ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ
ಬೈಂದೂರು: ಸಭ್ಯ, ಜನಪರ, ಸ್ನೇಹಪರ ಹಾಗೂ ಅಭಿವೃದ್ಧಿಯ ಹರಿಕಾರ ಎಂದೇ ಕರಾವಳಿ ಭಾಗದಲ್ಲಿ ಹೆಸರುವಾಸಿಯಾಗಿರುವ ಬೈಂದೂರು ಶಾಸಕ ಸುಕುಮಾರ ಶೆಟ್ಟಿ ಅವರ ವ್ಯಕ್ತಿತ್ವವನ್ನು ವ್ಯವಸ್ಥಿತವಾಗಿ ತೇಜೋವಧೆ ಮಾಡುವ ಕೃತ್ಯಕ್ಕೆ ಕೆಲವು ಕಿಡಿಗೇಡಿಗಳು ಕೈ ಹಾಕಿದ್ದು, ಶಾಸಕರ ಪರವಾಗಿ ಕ್ಷೇತ್ರದ ಜನ ಸ್ವಯಂ ಪ್ರೇರಿತರಾಗಿ ನಿಂತಿದ್ದಾರೆ.
ಇಷ್ಟಕ್ಕೂ ನಡೆದ ಕೃತ್ಯವೇನು?
ಕೊರೋನಾ ವೈರಸ್ ಲಾಕ್’ಡೌನ್’ನಿಂದ ಸಂಕಷ್ಟದಲ್ಲಿರುವ ನಾಗರಿಕರಿಗೆ ಶಾಸಕರು ತಮ್ಮ ಸ್ವಂತ ಹಣವನ್ನೂ ಸಹ ವ್ಯಯ ಮಾಡಿ ಸಹಾಯ ಮಾಡುತ್ತಿದ್ದಾರೆ. ಈ ವೇಳೆ ನೇತ್ರಾವತಿ ಎಂಬ ಮಹಿಳೆ ಶಾಸಕರು ಕಿಟ್ ಕೊಡಲಿಲ್ಲ ಎಂಬ ಆರೋಪ ಮಾಡಿದ್ದ ಹಿನ್ನೆಲೆಯಲ್ಲಿ ಆಕೆಗೆ ಕರೆ ಮಾಡಿದ್ದ ಶಾಸಕರು ಆಕೆಯ ಕಷ್ಟವನ್ನು ಕೇಳಿದ್ದಾರೆ. ಆದರೆ, ಓರ್ವ ಶಾಸಕರು ತಾವಾಗಿಯೇ ಕರೆ ಮಾಡಿ ಕಷ್ಟ ಕೇಳುತ್ತಿರುವ ವೇಳೆ ಮಹಿಳೆ ದರ್ಪದಿಂದ ಮಾತನಾಡಿದ್ದಾರೆ ಎಂದು ಆರೋಪಿಸಲಾಗಿದೆ. ಆದರೆ, ಆ ಮಹಿಳೆ ಅದರ ಆಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿ, ಶಾಸಕರ ವ್ಯಕ್ತಿತ್ವ ತೇಜೋವಧೆ ಮಾಡುವ ಕಾರ್ಯ ಮಾಡುತ್ತಿದ್ದಾರೆ.
ಶಾಸಕರ ಬೆಂಬಲಕ್ಕೆ ಸ್ಥಳೀಯರು
ಇನ್ನು, ಕ್ಷೇತ್ರದಲ್ಲಿ ಜನಪರ, ಸಭ್ಯ ಶಾಸಕ ಎಂದೇ ಹೆಸರುವಾಸಿಯಾಗಿರುವ ಶಾಸಕರ ವಿರುದ್ಧ ಆರೋಪ ಮಾಡಿರುವ ಹಿನ್ನೆಲೆಯಲ್ಲಿ ಹಲವು ಸ್ಥಳೀಯರು ಸ್ವಯಂಪ್ರೇರಿತರಾಗಿ ಶಾಸಕರ ಬೆಂಬಲಕ್ಕೆ ನಿಂತಿದ್ದು, ಶಾಸಕರ ವ್ಯಕ್ತಿತ್ವದ ಕುರಿತು ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾಗೆ ಸಂದೇಶ ಕಳುಹಿಸಿದ್ದಾರೆ. ಇವುಗಳನ್ನು ಪ್ರತಿದಿನ ಪ್ರಕಟಿಸಲಾಗುತ್ತದೆ.
