ನಿರೀಕ್ಷೆಗೂ ಮೀರಿದ ಪ್ರಬುದ್ಧ ಕಥೆ ಹೊಂದಿರುವ ಸಿನಿಮಾ ಕಟಿಂಗ್ ಶಾಪ್...

ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |

ಹೊಸ ಪ್ರತಿಭೆಗಳ ಒಗ್ಗಟ್ಟಿನ ಶ್ರಮವೇ ಕಟಿಂಗ್ ಶಾಪ್ ಸಿನಿಮಾ. Cutting Shop Movie ಆರಂಭದಲ್ಲಿ ಮುಖ ಪರಿಚಯ ಇಲ್ಲದವರ ಪಾತ್ರಗಳು ಪ್ರೇಕ್ಷಕರ ಮನ ಪಟಲದಲ್ಲಿ ದಾಖಲಾಗಲು ಸಮಯ ತಗೆದುಕೊಳ್ಳುತ್ತದೆ. ಸಿನಿಮಾದವರಿಗೆ ಹತ್ತಿರವಾದಷ್ಟು ಸಾಮೂಹಿಕ ಪ್ರೇಕ್ಷಕರನ್ನು ಮುಟ್ಟಲು ಚಿತ್ರ ಪೂರ್ತಿ ಮುಗಿಯುವ ತನಕ ಕಾಯಬೇಕಾಗುತ್ತದೆ.

ಸಿನಿಮಾದ ನಾಯಕ ನಟ ಪ್ರವೀಣ್ ಅಭಿನಯ ಮನೋಜ್ಞವಾಗಿ ಮೂಡಿ ಬಂದಿದೆ. ತನ್ನ ಎಡಿಟಿಂಗ್ ಪ್ರವೃತ್ತಿ ಹೇಗೆ ಆರಂಭವಾಯ್ತು ಎನ್ನುವುದನ್ನ ವಿಬಿನ್ನವಾದ ನಟನ ಕೌಶಲ್ಯದಿಂದ ಪ್ರಸ್ತುತಪಡಿಸಿದ್ದಾರೆ.

ಹೊಸಬರ ತಂಡವೊಂದು ನಿರೀಕ್ಷೆಗೂ ಮೀರಿ ಪ್ರಬುದ್ಧವಾಗಿ ಕಥೆಯನ್ನು ಹೆಣೆದಿದ್ದಾರೆ. ಸಿನಿಮಾಗೆ ಬೇಕಿರುವ ಪಾತ್ರಗಳಿಗೆ ಜೀವ ತುಂಬುವಲ್ಲಿ ಕಲಾವಿದರು ಹಾಗೂ ಕಥೆಗೆ ಬೇಕಾದ ರೂಪ ನೀಡುವಲ್ಲಿ ಮೊದಲ ಸಿನಿಮಾವೆಂಬ ತಡವರಿಕೆಗಳಿಲ್ಲದೇ ಕೊಂಡ್ಯೊದಿದ್ದಾರೆ ನಿರ್ದೇಶಕ ಪವನ್ ಭಟ್ . ಹೊಸ ನಿರ್ದೇಶಕ ಎಂದು ಹೇಳಲು ಆಚ್ಚರಿಯಾಗುವಾಷ್ಟು ಚಿತ್ರಕ್ಕೆ ಅವಶ್ಯವಿರುವ ಹಲವು ಕೌಶಲ್ಯಗಳನ್ನು ಅಳವಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಸಿನಿಮಾ ಎನ್ನುವ ಮಾಯಲೋಕದಲ್ಲಿ ಕೆಲಸ ಮಾಡುವವರು ಯಾರೋ ಹೆಸರು ಪಡೆಯುವವರು ಯಾರೋ ಆಗಿರುತ್ತಾರೆ. ತರೆಯಮೇಲೆ ಕಾಣಿಸುವಷ್ಟು ಸುಲಲಿತವಾಗಿರುವುದಿಲ್ಲ ಸಿನಿಮಾ ಕ್ಷೇತ್ರದವರ ಬದುಕು. ಪ್ರತಿ ಹಂತದಲ್ಲೂ ಎದುರಿಸಲೇ ಬೇಕಾದ ಅನಿಯಂತ್ರಿತ ಸನ್ನಿವೇಶಗಳು ಬರುತ್ತವೆ. ಇವುಗಳನ್ನೆಲ್ಲ ದಿಟ್ಟವಾಗಿ ಸ್ವೀಕರಿಸಿ ಸೂಕ್ತ ಉತ್ತರಗಳನ್ನು ನೀಡಿದಲ್ಲಿ ಬೆಳವಣಿಗೆ ಸಾಧ್ಯ ಎಂದು ತೋರಿಸಿಕೊಟ್ಟಿದ್ದಾರೆ.

