ಸ್ಪೂರ್ತಿದಾಯಕ ನಾಯಕತ್ವದಲ್ಲಿ ನಿರಾಸೆಯ ಕ್ಷಣಗಳೇ ಇಲ್ಲ: ಸಂಸದ ರಾಘವೇಂದ್ರ ಸಂತಸ

ಕಲ್ಪ ಮೀಡಿಯಾ ಹೌಸ್   | ಶಿವಮೊಗ್ಗ |

ಪ್ರಧಾನಿ ನರೇಂದ್ರ ಮೋದಿ PM Narendra Modi ಅವರ ಪ್ರಬಲ ಹಾಗೂ ಸ್ಪೂರ್ತಿದಾಯಕ ನಾಯಕತ್ವದಲ್ಲಿ ನಿರಾಸೆಯ ಕ್ಷಣಗಳು ಎನ್ನುವುದೇ ಇಲ್ಲ ಎಂದು ಸಂಸದ ಬಿ.ವೈ. ರಾಘವೇಂದ್ರ MP Raghavendra ಸಂಸದ ವ್ಯಕ್ತಪಡಿಸಿದ್ದಾರೆ.

ಚಂದ್ರಯಾನ-3 Chandrayana-3 ಯೋಜನೆ ಯಶಸ್ವಿಯಾದ ಹಿನ್ನೆಲೆಯಲ್ಲಿ ಪ್ರತಿಕ್ರಿಯೆ ನೀಡಿರುವ ಅವರು, ಚಂದ್ರನ ಅಂಗಳಕ್ಕೆ ಚಂದ್ರಯಾನ-3 ಕಾಲಿಟ್ಟಿದೆ. ಮೋದಿಯವರ ನಾಯಕತ್ವದಲ್ಲಿ ಏನಿದ್ದರೂ ಸದಾಶಯಗಳು ಹಾಗೂ ಸಂತಸದ ಕಂಪನಗಳು ಮಾತ್ರ ಎಂಬುದಕ್ಕೆ ಸಾಕ್ಷಿಯಾಗಿದೆ ಎಂದಿದ್ದಾರೆ.
ಮೋದಿ ಅವರ ಸ್ಫೂರ್ತಿ, ನಮ್ಮ ವಿಜ್ಞಾನಿಗಳ ಅಚಲ ಆತ್ಮವಿಶ್ವಾಸ, ನಮ್ಮ ತಂತ್ರಜ್ಞಾನದ ಶ್ರೆಷ್ಠತೆ, ಯಾವುದೇ ಪ್ರಭಾವಗಳಿಗೂ- ಕೊಂಕುಗಳಿಗೂ ಈಡಾಗದೆ ತನ್ನಪಾಡಿಗೆ ತಾನೊಬ್ಬ ತಪಸ್ವಿಯಂತೆ ಕೆಲಸ ಮಾಡುವ ಸಂಸ್ಥೆಯ ವೃತ್ತಿಪರತೆಯಿಂದಾಗಿ, ಶಿವನ್ ಅವರು ಪಟ್ಟಿದ್ದ ಶ್ರಮ- ಹಾಕಿಕೊಟ್ಟಿದ್ದ ಮೇಲ್ಪಂಕ್ತಿಯಿಂದಾಗಿ, ಈಗಿನ ಅಧ್ಯಕ್ಷ ಸೋಮನಾಥ್ ಅವರ ನಾಯಕತ್ವದಿಂದಾಗಿ, ಈಗ ನಾವು ಚಂದ್ರನ ಅಂಗಳದಲ್ಲಿ ಸುಸೂತ್ರವಾಗಿ ಕಾಲಿಡುವ ಮೂಲಕ ಚಂದ್ರಯಾನ-3 ಯಶಸ್ವಿಯಾಗಿದೆ ಎಂದು ತಿಳಿಸಿದ್ದಾರೆ.

Also read: ರೋವರ್ ಚಂದ್ರನ ಮೇಲೆ ಹೋದಲ್ಲೆಲ್ಲಾ ಮೂಡಿಸಲಿದೆ ಭಾರತದ ಶಾಶ್ವತ ಗುರುತು! ಅದು ಹೇಗೆ?

