ಬಿಗ್ ಶಾಕ್! ನಾಳೆಯಿಂದ ನಂದಿನಿ ಹಾಲು-ಮೊಸರಿನ ದರ ಏರಿಕೆ | ಎಷ್ಟು ಹೆಚ್ಚಳ?

ಕಲ್ಪ ಮೀಡಿಯಾ ಹೌಸ್   | ಶಿವಮೊಗ್ಗ |

ಆ.1ರಿಂದ ಅನ್ವಯವಾಗುವಂತೆ ನಂದಿನಿ ಹಾಲು Nandini Milk ಮತ್ತು ಮೊಸರಿನ ಮಾರಾಟದ ದರ ಪ್ರತಿ ಲೀಟರ್’ಗೆ ರೂ. 3ರಂತೆ ಹೆಚ್ಚಿಸಿದ್ದು, ಹಾಲು ಉತ್ಪಾದಕರ ಸಹಕಾರ ಸಂಘಗಳಿಂದ ಖರೀದಿಸುವ ಹಾಲಿನ ದರವನ್ನು ಕೂಡ ರೂ.ರಂತೆ ಪರಿಷ್ಕರಿಸಿದೆ ಎಂದು ಶಿಮುಲ್ ಒಕ್ಕೂಟದ ಅಧ್ಯಕ್ಷರಾದ ಎನ್.ಎಚ್. ಶ್ರೀಪಾದರಾವ್ ಹೇಳಿದ್ದಾರೆ.

ಸರ್ಕಾರದ ಆದೇಶದಂತೆ ರಾಜ್ಯದ14 ಒಕ್ಕೂಟಗಳಲ್ಲೂ ದರ ಪರಿಷ್ಕೃತವಾಗಿದ್ದು, ಹೆಚ್ಚಿಸಿದ ಮೂರು ರೂ.ಗಳು ರೈತರಿಗೆ ಸಿಗುತ್ತದೆ ಎಂದರು.
ಶಿಮುಲ್ Shimul ವ್ಯಾಪ್ತಿಯಲ್ಲಿ ಪ್ರತಿನಿತ್ಯ ರೈತರಿಂದ 6 ಲಕ್ಷ 70 ಸಾವಿರ ಲೀಟರ್ ಹಾಲು ಬರುತ್ತಿದ್ದು, ಅಷ್ಟೂ ಹಾಲು ಉತ್ಪಾದಕರಿಗೆ ಈ ಮೊತ್ತ ಪಾವತಿಯಾಗುತ್ತದೆ ಎಂದರು.

Also read: ನಾಲಿಗೆ ಮೇಲೆ ಹಿಡಿತವಿದ್ದರೆ ಬದುಕು ಸುಗಮ: ಅಧ್ಯಾಪಕ ಶ್ರೀಕಾಂತಾಚಾರ್ಯ ಅಭಿಮತ

ಶಿವಮೊಗ್ಗ, ದಾವಣಗೆರೆ ಮತ್ತು ಚಿತ್ರದುರ್ಗ ಮೂರೂ ಜಿಲ್ಲೆಗಳ ಸಹಕಾರ ಒಕ್ಕೂಟ ಶಿಮುಲ್ 1253 ಹಾಲು ಉತ್ಪಾದಕರ ಸಹಕಾರ ಸಂಘಗಳಿಂದ ಮತ್ತು 144 ಬಿಎಂಸಿಗಳಿಂದ ದಿನವಹಿ ಸರಾಸರಿ 6.30 ಲಕ್ಷ ಲೀಟರ್ ಹಾಲು ಶೇಖರಿಸುತ್ತಿದ್ದು,ಇದರಿಂದ 1.50 ಲಕ್ಷ ರೈತ ಕುಟುಂಬಗಳು ಹೈನುಗಾರಿಕೆಯಿಂದ ಜೀವನೋಪಾಯ ಕಲ್ಪಿಸಿಕೊಂಡಿವೆ ಎಂದರು.
ಪ್ರತಿದಿನ ಸರಾಸರಿ 3.30 ಲಕ್ಷ ಲೀಟರ್’ನಷ್ಟು ಉತ್ಕøಷ್ಟ ಗುಮಟ್ಟದ ಹಾಲು ಮೊಸರು ಹಾಲಿನ ಉತ್ಪನ್ನಗಳನ್ನು ಸ್ಪರ್ಧಾತ್ಮಕ ದರಗಳಲ್ಲಿ ಗ್ರಾಹಕರಿಗೆ ಮಾರಾಟ ಮಾಡಲಾಗುತ್ತಿದೆ. ದಿನವಹಿ 1.30 ಲಕ್ಷ ಕೆಜಿ ಹಾಲನ್ನು ಮಾರಾಟ ಮಾಡಿ ಉಳಿದ 1.70 ಲಕ್ಷ ಕೆಜಿ ಹಾಲನ್ನು ಪರಿವರ್ತನೆಗೆ ರವಾನಿಸಲಾಗುತ್ತಿದೆ. ಕ್ಷೀರಭಾಗ್ಯ ಯೋಜನೆಯಡಿ ಅಂಗನವಾಡಿ ಶಾಲಾ ಮಕ್ಕಳಿಗೆ ಕೆನೆಭರಿತ ಹಾಲಿನ ಪುಡಿಯನ್ನು ಸರ್ಕಾರ ನಿಗದಿಪಡಿಸಿದ ದರದಲ್ಲಿ ಪೂರೈಕೆ ಮಾಡಲಾಗುತ್ತಿದೆ ಎಂದರು.

