ಸೆ.17, 18ರಂದು ವರ್ಷ ವೈಭವ – 2022 ನೃತ್ಯ ಮಹೋತ್ಸವ

ಕಲ್ಪ ಮೀಡಿಯಾ ಹೌಸ್   |  ಶಿವಮೊಗ್ಗ  |

ರಾಜೇಂದ್ರನಗರದ ಪವಿತ್ರಾಂಗಣದಲ್ಲಿ ‘ಶ್ರೀವಿಜಯ ಕಲಾನಿಕೇತನ’ದ ವತಿಯಿಂದ ಸೆ.17, 18ರ ಸಂಜೆ 6 ಗಂಟೆಗೆ 18ನೇ ‘ವರ್ಷ ವೈಭವ -2022” ನೃತ್ಯ ಮಹೋತ್ಸವ ನಡೆಯಲಿದೆ.

ಸೆ.17ರ ಶನಿವಾರದಂದು ‘ಶ್ರೀವಿಜಯದ’ ವಿಧ್ಯಾರ್ಥಿಗಳಿಂದ “ಮಾರ್ಗಂ”ಎಂಬ ಸಂಪ್ರದಾಯಿಕ ಶೈಲಿಯನ್ನಾಧರಿಸಿದ ಭರತನಾಟ್ಯ ನೃತ್ಯ ಪ್ರದರ್ಶಿಸಲಿದ್ದು, ಖ್ಯಾತ ಲೆಕ್ಕ ಪರಿಶೋಧಕ ಎಮ್.ಜಿ. ರಾಮಚಂದ್ರಮೂರ್ತಿ, ಕನ್ನಡ ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕ  ಉಮೇಶ್, ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ. ಶ್ರೀವಿಜಯದ ಅಧ್ಯಕ್ಷ ಮನೋವೈದ್ಯ ಡಾ.  ಕೆ.ಆರ್. ಶ್ರೀಧರ್‌  ಕಾರ್ಯಕ್ರಮದಅಧ್ಯಕ್ಷತೆ ವಹಿಸಲಿದ್ದಾರೆ. ಕಾರ್ಯಕ್ರಮಕ್ಕೆ ಕರ್ನಾಟಕ ಸರ್ಕಾರ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಇವರ ಸಹಕಾರ ನೀಡಲಿದೆ.
ಸೆ.18ರಂದು ಭಾರತೀಯ ಸಾಂಸ್ಕೃತಿಕ ನಿರ್ದೇಶನಾಲಯ, ನವದೆಹಲಿ ಅವರ ಸಹಯೋಗದೊಂದಿಗೆ ನಡೆಯುವ ಕಾರ್ಯಕ್ರಮದಲ್ಲಿ ಸಂಜೆ 6 ಗಂಟೆಗೆ ಡಾ. ಕೆ.ಎಸ್.ಪವಿತ್ರಾ ಅವರು ಡಾ. ಪು.ತಿ.ನ ಅವರ ‘ವರ್ಷ – ಹರ್ಷ’ ಮತ್ತು ‘ಕವಿ’ ಎಂಬ ಎರಡು ಗೀತನಾಟಕಗಳನ್ನು ಪ್ರಸ್ತುತ ಪಡಿಸಲಿದ್ದಾರೆ. ಅಂದಿನ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಖ್ಯಾತ ಲೇಖಕ ಡಾ. ಗಜಾನನಶರ್ಮ ಅವರು ವಹಿಸಲಿದ್ದಾರೆ.

ಕರ್ನಾಟಕ ಸಂಘದ ಪೂರ್ವಾಧ್ಯಕ್ಷರೂ ಹಾಗೂ ಸಾಹಿತಿ ವಿಜಯಾ ಶ್ರೀಧರ್ ಅವರು ಅಧ್ಯಕ್ಷತೆ ವಹಿಸಲಿದ್ದಾರೆ. ಈ ಎರಡೂ ಕಾರ್ಯಕ್ರಮಗಳು ನೇರ ಹಿಮ್ಮೇಳ ಸಂಗೀತವನ್ನು ಒಳಗೊಂಡಿರುತ್ತದೆ. ನೃತ್ಯಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಶ್ರೀವಿಜಯ ಕೋರುತ್ತದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news