ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |
ಸಿಗ್ನಲಿಂಗ್ ಕಾಮಗಾರಿಗಳ ಹಿನ್ನೆಲೆಯಲ್ಲಿ ಮೊದಲು ರದ್ದುಪಡಿಸಲಾಗಿದ್ದ ಕೆಲವು ರೈಲುಗಳ ಸೇವೆಯನ್ನು ಇದೀಗ ಪುನಃ ಆರಂಭಿಸಿರುವುದಾಗಿ ದಕ್ಷಿಣ ಪೂರ್ವ ಕೇಂದ್ರ ರೈಲ್ವೆ (South East Central Railway) ಪ್ರಕಟಿಸಿದೆ.
ಬಿಲಾಸ್ಪುರ ವಿಭಾಗದ ಚಾಂಪಾ ಮತ್ತು ಜಂಜಗಿರ್ ನೈಲಾ ನಿಲ್ದಾಣಗಳ ನಡುವೆ ನಡೆಯುತ್ತಿದ್ದ ಕಾಮಗಾರಿಗಳ ಕಾರಣದಿಂದ ಈ ರೈಲುಗಳನ್ನು ತಾತ್ಕಾಲಿಕವಾಗಿ ರದ್ದುಪಡಿಸಲಾಗಿತ್ತು. ಆದರೆ ಇದೀಗ ಪರಿಸ್ಥಿತಿ ಸುಧಾರಿಸಿರುವ ಹಿನ್ನೆಲೆಯಲ್ಲಿ, ಈ ರೈಲುಗಳು ತಮ್ಮ ನಿಯಮಿತ ವೇಳಾಪಟ್ಟಿಯಂತೆ ಸಂಚರಿಸಲಿವೆ ಎಂದು ರೈಲ್ವೆ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.
ಪುನರಾರಂಭಗೊಂಡ ರೈಲುಗಳ ವಿವರ ಹೀಗಿದೆ:
- ರೈಲು ಸಂಖ್ಯೆ 17321 ವಾಸ್ಕೋ-ಡಾ-ಗಾಮಾ – ಜಸಿದೀಹ್ ಎಕ್ಸ್ಪ್ರೆಸ್: ಜೂನ್ 12, 2026 ರಂದು ವಾಸ್ಕೋ-ಡಾ-ಗಾಮಾದಿಂದ ಪ್ರಯಾಣ ಆರಂಭ
- ರೈಲು ಸಂಖ್ಯೆ 17322 ಜಸಿದೀಹ್ – ವಾಸ್ಕೋ-ಡಾ-ಗಾಮಾ ಎಕ್ಸ್ಪ್ರೆಸ್: ಜೂನ್ 15, 2026 ರಂದು ಜಸಿದೀಹ್ನಿಂದ ಪ್ರಯಾಣ ಆರಂಭ
- ರೈಲು ಸಂಖ್ಯೆ 12251 ಯಶವಂತಪುರ – ಕೋರಬಾ ಎಕ್ಸ್ಪ್ರೆಸ್: ಜೂನ್ 9 ಮತ್ತು 12, 2026 ರಂದು ಪ್ರಯಾಣ ಆರಂಭ
- ರೈಲು ಸಂಖ್ಯೆ 12252 ಕೋರಬಾ – ಯಶವಂತಪುರ ಎಕ್ಸ್ಪ್ರೆಸ್: ಜೂನ್ 11 ಮತ್ತು 14, 2026 ರಂದು ಕೋರಬಾದಿಂದ ಪ್ರಯಾಣ ಆರಂಭ
Also read: ಪ್ರಯಾಗ್ರಾಜ್–ಹುಬ್ಬಳ್ಳಿ ನಡುವೆ ವಿಶೇಷ ರೈಲು | ಇಲ್ಲಿದೆ ಡೀಟೇಲ್ಸ್
ಈ ರೈಲುಗಳು ಈಗಾಗಲೇ ತಿಳಿಸಿದಂತೆ ರದ್ದು ಆಗದೆ, ತಮ್ಮ ನಿಗದಿತ ವೇಳಾಪಟ್ಟಿಯಂತೆ ಸಂಚರಿಸಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರಯಾಣಿಕರು ತಮ್ಮ ಪ್ರಯಾಣ ಯೋಜನೆಗಳನ್ನು ಅದಕ್ಕೆ ಅನುಗುಣವಾಗಿ ರೂಪಿಸಿಕೊಳ್ಳುವಂತೆ ರೈಲ್ವೆ ಮನವಿ ಮಾಡಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