ಪ್ರತಿ ಲೀಟರ್‍ಗೆ ಮೂರು ರೂನಂತೆ ಮಾರಾಟ ದರ ಹೆಚ್ಚಿಸಿದ್ದು, 500 ಮಿಲೀ.1 ಪ್ಯಾಕೆಟ್‍ಗೆ 1.50 ರೂ.ಹೆಚ್ಚಿಸಬೇಕಿದೆ. ಚಿಲ್ಲರೆ ಅಭಾವದ ಕಾರಣ ಗ್ರಾಹಕರು ಮಾರಾಟದಾರರಿಂದ ದೂರುಗಳು ಬರುವ ಸಂಭವದ ಹಿನ್ನೆಲೆಯಲ್ಲಿ 500 ಮಿಲೀ. ಪ್ರತಿ ಪ್ಯಾಕೆಟ್‍ಗೆ 10ಮಿಲೀ ಹೆಚ್ಚಾಗಿ ನೀಡಿ ಹೆಚ್ಚುವರಿ ನೀಡುತ್ತಿರುವ ಹಾಲಿನ ಪ್ಯಾಕೆಟ್ ಮೇಲೆ ಹೆಚ್ಚುವರಿ 10ಎಂಎಲ್ ಎಂದು ಮುದ್ರಿಸಿ ಪ್ರತಿ 500ಮಿಲೀ.ಪ್ಯಾಕೆಟ್‍ಗೆ 2ರೂನಂತೆ ಹೆಚ್ಚಿಸಲಾಗಿದೆ ಎಂದರು.
ಬೇರೆ ರಾಜ್ಯಗಳಿಗೆ ಹೋಲಿಸಿದರೆ ಕರ್ನಾಟಕದಲ್ಲಿ ಹಾಲಿನ ದರ ಕಡಿಮೆ ಇದೆ. ದರ ಹೆಚ್ಚಳದ ನಂತರ ಒಕ್ಕೂಟದಿಂದ ಸಂಘಗಳಿಗೆ ಹಾಲಿ ನೀಡುತ್ತಿರುವ ದರ 33.71 ರೂನಿಂದ 36.83ರೂಗೆ ಹೆಚ್ಚಳವಾಗಲಿದೆ. ಸಮಘದಿಂದ ಉತ್ಪಾದಕರಿಗೆ ಹಾಲಿ ನೀಡುತ್ತಿರುವ ದರ 31.85ರೂನಿಂದ 34.97ರೂ.ಗೆ ಹೆಚ್ಚಳವಾಗಲಿದೆ ಎಂದರು.

ದರ ಪರಿಷ್ಕರಣೆಯ ನಂತರ ಟೋನ್ಡ್ ಮಿಲ್ಕ್ ಲೀಟರ್’ಗೆ 39-42ರೂ.,. ಅರ್ಧ ಲೀಟರ್’ಗೆ 20-22ರೂ, ಶುಭಂ ಸ್ಟ್ಯಾಂಡರ್ಡ್ 45-48ರೂ., ಅರ್ಧ ಲೀಟರ್’ಗೆ 23-25 ರೂ. ಹೋಮೋಜೀನೈಜ್ಡ್ 1ಲೀ. 46-49, ಅರ್ಧ ಲೀಟರ್ 23-25, 200 ಮಿಲೀ. 11-12ರೂ. ಮೊಸರು ಅರ್ಧ ಲೀ. 24-26ರೂ., 200 ಮಿಲೀ 11-12, ಮಜ್ಜಿಗೆ 200 ಮಿಲೀ. 8-9ರೂ. ಸ್ವೀಟ್ ಲಸ್ಸೀ 200 ಮಿಲೀ 12ರಿಂದ 13 ರೂ. ಮಾರಾಟಗಾರರಿಗೂ ಕೂಡ ಕಮಿಷನ್ ಹೆಚ್ಚಳ ಆಗಲಿದೆ. ಹಾಲು ಉತ್ಪಾದಕರಿಗೆ ಮೂರು ತಿಂಗಳ ಪ್ರೋತ್ಸಾನ ಧನ ಬಾಕಿ ಇದೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಉಪಾಧ್ಯಕ್ಷ ಹೆಚ್.ಕೆ. ಬಸಪ್ಪ, ನಿರ್ದೇಶಕರಾದ ವೀರಭದ್ರ ಬಾಬು, ಡಿ. ಆನಂದ, ವಿದ್ಯಾಧರ, ಟಿ. ಶಿವಶಂಕರಪ್ಪ, ಹೆಚ್.ಬಿ. ದಿನೇಶ್, ತಾರಾನಾಥ್, ಬಿ.ಬಿ. ಬಸವರಾಜಪ್ಪ. ಕೆ.ಎನ್. ಸೋಮಶೇಖರಪ್ಪ, ಜಿ.ಪಿ. ಯಶವಂತರಾಜು, ಎನ್.ಹೆಚ್. ಭಾಗ್ಯ, ಎನ್.ಡಿ. ಹರೀಶ್, ಕೆ.ಪಿ. ರುದ್ರಗೌಡ, ಎಸ್.ಜಿ. ಶೇಖರ್ (ವ್ಯವಸ್ಥಾಪಕ ನಿರ್ದೇಶಕ) ಇದ್ದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news