ಕಲ್ಪ ಮೀಡಿಯಾ ಹೌಸ್ | ಹುಬ್ಬಳ್ಳಿ |
ಪ್ರಯಾಣಿಕರ ಅನುಕೂಲತೆಗಾಗಿ ನೈಋತ್ಯ ರೈಲ್ವೆಯ ಹುಬ್ಬಳ್ಳಿ ವಿಭಾಗವು ಮಹತ್ತರ ಹೆಜ್ಜೆ ಇಟ್ಟಿದ್ದು, ಎಸ್ಎಸ್ಎಸ್-ಹುಬ್ಬಳ್ಳಿ ರೈಲು ನಿಲ್ದಾಣದಲ್ಲಿ #Hubli Railway Station ‘ಮಾರ್ಗದರ್ಶಕ್’ #Margadarshak ಎಂಬ ಡಿಜಿಟಲ್ ನಕ್ಷೆ ಹಾಗೂ ನ್ಯಾವಿಗೇಶನ್ ವ್ಯವಸ್ಥೆಯನ್ನು ಪರಿಚಯಿಸಲಾಗಿದೆ.
ಇದು ಬಳಕೆದಾರ ಸ್ನೇಹಿಯಾಗಿದ್ದು, ನಿಲ್ದಾಣದ ಪ್ರವೇಶದ ಬಳಿ 43 ಇಂಚಿನ ಟಚ್ಸ್ಕ್ರೀನ್ ಕಿಯೋಸ್ಕ್ ಅಳವಡಿಸಲಾಗಿದೆ. ಈ ಕಿಯೋಸ್ಕ್ ಮೂಲಕ ಪ್ರಯಾಣಿಕರು ನಿಲ್ದಾಣದ ನಕ್ಷೆಯನ್ನು ಬಳಸಿಕೊಂಡು ಪ್ಲಾಟ್ಫಾರ್ಮ್ಗಳು, ಮೆಟ್ಟಿಲು ಸೇತುವೆಗಳು, ಎಸ್ಕಲೇಟರ್ಗಳು, ಕುಡಿಯುವ ನೀರಿನ ಸೌಲಭ್ಯ, ನಿರೀಕ್ಷಣಾ ಕೊಠಡಿಗಳು, ಆಹಾರ ಮಳಿಗೆಗಳು ಮತ್ತು ಇತರ ಸೌಲಭ್ಯಗಳನ್ನು ಸುಲಭವಾಗಿ ಕಂಡುಹಿಡಿಯಬಹುದು – ಇದು ನಿಲ್ದಾಣದೊಳಗಿನ ಗೂಗಲ್ ಮ್ಯಾಪ್ ನಂತೆ ಕಾರ್ಯನಿರ್ವಹಿಸುತ್ತದೆ.
ಮಾರ್ಗದರ್ಶಕ್ನ ಪ್ರಮುಖ ವೈಶಿಷ್ಟ್ಯಗಳು:
- 24/7 ಕಾರ್ಯನಿರ್ವಹಿಸುವ ಸ್ವಸಹಾಯ ಪದ್ಧತಿಯ ಟಚ್ಸ್ಕ್ರೀನ್ ಕಿಯೋಸ್ಕ್
- ಕನ್ನಡ, ಹಿಂದಿ ಮತ್ತು ಇಂಗ್ಲಿಷ್ ಬಹು-ಭಾಷೀಯ ವ್ಯವಸ್ಥೆ
- ವೈಯಕ್ತೀಕರಿಸಿದ ನ್ಯಾವಿಗೇಷನ್ ನೊಂದಿಗೆ ನಿಲ್ದಾಣದ ವರ್ಚುವಲ್ ಟೂರ್
- ನಿಲ್ದಾಣದ ವಿವಿಧ ಭಾಗಗಳಲ್ಲಿ ಕ್ಯೂಆರ್ ಕೋಡ್ಗಳ ಮೂಲಕ ಮೊಬೈಲ್ನಲ್ಲಿಯೂ ಮಾರ್ಗದರ್ಶಕ್’ – ಸ್ಮಾರ್ಟ್ ಡಿಜಿಟಲ್ ನ್ಯಾವಿಗೇಶನ್ ವ್ಯವಸ್ಥೆ ಬಳಕೆ ಮಾಡಬಹುದಾಗಿದೆ
ಪ್ರಯಾಣಿಕರು ತಮ್ಮ ಮೊಬೈಲ್ ಫೋನ್ ಮೂಲಕ ಕ್ಯೂಆರ್ ಕೋಡ್ ಅನ್ನುಸ್ಕ್ಯಾನ್ ಮಾಡಿ ನಕ್ಷೆಗೆ ಪ್ರವೇಶ ಪಡೆದು, ತಮ್ಮ ಸ್ಥಳವನ್ನು ಗುರುತಿಸಿ, ನಿಲ್ದಾಣದೊಳಗೆ ಸುಲಭವಾಗಿ ಸಂಚರಿಸಬಹುದು.
ಈ ಸ್ಮಾರ್ಟ್ ವ್ಯವಸ್ಥೆಯ ಉದ್ದೇಶ: ಗೊಂದಲ ತಪ್ಪಿಸುವುದು, ಸಮಯ ಉಳಿಸುವುದು ಮತ್ತು ಒಟ್ಟಾರೆ ಪ್ರಯಾಣಿಕರ ಅನುಭವವನ್ನು ಉತ್ತಮಗೊಳಿಸುವುದು. ಹಬ್ಬಳ್ಳಿ ವಿಭಾಗವು ಈ ಸೌಲಭ್ಯವನ್ನು ಭವಿಷ್ಯದಲ್ಲಿ ಧಾರವಾಡ, ಬೆಳಗಾವಿ, ಬಳ್ಳಾರಿ, ಗದಗ, ಕೊಪ್ಪಳ, ಬಾಗಲಕೋಟೆ, ವಿಜಾಪುರ ಮತ್ತು ವಾಸ್ಕೊ ಮುಂತಾದ ಪ್ರಮುಖ ನಿಲ್ದಾಣಗಳಿಗೆ ವಿಸ್ತರಿಸುವ ಯೋಜನೆ ಹೊಂದಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
