ಹಾರನಹಳ್ಳಿಯಲ್ಲಿ ಎರಡು ಕೋಮಿನ ಯುವಕರ ನಡುವೆ ವಾಗ್ವಾದ, ಬಿಗುವಿನ ವಾತಾವರಣ, ಕುಂಸಿ ಪೊಲೀಸರ ದೌಡು

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಹಾರನಹಳ್ಳಿ: ಶಿವಮೊಗ್ಗ ತಾಲೂಕಿನ ಆಯನೂರು ಬಳಿಯ ಹಾರನಹಳ್ಳಿಯಲ್ಲಿ ಎರಡು ಕೋಮಿನ ಗುಂಪಿನ ನಡುವೆ ವಾಗ್ವಾದ ನಡೆದಿದ್ದು, ಪರಿಸ್ಥಿತಿ ಪ್ರಕ್ಷುಬ್ದವಾಗಿದೆ ಎಂದು ವರದಿಯಾಗಿದೆ.

ಅನ್ಯ ಕೋಮಿನ ಯುವಕರು ಕರುವೊಂದನ್ನು ಕದ್ದೊಯ್ದಿದ್ದರು ಎಂಬ ಆರೋಪದ ವಿಚಾರದಲ್ಲಿ ವಾಗ್ವಾದ ಆರಂಭಗೊಂಡು ನೂರಾರು ಸಂಖ್ಯೆಯಲ್ಲಿ ಜನ ಜಮಾಯಿಸಿದ್ದು, ಪರಿಸ್ಥಿತಿ ಬಿಗಡಾಯಿಸುವ ಹಂತಕ್ಕೆ ತೆರಳಿತ್ತು.

ಈ ವೇಳೆ ವಿಚಾರ ತಿಳಿದ ಕುಂಸಿ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದು, ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ.

ಏನಿದು ಘಟನೆ?
ಹಾರನಹಳ್ಳಿ ಗ್ರಾಮದಲ್ಲಿ ಗೋವುಗಳನ್ನು ಕಳ್ಳ ಸಾಗಾಣೆ ಮಾಡುತ್ತಿದ್ದ ಕುತಂತ್ರಿಗಳನ್ನು ಸೆರೆ ಹಿಡಿದಿದ್ದ ಭಜರಂಗದಳ ಕಾರ್ಯಕರ್ತರು, ಆ ಗೋವುಗಳನ್ನು ಶ್ರೀ ರಾಮಚಂದ್ರಾಪುರ ಮಠಕ್ಕೆ ಹಸ್ತಾಂತರಿಸಿದ್ದರು.

ಇದೇ ವಿಚಾರದಲ್ಲಿ ಈಗ ಇದೇ ವಿಚಾರದಲ್ಲಿ ಎರಡು ಕೋಮಿನ ಯುವಕರ ನಡುವೆ ಮಾತ ಬೆಳೆದು, ವಾಗ್ವಾದಕ್ಕೆ ಕಾರಣವಾಗಿದೆ ಎಂದು ವರದಿಯಾಗಿದೆ.

Get in Touch With Us info@kalpa.news Whatsapp: 9481252093