ಹೆಚ್ ಐ ವಿ ಎಂಬುದು ಅಪಾಯಕಾರಿ ವೈರಸ್ ಆಗಿದ್ದು ಇದರಿಂದ ಸೋಂಕಿತರಾದರೆ ದೇಹದ ರೋಗ ನಿರೋಧಕ ಶಕ್ತಿಯು ಕ್ಷೀಣಿಸುತ್ತಾ ಹೋಗುತ್ತದೆ. ಹೆಚ್ ಐ ವಿ ಕೊನೆಯ ಹಂತವನ್ನು ಏಡ್ಸ್(ಅರ್ಕ್ವ್ಟೆಡ್ ಇಮ್ಯೂನೋ ಡಿಫೀಶಿಯೆನ್ಸಿ ಸಿಂಡ್ರೋಮ್) ಎಂದು ಕರೆಯುತ್ತಾರೆ. ಈ ರೋಗದಿಂದಾಗಿ ವಿಶ್ವದಾದ್ಯಂತ ಕೋಟ್ಯಾಂತರ ಜನರು ಸಾವಿಗೀಡಾಗಿದ್ದಾರೆ. ಹೆಚ್.ಐ.ವಿ (ಹ್ಯೂಮನ್ ಇಮ್ಯೂನ್ ಡಿಫಿಶಿಯನ್ಸಿ ವೈರಲ್) ಎಂಬ ವೈರಾಣುವಿನಿಂದ ಹರಡುವ ಸೋಂಕು ಹೆಚ್ ಐ ವಿ ವೈರಾಣು ದೇಹದ ರಕ್ಷಣಾ ವ್ಯವಸ್ಥೆಯನ್ನು ಹಾಳುಗೆಡವಿ, ರೋಗ ನಿರೋಧಕ ಶಕ್ತಿಯನ್ನು ಕಡಿಮೆಗೊಳಿಸಿ ಹಲವಾರು ಅವಕಾಶವಾದಿ ‘AIDS’’ ಸೋಂಕುಗಳನ್ನು ಉಂಟುಮಾಡುತ್ತದೆ.
ಹೆಚ್.ಐ.ವಿ ಹೇಗೆ ಹರಡುತ್ತದೆ?
ಸೋಂಕಿತ ವ್ಯಕ್ತಿಯ ವೀಂರ್, ರಕ್ತ, ಯೋನಿ, ಗುದ ಭಾಗದ ಹಾಗೂ ಎದೆ ಹಾಲಿನ ದ್ರವದಲ್ಲಿ ಹೆಚ್ಐವಿ ರೋಗಾಣು ಇರುತ್ತದೆ, ಇವುಗಳ ಮೂಲಕ ಹರಡುವ ಸಾಧ್ಯತೆ ಇದೆ.
ಸೋಂಕಿತರಿಂದ ಸುರಕ್ಷಿತವಲ್ಲದ ಲೈಂಗಿಕ ಕ್ರಿಯೆ
ಸೋಂಕಿತರಿಗಾಗಿ ಚುಚ್ಚು ಮದ್ದಿಗೆ ಬಳಸಿದ ಸೂಜಿ ಹಾಗೂ ಸಂಸ್ಕರಿಸದ ಆಪರೇಷನ್ ಪರಿಕರಗಳ ಮರುಬಳಕೆ.
ಹೆಚ್ಐವಿ ಸೋಂಕಿತ ಗರ್ಭಿಣಿಯಿಂದ ಮಗುವಿಗೆ ಮತ್ತು ಪ್ರಸವದ ನಂತರ ಸ್ತನಪಾನದ ಮೂಲಕವೂ ಮಗುವಿಗೆ ಹರಡುಬಹುದು.
ರಕ್ತದಾನ ಮತ್ತು ದೇಹದ ಇತರ ಭಾಗಗಳನ್ನು ದಾನ ಮಾಡುವವರು ಹೆಚ್ಐವಿ ಸೋಂಕಿತರಾಗಿದ್ದರೆ ಅದನ್ನು ಪಡೆಯುವ ವ್ಯಕ್ತಿಗಳಿಗೆ ಹರಡುವ ಸಾಧ್ಯತೆ ಇದೆ.
ಹೆಚ್.ಐ.ವಿ ಪತ್ತೆ ಹಚ್ಚುವ ಹಲವು ಪರೀಕ್ಷೆಗಳ ಕುರಿತಾಗಿ ಜನರಿಗೆ ಯಾವುದೇ ಬಗೆಯ ಸಮಗ್ರ ಮಾಹಿತಿ ದೊರೆತಿಲ್ಲ. ಇಡೀ ಜಗತ್ತಿನಲ್ಲಿ ಕೇವಲ ಶೇ.51 ಮಂದಿಗೆ ಮಾತ್ರ ಏಡ್ಸ್ ಕಂಡು ಹಿಡಿಯುವ ಪರೀಕ್ಷೆ ಬಗ್ಗೆ ಮಾಹಿತಿ ತಿಳಿದಿದೆ.
