ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |
ನಗರದ ಪ್ರತಿಷ್ಠಿತ ಪಿಇಎಸ್/ಐಎಂಎಸ್ ಕಾಲೇಜಿನಲ್ಲಿ ಕಲರವ ಸಾಂಸ್ಕೃತಿಕ ವೇದಿಕೆಯಿಂದ ಆಯೋಜಿಸಲಾಗಿದ್ದ ಹಳ್ಳಿಹಬ್ಬ #Hallihabba ಅತ್ಯಂತ ಯಶಸ್ವಿಯಾಗಿ ನಡೆಯಿತು.
ಇಂದಿನ ಆಧುನಿಕತೆ ಹಾಗೂ ನಗರೀಕರಣದ ಧಾವಂತದಲ್ಲಿ ಮರೆಯಾಗುತ್ತಿರುವ ಹಳ್ಳಿಯ ಹಬ್ಬಗಳ ಸ್ವರೂಪ, ವೈಶಿಷ್ಟ್ಯತೆ, ಆಚರಣೆಯ ಉದ್ದೇಶಗಳನ್ನು ವಿದ್ಯಾರ್ಥಿಗಳಿಗೆ ತಿಳಿಸುವುದು ಹಾಗೂ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ #International Women’s Day ಅಂಗವಾಗಿ ಭೂಮಿ ಹಾಗೂ ಶಕ್ತಿಯ ಆರಾಧನೆಯ ಮಹತ್ವವನ್ನು ತಿಳಿಸುವ ನಿಟ್ಟಿನಲ್ಲಿ ಹಳ್ಳಿಹಬ್ಬವನ್ನು ಆಯೋಜಿಸಲಾಗಿತ್ತು.
ಯಾವೆಲ್ಲಾ ಹಬ್ಬಗಳನ್ನು ಆಚರಿಸಲಾಯಿತು?
ಹೊಸ ವರ್ಷದ ಸಂಭ್ರಮವನ್ನು ಬಿಂಬಿಸುವ ಯುಗಾದಿ, ಭೂಮಿ ತಾಯಿಗೆ ಪೂಜೆಸಲ್ಲಿಸುವ ಭೂಮಿ ಹುಣ್ಣಿಮೆ, ಸುಗ್ಗಿಯ ಸಂಭ್ರಮವನ್ನು ಬೀರುವ ಮಕರ ಸಂಕ್ರಾಂತಿ, ನಾಡಿಗೆ ದೊಡ್ಡದು ಎನಿಸಿಕೊಂಡಿರುವ ನಾಗರಪಂಚಮಿ, ದೀಪಗಳ ಹಬ್ಬವಾದ ಕಾರ್ತಿಕ ಪೂಜೆ ಮತ್ತು ದೀಪಾವಳಿ, ವಿದ್ಯೆಯ ಅಧಿದೇವತೆಯಾದ ಸರಸ್ವತಿ ಪೂಜೆ, ಇವುಗಳ ಜೊತೆಗೆ ಗೌರಿಹುಣ್ಣಿಮೆ, ಬನದ ಹುಣ್ಣಿಮೆ, ತುಳಸಿಪೂಜೆ, ಅಂಟಿಗೆ ಪಿಂಟಿಗೆ, ಆಯುಧ ಪೂಜೆ, ದುರ್ಗಾಷ್ಠಮಿ ಮೊದಲಾದ ಹಬ್ಬಗಳನ್ನು 14 ತರಗತಿಗಳಲ್ಲಿ ಆಯೋಜಿಸಲಾಗಿತ್ತು.
ವಿದ್ಯಾರ್ಥಿಗಳು ಒಂದೊಂದು ಹಬ್ಬದ ವಿಶೇಷತೆಗಳಿಗೆ ಅನುಗುಣವಾಗಿ ತಮ್ಮ ತರಗತಿಗಳನ್ನು ವಿಶೇಷವಾಗಿ ಅಲಂಕರಿಸಿ ರಂಗೋಲಿ, ತಳಿರುತೋರಣಗಳ ಮೂಲಕ ಸಜ್ಜುಗೊಳಿಸಲಾಗಿತ್ತು.