ನಾನೊಬ್ಬ ಶಾಸಕರನ್ನು ಹತ್ತಿರದಿಂದ ಬಲ್ಲವನಾಗಿ ಅವರ ಪಕ್ಕ ಅಭಿಮಾನಿಯಾಗಿ ಅವರೇನೆಂದು ನಾನು ಬಲ್ಲೆ ಕರೊನವನ್ನು ಹಿಮ್ಮೆಟ್ಟಿಸುವಲ್ಲಿ ಅವರು ಪಟ್ಟ ಶ್ರಮವನ್ನು ನಾನು ಬಲ್ಲೆ.
ಸರಕಾರದ ಅನುದಾನವನ್ನು ಅವರು ಕಾಯದೆ ತನ್ನ ಸ್ವಂತ ಹಣದಲ್ಲಿ ಮಾಡಿದ ಸಹಾಯ ಲೆಕ್ಕವಿಲ್ಲ. ಒಬ್ಬ ಏನು ತಿಳಿಯದ ಅಮಾಯಕ ಹೆಂಗಸನ್ನು ಉಪಯೋಗಿಸಿಕೊಂಡು ರಾಜಕೀಯ ಕೆಸರೆರಚಾಟಕ್ಕೆ ಇಳಿದಿದ್ದಾರೆ. ಒಬ್ಬ ಶಾಸಕರು ಅವರಿಗೇ ಇರುವ ಒತ್ತಡದ ನಡುವೆಯೂ ಅವರೇ ಸ್ವತಃ ಕಾಲ್ ಮಾಡಿ ನಿನಗೆ ಏನು ಸಮಸ್ಸೇ ಏನು ಅಂತ ಕೇಳಿ ಅವರು ಆಶ್ವಾಸನೆ ಕೊಡದೆ ತಮ್ಮ ಆಪ್ತ ವಲಯದವರಿಗೆ ಹೇಳಿ ಕ್ಷಣದಲ್ಲಿ ನಿವಾರಿಸಿದ ಘಟನೆ. ಅವರೇ ಹೇಳಿದಂತೆ ಅವರ ವ್ಯಾಪ್ತಿಯಲ್ಲಿ 60,000 ಮನೆಗಳಿವೆ ಅಷ್ಟು ಮನೆಗಳಿಗೆ ಹೋಗಲು ಸಾಧ್ಯವೇ.
ಇಂತಹ ಕಠಿಣ ಸಮಯದಲ್ಲಿ ನಮ್ಮ ಸಮಸ್ಯೆ ಕೇಳಲು ಶಾಸಕರು ನಮ್ಮ ಹತ್ತಿರ ಬಂದಿದ್ಧಾರೋ ಇಲ್ಲವೋ ಮುಖ್ಯ ಅಲ್ಲ. ಇಂತಾ ಸಮಯದಲ್ಲಿ ನಮ್ಮ ಸಮಸ್ಯೆ ಪರಿಹಾರ ಆಗಿದೆ ಅದು ಮುಖ್ಯ.
ನೇತ್ರಾವತಿ ಅಮ್ಮ ಈ ವಿಚಾರದಲ್ಲಿ ನಿಮ್ಮ ನಡವಳಿಕೆ ತಪ್ಪು. ಒಬ್ಬ ಗೌರವಾನ್ವಿತ ಮತ್ತು ಶುದ್ಧಹಸ್ತ ಶಾಸಕರ ಬಗ್ಗೆ ಈ ರೀತಿ ಮಾತಾಡಿದ್ದು ತಪ್ಪು. ದುಷ್ಟರ ರಾಜಕೀಯಕ್ಕೆ ನೀವು ಸಿಲುಕಬೇಡಿ.
ಇಂತಹ ಸಮಯದಲ್ಲಿ ರಾಜಕೀಯ ಬೇಡ. ಇಂತಹ ಸಮಯದಲ್ಲಿ ನಾನು ಶಾಸಕರ ಜೊತೆ ನಿಲ್ಲುತ್ತೇನೆ.
-ಸರ್ಜಿತ್ ಶೆಟ್ಟಿ
Get in Touch With Us info@kalpa.news Whatsapp: 9481252093
