ಹಾವೇರಿ: ಲಿಮ್ಕಾ ಬುಕ್ ಆಫ್ ರೆಕಾರ್ಡ್ ಮಾದರಿಯಲ್ಲೇ ನೋಂದಣಿಯಾಗಿರುವ ಕರ್ನಾಟಕ ಕರ್ನಾಟಕ ಅಚೀವರ್ಸ್ ಬುಕ್ ಆಫ್ ರೆಕಾರ್ಡ್ ISO 9001:2015ರ ಗೌರವಕ್ಕೆ ಹಾವೇರಿ ಜಿಲ್ಲೆ, ಹಾನಗಲ್ ತಾಲ್ಲೂಕಿನ ಮಾರನಬೀಡು ಗ್ರಾಮದಲ್ಲಿ ಮುದುಕಪ್ಪ ಬಸಪ್ಪ ಕರಿಯಪ್ಪನವರ್ ಆಯ್ಕೆಯಾಗಿದ್ದಾರೆ.
ಜನ ಮನ ಫೌಂಡೇಶನ್’ನ ಒಂದು ಭಾಗವಾಗಿರುವ ಈ ವೇದಿಕೆಯ ಅಧ್ಯಕ್ಷರಾದ ಡಾ.ಅಂಬಿಕಾ ಹಂಚಾಟೆಯವರು, ಹಾವೇರಿ ತಾಲೂಕು ಹಾವೇರಿ ಜಿಲ್ಲೆಯವರಾಗಿದ್ದು ತಾವೇ ಸ್ವತಃ 2014 ರಿಂದ 2018 ರವರೆಗೆ 8 ವಿವಿಧ ಕ್ಷೇತ್ರದಲ್ಲಿ ತಮ್ಮ ವಿಶೇಷ ಪ್ರತಿಭೆ ಮೂಲಕ 15 ಕ್ಕೂ ಅಧಿಕ ಬೇರೆ ಬೇರೆ ರಾಜ್ಯಗಳ ಬುಕ್ ಆಫ್ ರೆಕಾರ್ಡ್’ನಲ್ಲಿ ಹೊಸ ರೆಕಾರ್ಡ್ ಮಾಡಿದ್ದಾರೆ ಹಾಗೂ ಕೆಲವೊಂದನ್ನು ರೆಕಾರ್ಡ್ ಬ್ರೇಕ್ ಮಾಡಿದ್ದಾರೆ.
ಇತರ ಭಾಷೆಯ ತೊಂದರೆಯಿಂದಾಗಿ, ಶಿಕ್ಷಣದ ಕೊರೆತೆಯಿಂದಲೋ, ಬೇರೆ ರಾಜ್ಯಕ್ಕೆ ದೂರದ ಪ್ರಯಾಣ ಬೆಳೆಸಲು ಆಗದೆ ಆರ್ಥಿಕವಾಗಿ ಸಬಲರಾಗಿಲ್ಲದ ಅದೆಷ್ಟೋ ಪ್ರತಿಭೆಗಳು ತೆರೆಯಲ್ಲಿಯೇ ಕಮರಿ ಹೋಗುತ್ತವೆ. ಹಾಗಾಗುವುದು ಬೇಡ, ಕರ್ನಾಟಕ ರಾಜ್ಯದಲ್ಲಿರುವ ಯಾವುದೇ ಒಂದು ಕ್ಷೇತ್ರಕ್ಕೆ ಮೀಸಲಿರದೆ, ಯಾವುದೇ ವಯಸ್ಸಿನ ಮಿತಿಯಿಲ್ಲದ ವಿಶೇಷ ರೀತಿಯ ಸಾಧಕರನ್ನು ಗುರುತಿಸಿ ಅವರ ಹೆಸರು ಮತ್ತು ಸಾಧನೆಯನ್ನು ಜಗತ್ತಿನ ಗಿನ್ನಿಸ್ ದಾಖಲೆಯಂತೆ, ದೇಶದ ಲಿಮ್ಕಾ ದಾಖಲೆಯಂತೆ ರಾಜ್ಯದಲ್ಲಿ ಈ ಕರ್ನಾಟಕ ಅಚೀವರ್ಸ್ ಬುಕ್ ಆಫ್ ರೆಕಾರ್ಡ್ ಇದೆ.
2018ರ ಸೆಪ್ಟೆಂಬರ್’ನಲ್ಲಿ ಪ್ರಾರಂಭವಾದ ಕರ್ನಾಟಕ ಅಚೀವರ್ಸ್ ಬುಕ್ ಆಫ್ ರೆಕಾರ್ಡ್ಸ್’ನಲ್ಲಿ ಇಲ್ಲಿಯವರೆಗೆ 4 ಯುನಿಟ್ (ಬ್ಯಾಚ್) ಮುಗಿಸಿದೆ. ಶಿಕ್ಷಣ, ಕಿಡ್ಸ್ ವಿಭಾಗ, ಸೀನಿಯರ್ ಸಿಟಿಜನ್, ಕ್ರಿಯೇಟಿವಿಟಿ, ಜಾನಪದ, ಕಲೆ, ಸಂಗೀತ, ಅಚೀವ್’ಮೆಂಟ್ ವಿಭಾಗದಲ್ಲಿ ಸಾಧಕರು ಈಗಾಗಾಲೇ ರೆಕಾರ್ಡ್ ಮಾಡಿದ್ದು ಒಟ್ಟಾರೆಯಾಗಿ 19 ವಿಶೇಷ ಸಾಧಕರು ಬೆಳಕಿಗೆ ಬಂದಿದ್ದಾರೆ.
