ಭದ್ರಾವತಿ: ಶಿಕ್ಷಕ ವರ್ಗದಿಂದ ವಿದ್ಯಾರ್ಥಿನಿಯರಿಗೆ ಅದ್ಧೂರಿ ಸ್ವಾಗತ…

ಕಲ್ಪ ಮೀಡಿಯಾ ಹೌಸ್   |  ಭದ್ರಾವತಿ  |

ನಗರದ ನ್ಯೂಟೌನ್ ಬಾಲಿಕಾ ಸರ್ಕಾರಿ ಪ್ರೌಢಶಾಲೆಯಲ್ಲಿ ಉಪಪ್ರಾಚಾರ್ಯರಾದ ಟಿ. ಎಸ್. ಸುಮನಾ  ಮತ್ತು ಎಲ್ಲಾ ಶಿಕ್ಷಕ ವರ್ಗ, ಎಸ್‌ಡಿಎಮ್‌ಸಿ ಸದಸ್ಯರು ಸ್ವಾಗತ ಗೀತೆಯ ಮೂಲಕ ವಿದ್ಯಾರ್ಥಿನಿಯರಿಗೆ ಸ್ವಾಗತ ಕೋರಿದರು.

ಇಡೀ ಶಾಲೆಯನ್ನು ತಳಿರು ತೋರಣ, ಬಲೂನು, ಸ್ವಾಗತ ಕಮಾನ ಗಳಿಂದ ಅಲಂಕರಿಸಲಾಗಿತ್ತು. ಕಲಿಕಾ ಚೇತರಿಕೆಯ ಮೊದಲ ದಿನದ ಮಳೆಬಿಲ್ಲು ಚಟುವಟಿಕೆಗಳನ್ನು ಅರ್ಥಪೂರ್ಣವಾಗಿ ನಡೆಸಿ, ಪಠ್ಯ ಪುಸ್ತಕ ವಿತರಿಸಲಾಯಿತು.

ಕಲಿಕಾ ಕೊರತೆ ನೀಗಿಸಲು ಮಾಡಿಕೊಂಡಿರುವ ಯೋಜನೆಯನ್ನು ಎಸ್‌ಡಿಎಮ್‌ಸಿ ಸದಸ್ಯರಿಗೆ ಮತ್ತು ಪೋಷಕರಿಗೆ ಉಪ ಪ್ರಾಚಾರ್ಯರಾದ ಸುಮನಾ ವಿವರಿಸಿದರು.

ನಂತರ ವಿದ್ಯಾರ್ಥಿನಿಯರಿಗೆ ಊಟದ ಜೊತೆ ಸಿಹಿ ಬಡಿಸಲಾಯಿತು. ಕಲಿಕಾ ಚೇತರಿಕೆ ಬಗ್ಗೆ ಮಾಹಿತಿ ನೀಡಿ, ವಿವಿಧ ಬಗೆಯ ಆಟ, ವಿಷಯಧಾರಿತ ಚಟುವಟಿಕೆ ಮಾಡಿಸಲಾಯಿತು. ಹಿರಿಯ ಶಿಕ್ಷಕ ಮಂಜುನಾಥ್, ಮೆಹಬೂಬ್ ಅಲಿ ಖಾನ್, ಸತ್ಯ ನಾರಾಯಣ ಭಟ್, ಸುಬ್ರಾಯ, ಗಾಯತ್ರಿ ಹೆಗಡೆ, ಸುಭಾಷ್, ಶಾಲಿನಿ ಜಾಧವ್, ನಾಗರಾಜ, ಚಂಪಾಕಲಾ, ಫರ್ಜನಾ, ಜಯಲಕ್ಷ್ಮಿ, ಮೆಹಬೂಬ್, ನೂರ್ ಫಾತಿಮಾ, ಶಾಂತಲಾ ಇನ್ನಿತರ ಶಿಕ್ಷಕರು ಹಾಜರಿದ್ದರು.


ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news