ಪಿಒಕೆಯಲ್ಲಿ ಅಡಗಿರುವ ಭಯೋತ್ಪಾದಕರ ವಿರುದ್ಧ ಕಠಿಣ ಕ್ರಮ

Read - 3 minutes

ಕಲ್ಪ ಮೀಡಿಯಾ ಹೌಸ್ | ವಿಶೇಷ ಲೇಖನ |

ಪ್ರಧಾನಿ ನರೇಂದ್ರ ಮೋದಿ PM Narendra Modi ಅವರ ನಾಯಕತ್ವ ಮತ್ತು ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಅಮಿತ್ ಶಾ Amith Shah ಅವರ ಪ್ರಯತ್ನದ ಮೂಲಕ, ಪಾಕ್ ಆಕ್ರಮಿತ ಕಾಶ್ಮೀರ (ಪಿಒಕೆ) ದಲ್ಲಿ ಆಶ್ರಯ ಪಡೆದಿರುವ ಜಮ್ಮು ಮತ್ತು ಕಾಶ್ಮೀರದ (ಜೆ & ಕೆ) ಉಗ್ರಗಾಮಿಗಳಿಗೆ ಸೇರಿದ ಎಲ್ಲಾ ಆಸ್ತಿಗಳನ್ನು ವಶಪಡಿಸಿಕೊಳ್ಳಲು ಭಾರತ ಸರ್ಕಾರ ನಿರ್ಧರಿಸಿದೆ.

ಜಮ್ಮು ಮತ್ತು ಕಾಶ್ಮೀರದ Jammu and Kashmira ಸೂಕ್ಷ್ಮ ಪ್ರದೇಶಕ್ಕೆ ಸೇರಿದ ಹಲವಾರು ಉಗ್ರಗಾಮಿಗಳು, ವಿಸ್ತೃತ ಅವಧಿಯವರೆಗೆ ಪಿಒಕೆಯೊಳಗೆ ಆಶ್ರಯ ಪಡೆದಿದ್ದಾರೆ. ಮೋದಿ ಆಡಳಿತದ ಈ ನಿರ್ಧಾರವು ಆಸ್ತಿ ಮುಟ್ಟುಗೋಲು ಉಪಕ್ರಮದ ಪ್ರಾರಂಭವನ್ನು ಸೂಚಿಸುತ್ತದೆ.
ಈ ನಿಟ್ಟಿನಲ್ಲಿ, ಪಾಕಿಸ್ತಾನದಲ್ಲಿ Pakisthana ಆಶ್ರಯ ಪಡೆದಿರುವ ಎಲ್ಲಾ ಭಯೋತ್ಪಾದಕರ ವಿರುದ್ಧ ನಿರ್ಣಾಯಕ ಕ್ರಮವನ್ನು ತೆಗೆದುಕೊಳ್ಳುವ ತನ್ನ ಅಚಲ ಬದ್ಧತೆಯನ್ನು ಒತ್ತಿಹೇಳುವ ಘೋಷಣೆಯನ್ನು ಜಮ್ಮು ಕಾಶ್ಮೀರದ ಪೋಲೀಸ್ ಹೊರಡಿಸಿದೆ. ಬಂಧನದಿಂದ ತಪ್ಪಿಸಿಕೊಳ್ಳುವ ಪ್ರಯತ್ನದಲ್ಲಿ ಪಿಒಕೆಗೆ ಸ್ಥಳಾಂತರಗೊಂಡ ಜಮ್ಮು ಕಾಶ್ಮೀರ ಮೂಲದ ಸ್ಥಳೀಯ ಬಂಡುಕೋರರ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗುವುದು.

ಜೆ&ಕೆ ಪೋಲಿಸ್ ಭಯೋತ್ಪಾದಕರ ಸಮಗ್ರ ಪಟ್ಟಿಯನ್ನು ನಿಖರವಾಗಿ ಸಂಗ್ರಹಿಸಿದೆ, ಅವರು ಈ ಪ್ರದೇಶದ ವಿವಿಧ ವಲಯಗಳಲ್ಲಿ ಒಮ್ಮೆ ಸಕ್ರಿಯರಾಗಿದ್ದು, ಆದರೆ ನಂತರ ಪಿಒಕೆ ಒಳಗೆ ಆಶ್ರಯ ಪಡೆದರು. ಈ ಸಮಗ್ರ ಪಟ್ಟಿಯು 1990 ರಿಂದ ಪಿಒಕೆಯಲ್ಲಿ ನೆಲೆಸಿರುವ 4,20ಕ್ಕೂ ಹೆಚ್ಚು ಉಗ್ರಗಾಮಿಗಳನ್ನು ಒಳಗೊಂಡಿದೆ.
1990 ರಲ್ಲಿ, ಬಹುಸಂಖ್ಯೆಯ ಯುವಕರು ಗಡಿ ನಿಯಂತ್ರಣ ರೇಖೆಯನ್ನು ದಾಟಿ ಪಿಒಕೆಗೆ ನುಗ್ಗಿ ಅಲ್ಲಿಯೇ ವಾಸಿಸತೊಡಗಿದರು ಮತ್ತು ಅವರು ಈಗ ಮತ್ತೊಮ್ಮೆ ಜಮ್ಮು ಮತ್ತು ಕಾಶ್ಮೀರದೊಳಗೆ ಭಯೋತ್ಪಾದಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಸಿದ್ಧರಾಗಿದ್ದಾರೆ. ಅಂತಹ ದಂಗೆಕೋರರಿಗೆ ಸೇರಿದ ಆಸ್ತಿಗಳು ಪ್ರಸ್ತುತ ಮುಟ್ಟುಗೋಲು ಹಾಕಿಕೊಳ್ಳುತ್ತಿದ್ದೆವೆ ಮತ್ತು ಈ ಪ್ರಕ್ರಿಯೆಯು ಮುಂದುವರಿಯುತ್ತದೆ.

