ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ
ಇಂದು ಇಡೀ ವಿಶ್ವವನ್ನೇ ಕಾಡುತ್ತಿರುವ, ಸಾಂಕ್ರಾಮಿಕ ರೋಗವೆಂದು ಘೋಷಿಸಲ್ಪಟ್ಟ ಕೊರೋನಾ ವೈರಸ್ ಭೌಗೋಳಿಕವಾಗಿ ಘಾತೀಯ ವೇಗದಲ್ಲಿ ಹರಡುತ್ತಿದೆ. ಕೊರೋನಾ ವೈರಸ್’ನ ಮೊದಲ ಪ್ರಕರಣವನ್ನು ಚೀನಾದ ವುಹಾನ್’ನಲ್ಲಿ ಗುರುತಿಸಲಾಗಿದೆ. ಅಲ್ಲಿಂದ, ಈ ರೋಗವು ಯುನೈಟೆಡ್ ಸ್ಟೇಟ್ಸ್, ಇಟಲಿ, ಆಫ್ರಿಕಾ, ಜಪಾನ್, ಭಾರತ ಮುಂತಾದ ದೇಶಗಳಲ್ಲಿ ಹರಡಿದೆ.
ಪೋಷಕರಾಗಿ, ನಿಮ್ಮ ಮಗುವನ್ನು ಕೊರೊನಾ ವೈರಸ್’ನಿಂದ ರಕ್ಷಿಸಲು ಸಾಧ್ಯವಿರುವ ಎಲ್ಲವನ್ನೂ ಸುರಕ್ಷೆಯನ್ನು ಮಾಡಲು ನೀವು ಸಿದ್ಧರಿರುವುದಾದರೇ. ಇಲ್ಲಿ, ಅದೇ ರೀತಿ ಮಾಡಲು ನಾವು ನಿಮಗೆ ಪ್ರಮುಖ 5 ಸಲಹೆಗಳನ್ನು ನೀಡುತ್ತೇವೆ:
1. ಸದಾ ನಿಮ್ಮ ಕೈಗಳನ್ನು ನೈರ್ಮಲ್ಯದಿಂದ ಕಾಪಾಡುವುದನ್ನು ಕಲಿಸುವುದು ಮತ್ತು ಅಭ್ಯಾಸ ಮಾಡುವುದು. ಕೊರೋನಾ ವೈರಸ್ ಮತ್ತು ಅದು ಹೇಗೆ ಹರಡುತ್ತಿದೆ ಎಂಬುದರ ಬಗ್ಗೆ ನಮಗೆ ಇನ್ನೂ ತಿಳಿದಿಲ್ಲ. ಆದಾಗ್ಯೂ, ಪ್ರತಿಯೊಬ್ಬ ತಜ್ಞರು ಒಪ್ಪುವ ಒಂದು ವಿಷಯವೆಂದರೆ ಉತ್ತಮ ನೈರ್ಮಲ್ಯವನ್ನು ಕಾಪಾಡುವುದು ಮುಖ್ಯ. ನಿಮ್ಮ ಮಗು ನಿಮ್ಮನ್ನು ನೋಡುವ ಮೂಲಕ ಕಲಿಯುತ್ತದೆ. ಆದ್ದರಿಂದ, ನಿಮ್ಮ ಕೈಗಳನ್ನು ಸರಿಯಾದ ರೀತಿಯಲ್ಲಿ ತೊಳೆಯುವುದು, ನಿಮ್ಮ ಕಣ್ಣುಗಳು, ಮೂಗು ಮತ್ತು ಬಾಯಿಯನ್ನು ತೊಳೆಯದ ಕೈಗಳಿಂದ ಮುಟ್ಟಬಾರದು ಮತ್ತು ಸೀನುವಾಗ ನಿಮ್ಮ ಮೂಗು ಮತ್ತು ಬಾಯಿಯನ್ನು ಮುಚ್ಚಿಕೊಳ್ಳುವುದು ಮುಂತಾದ ಉತ್ತಮ ನೈರ್ಮಲ್ಯ ಅಭ್ಯಾಸವನ್ನು ನೀವು ಅನುಸರಿಸಬೇಕು. ಮನೆಗೆ ಬಂದ ನಂತರ, ಶೌಚಾಲಯ ಬಳಸಿ ಮತ್ತು ಆಹಾರವನ್ನು ಸೇವಿಸುವ ಮೊದಲು ನಿಮ್ಮ ಮಗು ಕೈ ತೊಳೆಯುವಂತೆ ಮಾಡಿ. ಅವರು ಸೋಪು ಮತ್ತು ನೀರಿನಿಂದ 20 ಸೆಕೆಂಡುಗಳ ಕಾಲ ಕೈ ತೊಳೆಯಬೇಕು.
