ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ
ಶಿವಮೊಗ್ಗ: ನಿನ್ನೆ ಜಿಲ್ಲೆಯಲ್ಲಿ 58 ಕೊರೋನಾ ಪಾಸಿಟಿವ್ ಪ್ರಕರಣ ಪತ್ತೆಯಾದ ಬೆನ್ನಲ್ಲೇ ಇಂದೂ ಸಹ ಸಾಲು ಸಾಲು ಪ್ರಕರಣ ಪತ್ತೆಯಾಗಿದ್ದು, ಬಹಳಷ್ಟು ರಸ್ತೆಗಳು ಸೀಲ್ ಡೌನ್ ಮಾಡಲಾಗಿದೆ.
ಹೊಸಮನೆ 6 ನೇ ಮುಖ್ಯರಸ್ತೆ 2ನೇ ಅಡ್ಡರಸ್ತೆಯ ಪಿ45091 ರೋಗಿಯ ಸಂಪರ್ಕದಲ್ಲಿದ್ದ 54 ವರ್ಷದ ಮಹಿಳೆಯಲ್ಲಿ ಸೋಂಕು ಪತ್ತೆಯಾಗಿದ್ದು, ಇದು ಕಂಟೈನ್ಮೆಂಟ್ ಝೋನ್ ಪ್ರದೇಶವಾಗಿದೆ.
ಕಂಟೈನ್ಮೆಂಟ್ ಝೋನ್ ಪ್ರದೇಶವಾಗಿರುವ ಗಾಂಧೀ ಬಜಾರ್’ನ ಉಪ್ಪಾರ ಕೇರಿಯ 43 ಹಾಗೂ 34 ವರ್ಷದ ಇಬ್ಬರು ಪುರುಷರಲ್ಲಿ ಪಾಸಿಟಿವ್ ಪತ್ತೆಯಾಗಿದೆ.
ದೇವರಾಜ ಅರಸ್ ಬಡಾವಣೆಯ 70 ವರ್ಷದ ಪುರುಷ ಹಾಗೂ 32 ವರ್ಷದ ಮಹಿಳೆಯಲ್ಲಿ ಪಾಸಿಟಿವ್ ಬಂದಿದ್ದು, ಇದು ಕಂಟೈನ್ಮೆಂಟ್ ಝೋನ್ ಆಗಲಿದೆ.
ಬಾಪೂಜಿ ನಗರದ ವಸತಿ ನಿಲಯದ ವಾರ್ಡನ್ ಆಗಿ ಕೆಲಸ ಮಾಡುತ್ತಿದ್ದ 31 ವರ್ಷದ ವ್ಯಕ್ತಿಗೆ ಸೋಂಕು ದೃಢಪಟ್ಟಿದೆ. ಇವರ ಮನೆ ಸ್ವಾಮಿ ವಿವೇಕಾನಂದ ಬಡಾವಣೆಯಲ್ಲಿದೆ ಎಂದು ತಿಳಿದುಬಂದಿದೆ.
ಇನ್ನು, ತೀರ್ಥಹಳ್ಳಿ ರಸ್ತೆ ಬಳಿಯ ಭಾರತಿ ಕಾಲೋನಿ, ಟ್ಯಾಂಕ್ ಮೊಹಲ್ಲಾದ 6ನೆಯ ತಿರುವು, ವಾದಿ ಎ ಹುದಾ ಬಡಾವಣೆಯ ಪ್ರಸಿದ್ಧ ಶಾಲೆ ಸನಿಹದ 2ನೆಯ ಮುಖ್ಯರಸ್ತೆ, ರಾಗಿಗುಡ್ಡದ ಶಾಂತಿನಗರದ 6ನೆಯ ಅಡ್ಡರಸ್ತೆ, ಗೋಪಾಳದ ಮಾರಿಕಾಂಬ ದೇವಾಲಯದ ಪ್ರದೇಶ, ನಿದಿಗೆ, ಹರಿಗೆ 5ನೆಯ ತಿರುವು, ಎಪಿಎಂಸಿ ಹಿಂಬದಿಯ ಪ್ರದೇಶ, ಬಸವನಗುಡಿಯ 4ನೆಯ ತಿರುವು, ಸಿದ್ದೇಶ್ವರ ನಗರದ 3ನೆಯ ಅಡ್ಡರಸ್ತೆ, ವೆಂಕಟೇಶ್ವರ ನಗರ, ಮಲ್ಲಿಗೇನ ಹಳ್ಳಿ, ಗಾಂಧಿ ನಗರದ ಎ ಬ್ಲಾಕ್ 1ನೆಯ ತಿರುವು, ಅಶೋಕ ರಸ್ತೆಯ ಬೇಡರ ಕೇರಿಯಲ್ಲಿ ನಾಲ್ವರು ಸೇರಿದಂತೆ ನಗರ ವ್ಯಾಪ್ತಿಯಲ್ಲಿಯೇ ಬಹಳಷ್ಟು ಪ್ರಕರಣಗಳು ಇಂದು ಪತ್ತೆಯಾಗಿದ್ದು, ಈ ಪ್ರದೇಶಗಳು ಸೀಲ್ ಡೌನ್ ಆಗಿವೆ.
ಇನ್ನು, ನಗರ ಸೇರಿದಂತೆ ಜಿಲ್ಲೆಯಲ್ಲಿ ಇಂದು ಎಷ್ಟು ಪಾಸಿಟಿವ್ ಪ್ರಕರಣ ಪತ್ತೆಯಾಗಿವೆ ಎಂಬುದನ್ನು ತಿಳಿಯಲು ಸಂಜೆಯ ಬುಲೆಟಿನ್ ವರೆಗೂ ಕಾಯಲೇಬೇಕು.
Get In Touch With Us info@kalpa.news Whatsapp: 9481252093