ಅಲ್ಲದೆ ಹಾವೇರಿ ಜಿಲ್ಲೆಯ ಅಗಡಿ ತಾಲೂಕಿನ ಅಕ್ಕಿಮಠದ ಶ್ರೀ ಗುರುಲಿಂಗ ಸ್ವಾಮಿಯವರು ಏಕಕಾಲಕ್ಕೆ ಒಂದೇ ನಿಮಿಷದಲ್ಲಿ 12 ಸಾವಿರ ಸಸಿಗಳನ್ನು 40 ಗ್ರಾಮದಲ್ಲಿ ತಲಾ ಒಂದು ಗ್ರಾಮಕ್ಕೆ 300 ಸ್ವಯಂ ಸೇವಕರನ್ನು ಆಯ್ಕೆ ಮಾಡಿ ಸಸಿ ನೆಡುವ ಕಾರ್ಯವನ್ನು ಮಾಡಿದ್ದಾರೆ. ಇದಕ್ಕೆ ಪರಿಸರ ಜಾತ್ರೆ ಎಂದು ಹೆಸರಿಟ್ಟು, ಆ ಸಸಿಗಳಿಗೆ ಬಸವ ದರ್ಶನ ಅಂತ ನಾಮಕಾರಣ ಮಾಡಿ, ಬೃಹತ್ ಕಾರ್ಯ ಮಾಡಿದ್ದಾರೆ.
ಇದನ್ನು ಗಮನಿಸಿದ ಸಂಸ್ಥೆ ಶ್ರೀಗಳನ್ನು ಕರ್ನಾಟಕ ಆಚೀವರ್ಸ್ ಬುಕ್ಸ್ ರೆಕಾರ್ಡ್’ನ ರಾಯಭಾರಿಗಳನ್ನಾಗಿ ಮಾಡಿದೆ. ಶ್ರೀಗಳು ಸಹ ಈ ಒಂದು ಬುಕ್ ಆಫ್ ರೆಕಾರ್ಡ್’ನಲ್ಲಿ ಸೇರ್ಪಡೆಯಾಗಿದ್ದಾರೆ.
ಮಾರನಬೀಡು ಗ್ರಾಮದಲ್ಲಿರುವ ಇಂದ್ರಯ್ಯ ಹಾಗೂ ದಿಂಗಾಲಯ್ಯ್ ಹಿರೇಮಠ್ ಅವರು 2011 ರಿಂದ ಸಂಗೀತ ಕಲೆಯಲ್ಲಿ ಕರ್ನಾಟಕ ಸಂಗೀತ ಹಾಗೂ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತದಲ್ಲಿ ಮತ್ತು ಚಲನಚಿತ್ರ ಸಂಗೀತದಲ್ಲಿ ಹೆಸರು ಮಾಡಿದ್ದಾರೆ.
ಇವರು ಯಾವುದೇ ಹಾಡಿಗೆ ಕೈ ಬೆರಳಿನ ಸಹಾಯವಿಲ್ಲದೆ ಹಣೆಯ ಸಹಾಯದಿಂದ ಕ್ಯಾಸಿಯೋ ನುಡಿಸುವಲ್ಲಿ ಪ್ರವೀಣರು. ಇವರನ್ನು 30/04/2019 ರಲ್ಲಿ ಲೈವ್ ಷೋ ತೆಗೆದುಕೊಳ್ಳುವದರ ಮೂಲಕ ಕರ್ನಾಟಕ ಅಚೀವರ್ಸ್ ಬುಕ್ಸ್ ಆಫ್ ರೆಕಾರ್ಡ್ ಇವರಿಗೆ ಐಎಸ್ಒ ಆಧಾರಿತ ಫ್ರೈಮ್ ಸರ್ಟಿಫಿಕೇಟ್ the wonder village boys ಎಂಬ ಟೈಟಲ್ ನೀಡಿ ಇವರ ಸಾಧನೆಯನ್ನು ದಾಖಲೆಗೆ ಸೇರಿಸಿದೆ.
ನಿಮ್ಮ ಪ್ರದೇಶದಲ್ಲಿ ಯಾರಾದರೂ ವಿವಿಧ ಕ್ಷೇತ್ರದಲ್ಲಿ ಇದುವರೆಗೂ ಮಾಡದೇ ಇರುವಂತಹ ಸಾಧಕರು ಇದ್ದರೆ ಈ ನಂಬರ್’ಗೆ ಕರೆ ಮಾಡಿ ಮಾಹಿತಿ ನೀಡಿ. ಪ್ರಕಾಶ್ ಮಂದಾರ-8880499904
Discussion about this post