Also read: ಸ್ಕೌಟ್ಸ್ – ಗೈಡ್ಸ್ ಮಕ್ಕಳಲ್ಲಿ ಸೇವಾ ಮನೋಭಾವ ಗುಣಗಳನ್ನು ಕಲಿಸುತ್ತದೆ: ಪಿ.ಜಿ.ಆರ್. ಸಿಂಧ್ಯಾ

ಭಯೋತ್ಪಾದನೆ ಮುಕ್ತ ಭಾರತವನ್ನು ಸ್ಥಾಪಿಸಲು ನಿಶ್ಚಯಸಿರುವ ಶಾ ಅವರು ಗಡಿ ನಿಯಂತ್ರಣ ರೇಖೆಯ (ಐಔಅ) ಆಚೆಗಿನ ತಮ್ಮ ಸ್ಥಾನಗಳಿಂದ ಭಯೋತ್ಪಾದನೆಯಲ್ಲಿ ತೊಡಗುವ ಈ ಬಂಡುಕೋರರ ಮೇಲೆ ಜಾಗರೂಕ ಕಣ್ಗಾವಲು ಇರಿಸಲಾಗುವುದು.
ಈ ಭಯೋತ್ಪಾದಕರು ಭಾರತೀಯ ಭೂಪ್ರದೇಶವನ್ನು ಮರು ಪ್ರವೇಶಿಸುವ ಯಾವುದೇ ಪ್ರಯತ್ನಗಳನ್ನು ಮಾಡಿದರೆ ಮಾರಕ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ಮೋದಿ ಆಡಳಿತವು ನಿಸ್ಸಂದಿಗ್ಧವಾಗಿ ದೃಢಪಡಿಸಿದೆ. ಈ ಸಂಕಲ್ಪದ ಪರಿಣಾಮಗಳನ್ನು, ಕಣಿವೆಯ ಕುಲ್ಗಾಮ್-ಶೋಪಿಯಾನ್ ಜಿಲ್ಲೆಗಳಿಂದ ಜಮ್ಮು ವಿಭಾಗದ ರಾಜೌರಿ-ಪೂಂಚ್ ಜಿಲ್ಲೆಗಳ ಕಡೆಗೆ ಸಾಗುತ್ತಿದ್ದ 9 ರಿಂದ 12 ವಿದೇಶಿ ಭಯೋತ್ಪಾದಕರ ಗುಂಪು ಈಗಾಗಲೇ ಎದುರಿಸಿದೆ, ಅವರಲ್ಲಿ ಮೂವರು ಮೃತರಾಗಿದ್ದು, ಉಳಿದ ಆರೋಪಿಗಳ ಹುಡುಕಾಟ ಮುಂದುವರಿದಿದೆ.

ಶಾ ಅವರ ದೂರದೃಷ್ಟಿಯ ಅನುಸಾರ, ಪ್ರಸ್ತುತ ಮಾದಕವಸ್ತು ಕಳ್ಳಸಾಗಣೆಯನ್ನು ಎದುರಿಸಲು ವ್ಯಾಪಕ ಸಿದ್ಧತೆಗಳು ನಡೆಯುತ್ತಿವೆ. ಮಾದಕವಸ್ತುಗಳ ಸಾಗಣೆ ಮತ್ತು ನಂತರದ ಅಕ್ರಮ ಆದಾಯವು ಭಯೋತ್ಪಾದಕ ಕಾರ್ಯಗಳಿಗೆ ಇನ್ನಷ್ಟು ಇಂಬು ನೀಡುತ್ತದೆ ಎಂಬುದು ಶಾರವರ ದೃಢವಾದ ನಂಬಿಕೆ.
ಪರಿಣಾಮವಾಗಿ, ಭಯೋತ್ಪಾದನೆ ಮತ್ತು ಮಾದಕ ದ್ರವ್ಯಗಳ ವ್ಯಾಪಾರವನ್ನು ಏಕಕಾಲದಲ್ಲಿ ತಡೆಗಟ್ಟುವುದು ಅನಿವಾರ್ಯವಾಗಿದೆ. ಭಯೋತ್ಪಾದಕ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುವ ಮೂಲಕ ರಾಷ್ಟ್ರದ ಶಾಂತಿ ಮತ್ತು ಪ್ರಗತಿಗೆ ಅಡ್ಡಿಪಡಿಸುವ ಜಮ್ಮು ಮತ್ತು ಕಾಶ್ಮೀರದ ಸ್ಥಳೀಯ ನಿವಾಸಿಗಳ ಆಸ್ತಿಯನ್ನು ಜಪ್ತಿ ಮಾಡುವ ಕ್ರಮವು ನವ ಭಾರತದ ನಿರ್ಮಾಣದಲ್ಲಿ ಒಂದು ನವೀನ ದಾಪುಗಾಲು ಆಗಲಿದೆ.