ನಗರದಲ್ಲಿ ಮುಂದುವರೆದ ಸರಗಳ್ಳತನ: ಕೋಟೆ ಠಾಣೆ ಬಳಿಯಲ್ಲೇ ಚಿನ್ನದ ಸರ ಅಪಹರಿಸಿದ ಕಳ್ಳರು

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಶಿವಮೊಗ್ಗ: ಕೋಟೆ ಪೊಲೀಸ್ ಠಾಣೆಯ ಬಳಿಯಲ್ಲೇ ಜನನಿಬಿಡ ಪ್ರದೇಶವಾದ ಓಲ್ಡ್‌ ಬಾರ್ ಲೈನ್ ರಸ್ತೆಯಲ್ಲಿ ಮಹಿಳೆಯೊಬ್ಬರ ಚಿನ್ನದ ಸರ ಅಪಹರಿಸಿರುವ ಘಟನೆ ನಡೆದಿದೆ.

ಸೆ.5ರಂದು ಶಿಕ್ಷಕಿಯೊಬ್ಬರ ಹಾಗೂ ವೆಂಕಟೇಶ ನಗರದಲ್ಲಿ ಮಹಿಳೆಯೊಬ್ಬರ ಮಾಂಗಲ್ಯ ಸರ ಅಪಹರಿಸಿದ ಬೆನ್ನಲ್ಲೇ ಈ ಘಟನೆ ನಡೆದಿರುವುದು ನಗರವನ್ನು ಬೆಚ್ಚಿ ಬೀಳಿಸಿದೆ.

ಕೋಟೆ ಪೊಲೀಸ್ ಠಾಣೆಯಿಂದ ಕೂಗಳತೆ ದೂರದ ಪ್ರದೇಶದಲ್ಲಿ ಜನರ ಓಡಾಟ ಇರುವಂತೆಯೇ ಈ ಘಟನೆ ನಡೆದಿರುವುದು ನಗರವಾಸಿಗಳಲ್ಲಿ ಆತಂಕವನ್ನು ಸೃಷ್ಠಿಸಿದೆ.

ಮಾಂಗಲ್ಯ ಕಳೆದುಕೊಂಡ ಬಗ್ಗೆ ಮಹಿಳೆ ಕೋಟೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.

Get In Touch With Us info@kalpa.news Whatsapp: 9481252093