ಸಮಾಜಕ್ಕಾಗಿ ತನುಮನಧನ ಸಮರ್ಪಿಸಿ ಸಮಾಜದ ಬೇರನ್ನು ಗಟ್ಟಿಗೊಳಿಸಿದ ಹಿರಿಯರನ್ನು ಗೌರವಿಸುವುದು ನಮ್ಮೆಲ್ಲರ ಕರ್ತವ್ಯ ಹಾಗೂ ಇತರರಿಗೆ ಪ್ರೇರಣೆಯಾಗುತ್ತದೆ. ಗಿಡದಲ್ಲಿನ ಫಲಗಳನ್ನು ಮಾತ್ರ ನೋಡುವುದಲ್ಲ. ಅದರ ಬೇರುಗಳನ್ನು ಕೂಡ ಗಮನಿಸಬೇಕು ಎಂದರು.

Also read: ಡಾ.ಎಸ್.ಪಿ. ಪದ್ಮಪ್ರಸಾದ್ ಅಧ್ಯಕ್ಷತೆಯಲ್ಲಿ ಫೆ.1, 2ರಂದು ಶಿವಮೊಗ್ಗ ಜಿಲ್ಲಾ 18ನೇ ಕನ್ನಡ ಸಾಹಿತ್ಯ ಸಮ್ಮೇಳನ

ಮನುಷ್ಯ ಬುದ್ಧಿ ಜೀವಿ ಆದರು ಅನೇಕ ಅಪರಾಧಗಳನ್ನು ಯಾಕೆ ಮಾಡುತ್ತಾನೆ. ದೇವರು ಅವನಿಗೆ ಒಳ್ಳೆ ಬುದ್ಧಿ ಕೊಡಬಹುದಲ್ಲವೆ ಎಂಬ ಪ್ರಶ್ನೆ ಕೆಲವರಲ್ಲಿ ಮೂಡುತ್ತದೆ. ನಾವು ಕರೆಂಟ್ ಸ್ವಿಚ್ ಹಾಕಿದಾಗ ಮಾತ್ರ ಪವರ್ ಬರುತ್ತದೆ. ಆ ಪವರ್ ಅಂದರೆ ದೇವರು, ಸ್ವಿಚ್ ಹಾಕುವುದು ನಾವೇ. ಶಕ್ತಿಯನ್ನು ದೇವರು ಕೊಡುತ್ತಾನೆ. ಆದರೆ ನಾವು ಮಾಡಿದ ಒಳ್ಳೆಯ ಕರ್ಮಗಳಿಗೆ ಫಲ ಸಿಗುತ್ತದೆ. ನಾವು ಏನು ಮತ್ತು ಏಕಾಗಿ ಮಾಡುತ್ತೇವೆ ಎಂಬ ಹರಿವು ಇರಬೇಕು. ಹಿರಿಯರ ಸಲಹೆಯನ್ನು ಪಡೆಯಬೇಕು. ನಾನು ಎಲ್ಲ ದೇವರ ಕಾರ್ಯಗಳನ್ನು ಮಾಡುತ್ತೇನೆ. ಕರ್ತವ್ಯ ಮಾಡುತ್ತೇನೆ. ಆದರೂ ನನಿಗೆ ಸುಖವಿಲ್ಲ ಎಂದು ಕೆಲವರು ದುಃಖ ಪಡುತ್ತಾರೆ. ಆದರೆ ಮೊದಲೆ ಸ್ಥಾನದಲ್ಲಿ ಇದ್ದವನು ದೇವರು ಪೀಚೆ ಮೋಡು ಎಂದಾಗ ಕೊನೆಯ ಸ್ಥಾನಕ್ಕೆ ಹೋಗುತ್ತಾನೆ. ಕೊನೆಯಲ್ಲಿ ಇದ್ದವನು ಮೊದಲಿಗೆ ಬರುತ್ತಾನೆ ಎಂದರು.