ಅಯ್ಯಪ್ಪನ ದರ್ಶನ ಪಡೆದ 9 ವರ್ಷದ ಹುಡುಗಿ ಆನಂತರ ಹೇಳಿದ್ದೇನು?

ತಿರುವನಂತಪುರಂ: ತೀವ್ರ ವಿವಾದದಿಂದ ತುಂಬಿ, ಅಶಾಂತಿಗೆ ಕಾರಣವಾಗಿರುವ ಶಬರಿಮಲೆಗೆ 9 ವರ್ಷದ ಬಾಲಕಿಯೊಬ್ಬಳು ಇಂದು ಭೇಟಿ ನೀಡಿ, ಅಯ್ಯಪ್ಪ ಸ್ವಾಮಿಯ ದರ್ಶನ ಪಡೆದು ಎಲ್ಲರ ಗಮನ ಸೆಳೆದಿದ್ದಾಳೆ.

ಸ್ವಾಮಿಯ ದರ್ಶನ ಪಡೆದು ನಂತರ ಮಾತನಾಡಿದ ತಮಿಳುನಾಡಿನ ಮಧುರೈ ಮೂಲಕ ಜನನಿ ಎಂಬ ಬಾಲಕಿ, ಸುಪ್ರೀಂ ಕೋರ್ಟ್ ಆದೇಶದ ಕುರಿತಾಗಿ ನನಗೇನೂ ತಿಳಿದಿಲ್ಲ. ಆದರೆ, ನನಗೆ 10 ವರ್ಷ ತುಂಬಿದ ನಂತರ ದೇವಾಲಯಕ್ಕೆ ಬರುವುದಿಲ್ಲ. ನನಗೆ 50 ವರ್ಷ ತುಂಬಿದ ನಂತರ ಮತ್ತೆ ಬರುತ್ತೇನೆ ಎಂದಿದ್ದಾಳೆ.

Kerala:Janani,9-yr-old girl from Madurai,at #SabarimalaTemple with placard reading ‘she’ll come to temple again after 50 yrs of age.Her father says,”We don’t know what SC ordered.Once my daughter completes 10 yrs of age,she’ll wait till 50 yrs of age&then she can come to Ayyappa” pic.twitter.com/EziWdfFVta

— ANI (@ANI) October 20, 2018

ಈ ಕುರಿತಂತೆ ಬಾಲಕಿಯ ತಂದೆ ಸತೀಶ್ ಕುಮಾರ್ ಮಾತನಾಡಿದ್ದು, ಈಗ ಮಗಳನ್ನು ಕರೆದುಕೊಂಡು ಬಂದಿದ್ದೇನೆ. ದೇವಾಲಯದ ನಿಯಮದಂತೆ 10 ತುಂಬಿದ ನಂತರ ಹಾಗೂ 50 ವರ್ಷ ತುಂಬುವವರೆಗೂ ಕರೆದುಕೊಂಡು ಬರಲು ನನಗೆ ಇಷ್ಟವಿಲ್ಲ ಎಂದಿದ್ದಾರೆ.

ನೂರಾರು ವರ್ಷಗಳಿಂದ ನಡೆದುಕೊಂಡು ಬಂದ ಸಂಪ್ರದಾಯದಂತೆ ಶಬರಿಮಲೆ ಸ್ವಾಮಿ ಅಯ್ಯಪ್ಪ ದೇವಾಲಯಕ್ಕೆ 10 ರಿಂದ 50 ವರ್ಷದೊಳಗಿನ ಮಹಿಳೆಯರ ಪ್ರವೇಶವನ್ನು ನಿಷೇಧಿಸಲಾಗಿದೆ. ಆದರೆ, ಎಲ್ಲ ವಯಸ್ಸಿನ ಮಹಿಳೆಯರೂ ಮುಕ್ತವಾಗಿ ದೇವಾಲಯ ಪ್ರವೇಶಿಸಬಹುದು ಎಂದು ಸುಪ್ರೀಂ ಕೋರ್ಟ್ ಹೇಳಿದೆ. ಇದರ ಬೆನ್ನಲ್ಲೇ, ಹಲವು ಮಹಿಳೆಯರು ದೇವಾಲಯ ಪ್ರವೇಶಕ್ಕೆ ಯತ್ನಿಸಿ, ಭಕ್ತರ ತೀವ್ರ ವಿರೋಧದ ಹಿನ್ನೆಲೆಯಲ್ಲಿ ವಾಪಾಸಾಗಿದ್ದಾರೆ.