ಗೋಚರಿಸುವ ಕೊಳಕು ಇದ್ದರೆ ಸ್ಯಾನಿಟೈಜರ್ ಬಳಸುವುದಕ್ಕಿಂತ ಸೋಪು ಮತ್ತು ನೀರಿನಿಂದ ಕೈ ತೊಳೆಯುವುದು ಉತ್ತಮ. ಅಲ್ಲದೆ, ನೈರ್ಮಲ್ಯಕಾರಕ ಅಂಶ ಒಣಗಿದರೆ ಮಾತ್ರ ಸ್ಯಾನಿಟೈಜರ್ ಕೆಲಸ ಮಾಡುತ್ತದೆ. ಇವೆಲ್ಲವೂ ನಿಮ್ಮ ಮಗುವಿಗೆ ಸಾಕಷ್ಟು ತಾಳ್ಮೆ ಕಲಿಸುತ್ತದೆ. ಆದ್ದರಿಂದ, ನೀವೂ ಮತ್ತು ನಿಮ್ಮ ಮಕ್ಕಳು ಆಹಾರವನ್ನು ಆಹಾರವನ್ನು ಸೇವಿಸುವ ಮೊದಲು ಹ್ಯಾಂಡ್ ಸ್ಯಾನಿಟೈಜರ್ ಅನ್ನು ಅವಲಂಭಿಸದಿರುವುದು ಬಹಳ ಮುಖ್ಯ. ಆದಾಗ್ಯೂ, ತುರ್ತು ಸಂದರ್ಭಗಳಲ್ಲಿ, ಹ್ಯಾಂಡ್ ಸ್ಯಾನಿಟೈಜರ್’ಗಳನ್ನು ಬಳಸಬಹುದು.
2. ಕೈ ಕುಲುಕದಂತೆ ನಿಮ್ಮ ಮಕ್ಕಳಿಗೆ ನೆನಪಿಸಿ. ಕೊರೋನಾ ವೈರಸ್ ಸಾಂಕ್ರಾಮಿಕ ರೋಗ ಹರಡುವುದನ್ನು ತಡೆಯಲು, ಈ ನಡುವೆ ಸಾಮಾಜಿಕವಾಗಿ ಕೈ ಕುಲುಕದಂತೆ, ತಪ್ಪಿಸಲಾಗುತ್ತಿದೆ. ಇದನ್ನು ತಪ್ಪಿಸಲು ನೀವು ನಿಮ್ಮ ಮಗುವಿಗೆ ನೆನಪಿಸುವುದು ಮುಖ್ಯ. ಆದರೆ ಇದು ಚಿಕ್ಕಮಕ್ಕಳಲ್ಲಿ ಸಾಮಾನ್ಯ ಅಭ್ಯಾಸವಾಗಿದೆ. ಅವರು ಇದನ್ನು ಏಕೆ ತಪ್ಪಿಸಬೇಕು ಎಂದು ಅವರಿಗೆ ತಿಳಿಸಿ ಇದರಿಂದ ಅವರಿಗೆ ಏನು ನಡೆಯುತ್ತಿದೆ ಎಂಬುದರ ಬಗ್ಗೆ ಉತ್ತಮ ತಿಳುವಳಿಕೆ ಇರುತ್ತದೆ.
3. ಅಗತ್ಯ ವಸ್ತುಗಳ ಮೇಲೆ ಸಂಗ್ರಹಿಸಿ. ನಿಮ್ಮ ಮಗು ಚಿಕ್ಕದಾಗಿದ್ದರೆ, (ಡಿಜಿಛಿ, ಜಿಛ್ಟಿ) ಒರೆಸುವ ಬಟ್ಟೆಗಳು, ಮತ್ತು ಕೆಲವು ಪ್ರತ್ಯಕ್ಷವಾದ ನಿರ್ಧಿಷ್ಟವಾದ ಮಕ್ಕಳಿಗೆ ಒಗ್ಗುವ, ಸದಾ ನೀಡುವ ಔಷಧಿಗಳನ್ನು ನೀವು ಸಂಗ್ರಹಿಸಬೇಕಾಗುತ್ತದೆ. ನಿಮ್ಮ ಮಗುವಿಗೆ ಆಸ್ತಮಾ ಇದ್ದರೆ, ನೀವು ಒಂದೆರಡು ಇನ್ಹೇಲರ್’ಗಳನ್ನು ಹೊಂದಿರುವುದನ್ನು ಖಚಿತಪಡಿಸಿಕೊಳ್ಳಿ. ಅಗತ್ಯವಾದ ವೈದ್ಯಕೀಯ ಸರಬರಾಜು ಮತ್ತು ನಿಗದಿತ ಔಷಧಿಗಳನ್ನು ಖರೀದಿಸಿ. ಔಷಧಿ ಹೊರತಾಗಿ, ನೀವು ಎರಡು ವಾರಗಳಿಗೆ ಬೇಕಾಗುವಂತಹ ಏಕದಳ ಧಾನ್ಯ ಪುಡಿಯನ್ನು (್ಚಛ್ಟಿಛ್ಝಿ) ಮಗುವಿನ ಆಹಾರವಾಗಿ ಖರೀದಿಸಿ ಶೇಖರಿಸಿಡಬೇಕು.