AIDS ರೋಗದ ನಿರ್ಣಯ ಹೇಗೆ?
ಹೆಚ್ ಐ ವಿ ವೈರಾಣುಗಳ ಪ್ರತಿಕಾಯಗಳನ್ನು ರಕ್ತದಲ್ಲಿ ಪತ್ತೆ ಹಚ್ಚುವುದರ ಮೂಲಕ ನಿರ್ಣಯಿಸಬಹುದು. ಇದನ್ನು ಪತ್ತೆ ಹಚ್ಚಲು ಲಭ್ಯವಿರುವ ಪರೀಕ್ಷೆಗಳು:
ಏಲೀಸಾ (ELISA)
ವೇಸ್ಟ್ರ್ನ್ ಬ್ಲಾಟ್ (Western blot)
ಪಿ ಸಿ ಆರ್ (PCR)
ರ್ಯಾಪಿಡ್ ಪರೀಕ್ಷೆ (Rapid test)
1988 ರಿಂದ ವಿಶ್ವ ಆರೋಗ್ಯ ಸಂಸ್ಥೆಯು ಪ್ರತಿ ವರ್ಷ ಡಿಸೆಂಬರ್ 1 ರ ದಿನವನ್ನು ವಿಶ್ವ AIDS ದಿನವನ್ನಾಗಿ ಆಚರಿಸಿ ಈ ರೋಗದ ಕುರಿತು ಜಾಗೃತಿ ಕಾರ್ಯಗಳನ್ನು ಆಯೋಜಿಸಲು ಪ್ರಾರಂಭಿಸಿತು. ಪ್ರತಿ ವರ್ಷ ಒಂದೊಂದು ಧ್ಯೇಯ ವಾಕ್ಯದೊಂದಿಗೆ ಈ ದಿನ ಆಚರಿಸಲಾಗುತ್ತದೆ. ಈ ವರ್ಷದ ಧ್ಯೇಯ ವಾಕ್ಯ ‘‘ Know your Status’’ (‘‘ನಿಮ್ಮ ಹೆಚ್ಐವಿ ಸ್ಥಿತಿಯನ್ನು ತಿಳಿದುಕೊಳ್ಳಿ’’)
ನಿಮ್ಮ ಹೆಚ್ ಐ ವಿ ಸ್ಥಿತಿಯನ್ನು ಈಗ ಒಂದು ಸುಲಭವಾದ ಪರೀಕ್ಷೆಯಿಂದ ತಿಳಿದುಕೊಳ್ಳಬಹುದು. ಅದಕ್ಕಾಗಿ ಸುಬ್ಬಯ್ಯ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಉಚಿತ ಹೆಚ್ಐವಿ ಪರೀಕ್ಷೆಯನ್ನು ಏರ್ಪಡಿಸಲಾಗಿದೆ. ಇದೇ ಡಿಸೆಂಬರ್ 1, 2018 ರಂದು ಬೆಳಗ್ಗೆ 9ರಿಂದ ಸಂಜೆ 4ರವರೆಗೆ ಉಚಿತ ಹೆಚ್ ಐ ವಿ ಪರೀಕ್ಷೆಯನ್ನು ಸಾರ್ವಜನಿಕರಿಗಾಗಿ ಕೈಗೊಳ್ಳಲಾಗಿದೆ.
ಈ ಉಚಿತ ಶಿಬಿರದಲ್ಲಿ ಎಲ್ಲರೂ ಅಧಿಕ ಸಂಖ್ಯೆಯಲ್ಲಿ ಪಾಲ್ಗೊಂಡು, ಇದರ ಸದುಪಯೋಗ ಪಡೆದುಕೊಳ್ಳಲು ವಿನಂತಿಸಲಾಗಿದೆ. ಈ ರೀತಿಯಾಗಿ ಹೆಚ್ ಐ ವಿ ನಿರ್ಮೂಲನೆಗಾಗಿ ನಮ್ಮೊಂದಿಗೆ ಕೈ ಜೋಡಿಸಿ ಎಂದು ಕೋರುತ್ತೇವೆ.
ಡಾ.ಲಾವಣ್ಯ .ಜೆ
ಸೂಕ್ಷ್ಮಾಣು ಜೀವಿಶಾಸ್ತ್ರ ವಿಭಾಗ
ಸುಬ್ಬಯ್ಯ ವೈದ್ಯಕೀಯ ಮಹಾವಿದ್ಯಾಲಯ. ಪುರಲೆ
ಶಿವಮೊಗ್ಗ
Discussion about this post