ಗುಡ್ ನ್ಯೂಸ್ | ಶಿವಮೊಗ್ಗದಿಂದ 2 ನಗರಕ್ಕೆ ಸ್ಪೈಸ್ ಜೆಟ್ ವಿಮಾನ ಆರಂಭ | ಎಲ್ಲಿಗೆ? ದರ ಎಷ್ಟು?

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ಶಿವಮೊಗ್ಗದ #Shivamogga ವಿಮಾನ ಪ್ರಯಾಣಿಕರಿಗೆ ಶುಭ ಸುದ್ದಿ ದೊರೆತಿದ್ದು, ಸ್ಪೈಸ್ ಜೆಟ್ #SpiceJet ವಿಮಾನ ಸಂಸ್ಥೆ ನಗರದಿಂದ ಎರಡು ಮಹಾನಗರಗಳಿಗೆ ವಿಮಾನ ಹಾರಾಟವನ್ನು ಘೋಷಣೆ ಮಾಡಿದೆ.

ಈ ಕುರಿತಂತೆ ಸ್ಪೈಸ್ ಜೆಟ್ ವಿಮಾನ ಸಂಸ್ಥೆ ಅಧಿಕೃತವಾಗಿ ಘೋಷಣೆ ಮಾಡಿದ್ದು, ಶಿವಮೊಗ್ಗದಿಂದ ಚೆನ್ನೈ #Chennai ಹಾಗೂ ಹೈದರಾಬಾದ್ ನಗರಗಳಿಗೆ ಹಾರಾಟ ಘೋಷಣೆ ಮಾಡಿದೆ. ಅಲ್ಲದೇ, ಇದಕ್ಕಾಗಿ ಈಗಾಗಲೇ ಟಿಕೇಟ್ ಮಾರಾಟವನ್ನು ಸಹ ಆರಂಭಿಸಿದೆ.

ಈ ಹಿಂದೆ ಇಂಡಿಗೋ ಬೆಂಗಳೂರು ಶಿವಮೊಗ್ಗ ಸಂಚಾರ ಆರಂಭ ಮಾಡಿತ್ತು. ಅದಾದ ಬಳಿಕ ಶಿವಮೊಗ್ಗ ವಿಮಾನ ನಿಲ್ದಾಣದಲ್ಲಿ ತನ್ನ ವಾಣಿಜ್ಯ ಚಟುವಟಿಕೆ ಆರಂಭಿಸಿದ ಸ್ಟಾರ್ ಏರ್ ಗೋವಾ, ತಿರುಪತಿ ಹಾಗೂ ಹೈದರಾಬಾದ್’ಗೆ ವಿಮಾನ ಸಂಚಾರ ಸೇವೆ ಒದಗಿಸಿತ್ತು. ಇದೀಗ ಸ್ಪೈಸ್ ಜೆಟ್ ವಿಮಾನಗಳು ಶಿವಮೊಗ್ಗದಿಂದ ಚೆನ್ನೈ ಹಾಗೂ ಶಿವಮೊಗ್ಗದಿಂದ ಹೈದರಾಬಾದ್ #Hyderabad ನಡುವೆ ಸಂಚರಿಸಲಿದೆ.
ಹೀಗಿದೆ ವಿಮಾನ ಹಾರಾಟದ ಸಮಯ:
ಶಿವಮೊಗ್ಗ-ಚೆನ್ನೈ:
ಸ್ಪೈಸ್ ಜೆಟ್ ವಿಮಾನ ಹಾರಾಟ ಅಕ್ಟೋಬರ್ 10ರಿಂದ ಆರಂಭಗೊಳ್ಳಲಿದೆ. ಚೆನ್ನೈನಿಂದ ಬೆಳಗ್ಗೆ 10.40ಕ್ಕೆ ಹೊರಡಲಿರುವ ವಿಮಾನ ಮಧ್ಯಾಹ್ನ 12.10ಕ್ಕೆ ಶಿವಮೊಗ್ಗ ತಲುಪಲಿದೆ.

ಅದೇ ರೀತಿಯ, ಸಂಜೆ 4.25ಕ್ಕೆ ಶಿವಮೊಗ್ಗದಿಂದ ಹೊರಡಲಿರುವ ವಿಮಾನ 5.25ಕ್ಕೆ ಚೆನ್ನೈ #Chennai ತಲುಪಲಿದೆ.

ಶಿವಮೊಗ್ಗ-ಹೈದರಾಬಾದ್
ಶಿವಮೊಗ್ಗದಿಂದ ಮಧ್ಯಾಹ್ನ 12.35 ಕ್ಕೆ ಹೊರಡುವ ಸ್ಪೈಸ್ ಜೆಟ್ ವಿಮಾನ ಮಧ್ಯಾಹ್ನ 14.05 ಕ್ಕೆ ಹೈದರಾಬಾದ್ ತಲುಪಲಿದೆ.
ಹೈದರಾಬಾದ್’ನಿಂದ ಮಧ್ಯಾಹ್ನ ಹೊರಡುವ ಸ್ಪೈಸ್ ಜೆಟ್ ವಿಮಾನ 14.40 ಕ್ಕೆ ಹೊರಟು ಶಿವಮೊಗ್ಗಕ್ಕೆ 16.10 ಕ್ಕೆ ತಲುಪಲಿದೆ.

ಟಿಕೇಟ್ ಬುಕ್ಕಿಂಗ್ ಆರಂಭ-ಎಷ್ಟಿದೆ ದರ?
ಈ ಎರಡೂ ಮಾರ್ಗಗಳಿಗೆ ಸ್ಪೈಸ್ ಜೆಟ್ ತನ್ನ ಅಧಿಕೃತ ವೆಬ್ ಸೈಟ್’ನಲ್ಲಿ ಬುಕ್ಕಿಂಗ್ ಆರಂಭಗೊಂಡಿದೆ.

ಚೆನ್ನೈನಿಂದ ಶಿವಮೊಗ್ಗಕ್ಕೆ ಅ.10ನೇ ತಾರೀಕಿಗೆ ಸ್ಪೈಸ್ ಸೇವರ್ ಟಿಕೆಟ್ ದರ 2299 ರೂಪಾಯಿ, ಸ್ಪೈಸ್ ಫ್ಲೆಕ್ಸ್ ಟಿಕೆಟ್ ದರ 3033 ರೂಪಾಯಿ ಇದೆ. ಅದೇ ರೀತಿ ಸ್ಪೈಸ್ ಮ್ಯಾಕ್ಸ್ ಟಿಕೆಟ್ ದರ 4135 ರೂಪಾಯಿ ಇದೆ.

ಶಿವಮೊಗ್ಗದಿಂದ ಚೆನ್ನೈಗೆ ಸ್ಪೈಸ್ ಸೇವರ್ ಟಿಕೆಟ್ ದರ 4123 ರೂ., ಸ್ಪೈಸ್ ಫ್ಲೆಕ್ಸ್ ಟಿಕೆಟ್ ದರ 4763 ರೂಪಾಯಿ ಇದೆ. ಸ್ಪೈಸ್ ಮ್ಯಾಕ್ಸ್ ಟಿಕೆಟ್ ದರ 5867 ರೂಪಾಯಿ ಇದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news  
Also read: ವಾಲಿಬಾಲ್ ಪಂದ್ಯಾವಳಿ: ಕ್ರೈಸ್ಟ್‌ಕಿಂಗ್ ತಂಡ ಸತತ ಎರಡನೇ ಬಾರಿಗೆ ಮೈಸೂರು ವಿಭಾಗಮಟ್ಟಕ್ಕೆ ಆಯ್ಕೆ