4. ಹೆಚ್ಚು ಜನಸಂದಣಿ ಇರುವ ಸ್ಥಳಗಳಿಗೆ ಹೋಗುವುದನ್ನು ತಪ್ಪಿಸಿ. ಕಾಯಿಲೆಯಿಂದ ಬಳಲುತ್ತಿರುವ ವ್ಯಕ್ತಿಯು ಉಸಿರಾಡುವಾಗ, ಕೆಮ್ಮುವಾಗ, ಸೀನುವಾಗ ಅಥವಾ ಮಾತನಾಡುವಾಗ ಉತ್ಪತ್ತಿಯಾಗುವ ಸಣ್ಣಹನಿಗಳ ಮುಖಾಂತರ ಕೊರೋನಾ ವೈರಸ್ ಮೂಲಕ ಹರಡುತ್ತದೆ. ಜನರು ಪರಸ್ಪರ ಅಂತರ ಆರು ಅಡಿಗಳ ಒಳಗೆ ಇರುವಾಗ, ವೈರಸ್’ಗಳು ಹೆಚ್ಚು ಸುಲಭವಾಗಿ ಹರಡುತ್ತವೆ. ಕೊರೋನಾ ವೈರಸ್ ಪ್ರಕರಣ ದೃಢಪಟ್ಟಿರುವ ಪ್ರದೇಶದಲ್ಲಿ ನೀವು ವಾಸಿಸುತ್ತಿದ್ದರೆ, ನೀವು ಸಂಪೂರ್ಣವಾಗಿ ಹೊರಗೆ ಹೋಗುವುದನ್ನು ತಪ್ಪಿಸಬೇಕು, ವಿಶೇಷವಾಗಿ ಮಾಲ್’ಗಳು ಅಥವಾ ಗ್ರಂಥಾಲಯಗಳಂತಹ ಹೆಚ್ಚು ಜನಸಂದಣಿ ಇರುವ ಸ್ಥಳಗಳಿಗೆ ಹೋಗುವುದನ್ನು ತಪ್ಪಿಸಿ.
5. ನಿಮ್ಮ ಮನೆಯನ್ನು ನಿರಂತರವಾಗಿ ಸ್ವಚ್ಚಗೊಳಿಸಿ ನಿಮ್ಮ ಮಗುವನ್ನು ರಕ್ಷಿಸಲು ಮತ್ತು ಕೊರೋನಾ ವೈರಸ್ ಹರಡುವುದನ್ನು ತಡೆಯಲು, ನಿಮ್ಮ ಮನೆಯನ್ನು ನಿರಂತರವಾಗಿ ಸ್ವಚ್ಚಗೊಳಿಸಿ, ವಿಶೇಷವಾಗಿ ಹೆಚ್ಚು ಓಡಾಡುವ ಬಳಸುವ ಪ್ರದೇಶಗಳು. ಆಟಿಕೆಗಳು, ಫೋನ್’ಗಳು, ಟ್ಯಾಬ್ಲೆಟ್’ಗಳು, ಮೆಟ್ಟಿಲುಗಳ ರೇಲಿಂಗ್’ಗಳು ಮತ್ತು ರೆಫ್ರಿಜರೇಟರ್ ಬಾಗಿಲು ಸೇರಿವೆ. ಪರಿಣಾಮಕಾರಿತ್ವವನ್ನು ಹೆಚ್ಚಿಸಲು, ವಸ್ತುಗಳ ಮೇಲ್ಮೈಯನ್ನು 15-30 ಸೆಕೆಂಡುಗಳ ಕಾಲ ಒದ್ದೆಯಾಗಿ ಬಿಡಬೇಕು.
6. ಕೆಮ್ಮು/ಉಸಿರಾಟದ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದು ಸೀನುವಾಗ, ಕೆಮ್ಮುವಾಗ, ಟಿಶ್ಯು ಪೇಪರನ್ನು ಬಳಸಿ, ನಂತರ ತಕ್ಷಣ ಎಸೆಯಿರಿ. ನೀವು ಟಿಶ್ಯು ಪೇಪರನ್ನು ಹೊಂದಿಲ್ಲದಿದ್ದರೆ, ನಿಮ್ಮ ಮೊಣಕೈಯನ್ನು ನಿಮ್ಮ ಬಾಯಿಯನ್ನು ಮುಚ್ಚಿಕೊಂಡು ಸೀನಬಹುದು ಅಥವಾ ಕೆಮ್ಮಬಹುದು. ನಿಮ್ಮ ಮಗುವಿಗೆ ಅದೇ ರೀತಿ ಮಾಡಲು ಕಲಿಸಿ.
ಎಂಬಿಬಿಎಸ್, ಎಂಡಿ, ನಿಯೋನಾಟಾಲಜಿಯಲ್ಲಿ ಫೆಲೋಶಿಪ್
ಸಲಹೆಗಾರರು: ಪೀಡಿಯಾಟ್ರಿಕ್ ಮತ್ತು ನಿಯೋನಾಟಾಲಜಿ
ಅಪೋಲೊ ತೊಟ್ಟಿಲು, ಜಯನಗರ, ಬೆಂಗಳೂರು
Get in Touch With Us info@kalpa.news Whatsapp: 9481252093