ಹಳ್ಳಿಯ ಉಡುಗೆ ತೊಡುಗೆಗಳ ಮೂಲಕ ಹಬ್ಬಗಳನ್ನು ಆಚರಿಸಿದ್ದು, ಗಮನ ಸೆಳೆಯಿತು. ಯಾವುದೇ ಜಾತಿ-ಮತ-ಧರ್ಮಗಳ ಭೇದಗಳಿಲ್ಲದೆ ಎಲ್ಲರೂ ಒಗ್ಗೂಡಿ ಈ ಸಡಗರದಲ್ಲಿ ಪಾಲ್ಗೊಳ್ಳುವ ಮೂಲಕ ಸೌಹಾರ್ದತೆ ಹಾಗೂ ಭಾವೈಕ್ಯತೆಯನ್ನು ಸಾರಿದರು.
ಈ ಹಳ್ಳಿಹಬ್ಬವನ್ನು ಪಿಇಎಸ್ ಟ್ರಸ್ಟ್ನ ಕುಲಸಚಿವರಾದ ಡಾ.ಆರ್. ನಾಗರಾಜ ಅವರು ಉದ್ಘಾಟಿಸಿದರು. ಸ್ಪರ್ಧೆಯ ತೀರ್ಪುಗಾರರಾಗಿ ಪಿಇಎಸ್ ಪಿಯುಸಿಯ ಉಪನ್ಯಾಸಕರಾದ ಕು. ಶಾಂಭವಿ ಮತ್ತು ಪಿಇಎಸ್ ಪಬ್ಲಿಕ್ ಸ್ಕೂಲ್ನ ಚಿತ್ರಕಲೆ ಶಿಕ್ಷಕರಾದ ಎಸ್. ವಿಜೇತ್ ಅವರು ಆಗಮಿಸಿದ್ದರು.
ಈ ಸಂದರ್ಭದಲ್ಲಿ ಪಿಇಎಸ್ಐಎಎಂಎಸ್ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಜಿ.ಎಂ. ಸುದರ್ಶನ್, ಸ್ನಾತಕೋತ್ತರ ವಾಣಿಜ್ಯಶಾಸ್ತ್ರ ವಿಭಾಗದ ಸಂಚಾಲಕರಾದ ಡಾ. ಡಿ.ಎಸ್. ದಿಲೀಪ್ ಕುಮಾರ್, ನಿರ್ವಹಣಾಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಿ. ಮೋಹನ್, ಕಂಪ್ಯೂಟರ್ಸೈನ್ಸ್ ವಿಭಾಗದ ಮುಖ್ಯಸ್ಥರಾದ ಡಿ.ಎಸ್. ರೂಪ, ವಾಣಿಜ್ಯಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಾ. ಎಚ್.ಆರ್. ಮಂಜುನಾಥ, ವಿಜ್ಞಾನ ವಿಭಾಗದ ಮುಖ್ಯಸ್ಥರಾದ ಡಾ. ಯಶಸ್ವಿತ ಚವ್ಹಾನ್, ಕಲರವ ವೇದಿಕೆಯ ಸಂಚಾಲಕರಾದ ಡಾ.ಎನ್. ಪ್ರವೀಣ್ಚಂದ್ರ ಬೋಧಕ-ಬೋಧಕೇತರ ಸಿಬ್ಬಂದಿ ವರ್ಗದವರು, ಹಳೆಯ ವಿದ್ಯಾರ್ಥಿಗಳು ಹಾಗೂ ವಿವಿಧ ಕೋರ್ಸ್ಗಳ ವಿದ್ಯಾರ್ಥಿಗಳು ಹಳ್ಳಿಹಬ್ಬವನ್ನು ಸಂಭ್ರಮಿಸಿದರು.
ಬಿಕಾಂ, ಬಿಸಿಎ, ಬಿಎಸ್ಸಿ, ಬಿಬಿಎ, ಬಿಬಿಎ ಟಿಟಿ, ಬಿಬಿಎ ಎಚ್ಇಎಂ, ಎಂಕಾಂ ಕೋರ್ಸ್ಗಳ ವಿದ್ಯಾರ್ಥಿಗಳು ಈ ಹಳ್ಳಿಹಬ್ಬದಲ್ಲಿ ಭಾಗವಹಿಸಿದ್ದರು.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