ರಾಷ್ಟ್ರಭಕ್ತಿ, ಸಾಹಸ, ಪ್ರಾಮಾಣಿಕತೆ ಮತ್ತು ಕಾಯಕ ಸಂಸ್ಕೃತಿ ವಿಷಯದಲ್ಲಿ ಇವತ್ತು ನೀವು ಇಡೀ ದೇಶಕ್ಕೆ ಆದರ್ಶ ಪ್ರಾಯರಾಗಿದ್ದೀರಿ. ಬಾಹ್ಯಾಕಾಶ ಕ್ಷೇತ್ರದಲ್ಲಿ ಹೊಸ ಕ್ರಾಂತಿಯನ್ನು ಮಾಡಿದ್ದೀರಿ. ಭಾರತದ ಕೀರ್ತಿ ಪತಾಕೆಯನ್ನು ಆಕಾಶದೆತ್ತರಕ್ಕೆ ಹಾರಿಸಿ, ಭಾರತದತ್ತ ಇಡೀ ಪ್ರಪಂಚ ಬೆರಗಿನಿಂದ ನೋಡುವಂತೆ ಮಾಡಿದ್ದೀರಿ. ಭಾರತವನ್ನು ಬಲಿಷ್ಠ ರಾಷ್ಟ್ರಗಳ ಸಾಲಿಗೆ ಸೇರಿಸುವ ಜೊತೆಯಲ್ಲಿ ಛಲ ಬಿಡದ ತ್ರಿವಿಕ್ರಮರಂತೆ ಯಶಸ್ಸಿನ ಗುರಿಯನ್ನು ಸಾಧಿಸಿರುವ ಎಲ್ಲ ವಿಜ್ಞಾನಿಗಳಿಗೂ ಅಭಿನಂದನೆ ಸಲ್ಲಿಸಿದ್ದಾರೆ.
ಸುಮಾರು 4 ವರ್ಷಗಳ ಹಿಂದೆ ಇನ್ನೆನು ಚಂದ್ರನ ಅಂಗಳವನ್ನು ಸ್ಪರ್ಶಿಸಬೇಕು ಎನ್ನುವಾಗ ಚಂದ್ರಯಾನ-2ರ Chandrayana-2 ವಿಕ್ರಮ್ ಲ್ಯಾಂಡರ್ VikramLander ನಮ್ಮ ಸಂಪರ್ಕ ಕಡಿದುಕೊಂಡು ಪತನವಾಗಿ ಬಿಟ್ಟಿತ್ತು. ಆಗ ಎದೆಯೇ ಒಡೆದು ಹೋದವರಂತೆ ಬಿಕ್ಕಿಬಿಕ್ಕಿ ಅಳುತ್ತಾ ತಮ್ಮತ್ತ ಭಾರವಾದ ಹೆಜ್ಜೆಗಳನ್ನು ಇಡುತ್ತ ಬಂದ ಇಸ್ರೋ ಅಧ್ಯಕ್ಷ ಕೆ. ಶಿವನ್ ಅವರನ್ನು ಪ್ರಧಾನಿ ಅವರು ತಮ್ಮ ಎದೆಗೆ ಅವುಚಿಕೊಂಡು, ಬೆನ್ನು ತಟ್ಟಿ ಸಮಾಧಾನ ಮಾಡಿದ್ದರು. ಇದನ್ನು ನೋಡಿ ಇಡೀ ದೇಶದ ದುಃಖದ ಕಟ್ಟೆ ಒಡೆದಿತ್ತು. ಇಸ್ರೋ ISRO ಕೇಂದ್ರದಲ್ಲಿ ವಿಷಾದ, ನಿರಾಶೆ ಛಾಯೆ ಆವರಿಸಿತ್ತು. ಪ್ರಧಾನಿ ಅವರು ಶಿವನ್ ಅವರ ಬೆನ್ನು ತಟ್ಟುತ್ತಾ, ಸವರುತ್ತಾ ಸಾಂತ್ವನ ಹೇಳಿದ್ದ ರೀತಿ ಇಡೀ ದೇಶವನ್ನು ಭಾವುಕಗೊಳಿಸಿತ್ತು ಎಂದಿದ್ದಾರೆ.

ಎಲ್ಲದರಿಂದ ಪ್ರಧಾನಿ ಅವರು ಮಾತ್ರ ಕೊಂಚವೂ ವಿಚಲಿತರಾಗದೇ ನಸುನಗುತ್ತಾ ವಿಜ್ಞಾನಿಗಳನ್ನು ಉದ್ದೇಶಿಸಿ, ಜೀವನದಲ್ಲಿ ಏರಿಳಿತ ಸಹಜ. ನೀವು ಮಾಡಿರುವುದು ಕಡಿಮೆ ಸಾಧನೆಯಲ್ಲ. ನಿಮ್ಮ ಬಗ್ಗೆ ಇಡೀ ದೇಶಕ್ಕೆ ಹೆಮ್ಮೆಯಿದೆ. ನಮ್ಮ ಮಹಾಯಾತ್ರೆ ಮುಂದುವರಿಯಲಿದೆ. ಈ ವೈಫಲ್ಯವನ್ನೇ ಸವಾಲಾಗಿ ಸ್ವಿಕರಿಸೋಣ. ಮತ್ತೆ ನಾವು ಸಂತಸವನ್ನು ಹಂಚಿಕೊಳ್ಳುವ ಸಮಯ ಖಂಡಿತಾ ಬರಲಿದೆ. ಮೈ ಪೂರಿ ತರಹ್ ಆಪ್ ಕೆ ಸಾಥ್ ಹುಂ.. ಹ ಹಿಮ್ಮತ್ ಕೆ ಸಾಥ್ ಚಲೇ ಎಂದು ಹುರಿದುಂಬಿಸಿದರು ಎಂದು ಸ್ಮರಿಸಿದ್ದಾರೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news