ಭದ್ರಾವತಿಯಲ್ಲಿ ಗಲಾಟೆ-ಘರ್ಷಣೆ-ಇಬ್ಬರಿಗೆ ಗಾಯ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಭದ್ರಾವತಿ: ಎರಡು ಗುಂಪಿನ ನಡುವೆ ನಡೆದ ಗಲಾಟೆ ಪರಿಣಾಮ ಓರ್ವನ ತಲೆಗೆ ತೀವ್ರ ಹೊಡೆತ ಬಿದ್ದು ಆಸ್ಪತ್ರೆಗೆ ದಾಖಲಾದ ಘಟನೆ ಗುರುವಾರ ತಡರಾತ್ರಿ ನೆಹರೂ ನಗರದ ಡಂಗಾಣಿ ಸರ್ಕಲ್ ಬಳಿ ನಡೆದಿದೆ.

ವಿವರ
ಗಾಂಜಾ ವಿಷಯಕ್ಕೆ ಸಂಬಂಧಪಟ್ಟಂತೆ ಎರಡು ಗುಂಪಿನ ನಡುವೆ ನಡೆದ ಜಗಳದಲ್ಲಿ ಒಂದು ಗುಂಪಿನ ಮೋಹನ ಎಂಬುವವನ ತಲೆಗೆ ಹೊಡೆದ ಪರಿಣಾಮ ತೀವ್ರವಾಗಿ ಗಾಯವಾಗಿದ್ದು ಆತನನ್ನು ಶಿವಮೊಗ್ಗ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಘಟನೆ ಸಂಬಂಧ ಹಳೇನಗರ ಪೊಲೀಸರು ಉಭಯ ಗುಂಪಿನ ಮೇಲೆ ಎರಡು ಪ್ರತ್ಯೇಕ ಪ್ರಕರಣ ದಾಖಲಿಸಿದ್ದು, ಕೆಲವು ಆರೋಪಿಗಳು ತಲೆಮರೆಸಿಕೊಂಡಿದ್ದಾರೆ.

ಘಟನೆ ಸಂಬಂಧ ಹಳೇನಗರ ಪೊಲೀಸರು ಠಾಣೆಗೆ ಆರೋಪಿಗಳನ್ನು ಕರೆ ತಂದಾಗ ಅಲ್ಲಿ ಅವರ ಪೈಕಿ ಕಿರಣ ಎಂಬಾತ ಉಗುರಿನಿಂದ ತನ್ನ ಕುತ್ತಿಗೆಯನ್ನು ಕೊಯ್ದು ಗಾಯಮಾಡಿಕೊಂಡಿದ್ದು ಆತನನ್ನು ನಗರದ ಸಾರ್ವಜನಿಕ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

Get in Touch With Us info@kalpa.news Whatsapp: 9481252093