ನವದೆಹಲಿ: ಭಾರತೀಯ ಸೇನೆಯ ಸಾಹಸ ಇಡಿಯ ವಿಶ್ವಕ್ಕೇ ತಿಳಿದಿದೆ. ಅಂತಹ ವೀರಾಗ್ರಣಿಗಳನ್ನು ನಮ್ಮ ಹೆಮ್ಮೆ ಭದ್ರತಾ ಪಡೆ ಹೊಂದಿದೆ. ಇಂತಹ ವೀರರ ಸಾಲಿನ ಮಹಾನ್ ಸೇನಾನಿ ಸೇನೆಯಿಂದ ‘ದಿ ಲಿವಿಂಗ್ ಲೆಜೆಂಡ್’ ಎಂದು ಪ್ರಶಂಸೆ ಪಡೆದಿರುವ ನಯೀಬ್ ಸುಬೇದಾರ್ ಬನಾ ಸಿಂಗ್.
ಅದು 1987ರ ಜೂನ್ 26, ಅಸಾಧ್ಯವಾಗಿದ್ದ ಸಾಧನೆಯೊಂದು ಸಾಧ್ಯವಾಗಿತ್ತು. ನಯೀಬ್ ಸುಬೇದಾರ್ ಬನಾ ಸಿಂಗ್ ಹಾಗೂ ಅವರ ತಂಡ ನೂರಾರು ಮೀಟರ್ ಎತ್ತರದ ಐಸ್ ಗೋಡೆಯನ್ನು ಏರಿ, ಪಾಕಿಸ್ಥಾನದ ವಶದಲ್ಲಿದ್ದ ‘ಕ್ವಾಯ್ಡ್’ ಪೋಸ್ಟನ್ನು ವಶಪಡಿಸಿಕೊಂಡಿತ್ತು. ಈ ಪೋಸ್ಟ್ ಇಂದು ಬನಾ ಪೋಸ್ಟ್ ಎಂದು ಹೆಸರಾಗಿದೆ. ಇಂತಹ ಸಾಧನೆ ಮಾಡಿದ ಈ ವೀರ ಯೋಧನ ಮುಡಿಗೆ ಪರಮ ವೀರ ಚಕ್ರ ಪ್ರಶಸ್ತಿಯ ಗರಿಯನ್ನು ಮುಡಿಸಲಾಗಿದೆ.
'असम्भव भी सम्भव'
26 जून 1987नायब सुबेदार बाना सिंह ने सियाचिन में अपनी टोली के साथ सैंकड़ों मीटर ऊंची खड़ी बर्फ की दीवार चढ़ कर पाकिस्तान के काएद चौकी पर कब्ज़ा किया। आज उसे बाना पोस्ट के नाम से जाना जाता है।
पुरस्कृत #परमवीर चक्रhttps://t.co/GsbNANcKi6 pic.twitter.com/esmhdpvDmO
— ADG PI – INDIAN ARMY (@adgpi) June 26, 2019
ಈ ಯೋಧನ ಕುರಿತಾಗಿನ ಪೋಸ್ಟ್’ವೊಂದನ್ನು ಭಾರತೀಯ ಸೇನೆ ತನ್ನ ಟ್ವಿಟರ್’ನಲ್ಲಿ ಶೇರ್ ಮಾಡಿದ್ದು, ಇವರ ಬಗ್ಗೆ ಹೆಮ್ಮೆಯ ಪದಗಳನ್ನು ವ್ಯಕ್ತಪಡಿಸಿದೆ.
1986ರಲ್ಲಿ ಜಮ್ಮು ಕಾಶ್ಮೀರದ ಅತಿ ಎತ್ತರದ ಪರ್ವತ ಪ್ರದೇಶದ ಸಿಯಾಚಿನ್’ನಲ್ಲಿ ಪಾಕಿಸ್ಥಾನ ಕ್ವಾಯ್ಡ್ ಪೋಸ್ಟನ್ನು ನಿರ್ಮಿಸಿ, ಭಾರತೀಯ ಸೇನೆಯ ಚಲನವಲನಗಳನ್ನು ಗಮನಿಸುವ ಕಾರ್ಯವನ್ನು ಆರಂಭಿಸಿತ್ತು. ಈ ಪೋಸ್ಟ್ ಸಂಪೂರ್ಣ ಹಿಮದಿಂದ ತುಂಬಿದ್ದು, ನೇರವಾಗಿ ಹಾಗೂ ಮರಗಳಿಂದ ಕೂಡಿರುವ ದುರ್ಗಮ ಪ್ರದೇಶವಾಗಿದೆ. ಈ ಪರ್ವತ ಸಮುದ್ರ ಮಟ್ಟದಿಂದ 21,000 ಅಡಿ ಎತ್ತರದಲ್ಲಿದ್ದು, ಎರಡೂ ಭಾಗದಲ್ಲಿ ಸುಮಾರು 1,500 ಅಡಿಯಷ್ಟು ಗಾತ್ರದ ಐಸ್ ಗೋಡೆಗಳಿವೆ.
ಜೂನ್ 26, 1987 ರಂದು, ಜಮ್ಮು ಮತ್ತು ಕಾಶ್ಮೀರ ಲೈಟ್ ಕಾಲಾಳುಪಡೆಯ 8 ನೆಯ ಬೆಟಾಲಿಯನ್’ನ ನಾಯಬ್ ಸುಬೇದಾರ್ ಬಾನಾ ಸಿಂಗ್ ನೇತೃತ್ವದ ಭಾರತೀಯ ಕಾರ್ಯಪಡೆ ಈ ಪೋಸ್ಟನ್ನು ವಶಪಡಿಸಿಕೊಂಡಿತು. ಆ ವೇಳೆ ಶತ್ರುಗಳ ಮೇಲೆ ಗ್ರೆನೇಡ್’ಗಳನ್ನು ಹಾರಿಸಿ, ವಾತಾವರಣವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿತು.