ನಾಯಕ ನಟ ಪ್ರವೀಣ್ ಜೀವನ ದಿಕ್ಕು ಕೆಟ್ಟಾಗ ಗೆಳೆಯ ದೀಕ್ಷಿತ್ ಸಾಥ್ ಕೊಟ್ಟು ಗೆಳೆತನದ ಮಹತ್ವವನ್ನು ಎತ್ತಿ ಹಿಡಿದಿದ್ದಾರೆ. ಇನ್ನು ಪ್ರವೀಣ್ ಅಣ್ಣನಾಗಿ ಅಭಿನಯಿಸಿರುವ ಪ್ರಸಾದ್ ಚೆರ್ಕಾಡಿಯವರ ಅದ್ಬುತ ನಟನೆ ನೋಡುಗರಿಗೆಲ ಇದ್ದರೆ ಇಂತಹ ಅಣ್ಣನಿರಬೇಕು ಎಂದೆನಿಸದೇ ಇರುವುದಿಲ್ಲ.

ಯಾವುದೇ ಯಶಸ್ಸು ಬಂದಾಗ ಅಥವಾ ಅದನ್ನು ಗುರುತಿಸುವಾಗ ಸಾಮಾನ್ಯವಾಗಿ ಅ ವ್ಯಕ್ತಿಯನ್ನು ಮಾತ್ರ ಪ್ರಶಂಸಿಸುವುದಾಗಿರುತ್ತದೆ. ಯಶಸ್ಸು ಕೇವಲ ಒಬ್ಬ ವ್ಯಕ್ತಿಗೆ ಸಲ್ಲುವಂತಹದ್ದಲ್ಲ. ಅ ವ್ಯಕ್ತಿ ಯಶಸ್ಸಿನ ಮುಖಪುಟವಾಗಿರತ್ತಾನೆ ಉಳಿದರೆಲ್ಲ ಪುಟಪುಟವಾಗಿ ಸೇರಿ ಬೆಂಬಲಿಸಿದ ಕಾರಣಕ್ಕೆ ಗೆಲುವು ಸಾಧ್ಯವಾಗಿದೆ ಎಂಬುದನ್ನು ಸರಳವಾಗಿ ಅರ್ಥೈಸುವ ಮೂಲಕ ನಿರ್ದೇಶಕರು ಪ್ರೇಕ್ಷಕರಿಗೆ ಸಂದೇಶ ರವಾನಿಸಿದ್ದಾರೆ.

ಒಟ್ಟಾರೆಯಾಗಿ ಸಿನಿಮಾ ಇಷ್ಟು ಬೇಗ ಮುಗಿಯಿತಲ್ಲ ಎಂಬ ಭಾವವನ್ನು ಸೃಷ್ಟಿಸುತ್ತದೆ. ಕೊಲೆ ಸೂಲಿಗೆ ರಕ್ತಗಳಿಲ್ಲದೆಯೂ ಸಿನಿಮಾ ಮಾಡಬಹುದು ಎಂಬುದನ್ನ ತೋರಿಸಿಕೊಟ್ಟ ನಿರ್ದೇಶಕರಿಗೆ ಸಿನಿ ಪ್ರೇಕ್ಷಕರ ಕಡೆಯಿಂದ ಒಂದು ಸಲಾಂ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news