ದೆಹಲಿಯ ಅಂತರಾಷ್ಟ್ರೀಯ ಛಾಯಾಚಿತ್ರ ಸ್ಪರ್ಧೆ: ಶಿವಮೊಗ್ಗ ನಾಗರಾಜ್‌ಗೆ ಚಿನ್ನ ಬೆಳ್ಳಿ ಪದಕ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಶಿವಮೊಗ್ಗ: ದೆಹಲಿಯ ಪ್ರತಿಷ್ಠಿತ ವೈಲ್ಡ್ ಲೈಫ್ ಫೋಟೋಗ್ರಫಿ ಅಸೋಸಿಯೇಷನ್ ಆಫ್ ಇಂಡಿಯಾ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಮಟ್ಟದ ಸಾಮ್ ಸರ್ಕಿಟ್ 2020 ಛಾಯಾಚಿತ್ರ ಸ್ಪರ್ಧೆಯಲ್ಲಿ ಪತ್ರಿಕಾ ಛಾಯಾಗ್ರಾಹಕ ಶಿವಮೊಗ್ಗ ನಾಗರಾಜ್ ಅವರಿಗೆ ಚಿನ್ನ, ಬೆಳ್ಳಿ ಪದಕಗಳು ದೊರೆತಿವೆ.

ಛಾಯಾಚಿತ್ರ ಪತ್ರಿಕೋದ್ಯಮ ವಿಭಾಗದಲ್ಲಿ ಸೆರಂಡರ್ ಚಿತ್ರಕ್ಕೆ , ಅಮೆರಿಕಾದ ಫೋಟೋಗ್ರಫಿ ಸೊಸೈಟಿಯ ಚಿನ್ನದ ಪದಕ( ಪಿಎಸ್‌ಎ), ವೈಲ್ಡ್ ಲೈಪ್ ಫೋಟೋಗ್ರಫಿ ಸೊಸೈಟಿ ಅಫ್ ಇಂಡಿಯಾದ ಬೆಳ್ಳಿ ಪದಕ ಹಾಗೂ ಫೋಟೋ ಟ್ರಾವೆಲ್ ವಿಭಾಗದಲ್ಲಿ ಸರ್ಟಿಫಿಕೇಟ್ ಅಫ್ ಮೆರಿಟ್ ಲಭಿಸಿದೆ.

ಅಂತರಾಷ್ಟ್ರೀಯ ಛಾಯಾಚಿತ್ರ ಸ್ಪರ್ಧೆ, ಛಾಯಾ ಪತ್ರಿಕೋದ್ಯಮ ವಿಭಾಗದಲ್ಲಿ ಪತ್ರಿಕಾ ಛಾಯಾಗ್ರಾಹಕ ಶಿವಮೊಗ್ಗ ನಾಗರಾಜ್ ಅವರಿಗೆ ಚಿನ್ನ, ಬೆಳ್ಳಿ ಪದಕ ಸೇರಿ ಒಟ್ಟು ಮೂರು ಪ್ರಶಸ್ತಿ ಲಭಿಸಿದೆ.

ಪತ್ರಿಕಾ ಛಾಯಾಗ್ರಾಹಕರಾದ ಶಿವಮೊಗ್ಗ ನಾಗರಾಜ್ ಅವರು ಹಲವು ರಾಜ್ಯ, ರಾಷ್ಟ್ರ ಹಾಗೂ ಅಂತಾರಾಷ್ಟ್ರೀಯ ಸ್ಪರ್ಧೆಗಳಲ್ಲಿ ಪಾಲ್ಗೊಂಡು ವಿವಿಧ ಬಹುಮಾನ, ಪ್ರಶಸ್ತಿಗಳನ್ನು ಈಗಾಗಲೇ ಪಡೆದಿದ್ದಾರೆ.

ಶಾಲಾ ಕಾಲೇಜುಗಳಲ್ಲಿ ಮತ್ತು ಕರ್ನಾಟಕ ಸಂಘ, ಕುವೆಂಪು ರಂಗಮಂದಿರ ಸೇರಿದಂತೆ ವಿವಿಧೆಡೆ ವನ್ಯಜೀವಿ, ಪರಿಸರ ಹಾಗೂ ಗ್ರಾಮೀಣ ಬದುಕು, ಜನಜೀವನ ಸೇರಿದಂತೆ ಅನೇಕ ಬಗೆಯ ಛಾಯಾಚಿತ್ರಗಳ ಪ್ರದರ್ಶನ ಜನ ಜಾಗೃತಿ ಬೆಳೆಸುವ ಜೊತೆಗೆ ಜನಮನ ಸೂರೆಗೊಂಡಿವೆ.

Get In Touch With Us info@kalpa.news Whatsapp: 9481252093